1Korintus 1:9 - Bible en Guidar

⁹ Nawtafi wən na Maŋgəlva məs dəyukum addəv əsap də Wətəni, Yesu Kristu Daya namə.

Nouveau Testament en Guidar

⁹ Maŋgəlva məs dəyukum ka kəsoŋ gən də Wətən Zezu Krestu Ɗəfdaya namə, də goŋgayi aza an adawpel pakə.

Bible en Guidar

⁹ Nawtafi wən na Maŋgəlva məs dəyukum addəv əsap də Wətəni, Yesu Kristu Daya namə.

1Korintus 1:9 ပူးပေါင်းရင်းမြစ်များ

Gəlyaɗe 100:5

Vi Yawe moggoni: vi moggon nan tay hã faɗə, moggon nan tay va sayit ɗiy amə' pakə.

Isaya 11:5

Təstəs gəm an dəslə wassoŋ sən va maslapa naynan dadakni.

Isaya 25:1

Yawe, istə Maŋgəlva nawa, wanərban gagdak noko wanətibiren iya noko. Vi kəgəɗək zəgeɗ naggət aketi. Ɓəlɓələŋ farə, aɓlaŋ ɓa.

Isaya 49:7

Vaŋki Yawe Salala məzubit Israyel adawpel sən ɗəf məzeleni məs ɗiy adawlaŋ va zəga ɗarə, sən balam net məsdarawɗe: Milyeŋge wawlanni, wasilyoŋgu, ɗiy gugriɗ wappu'oŋ aka wən na moggon na Yawe Salala na Israyel məs dəwelko.

Əŋɗa 23:19

Maŋgəlva ɗəfi ka ndən kawa wən ɓa, wətən Adam ka ndən kakkpaŋgan man ɓa, waynə wən məza əziw akan ɓa sa? Wapel məza kaɗɗan ɓa sa?

Matiye 24:35

Disiŋ də dəlvafuŋ pak wagrakaŋgə, ya sessel əpel naw agrak na ɓa.

Yohanna 17:21

vi pakgit dəssoŋgən taka, va is Afən kəsok addəvwa gəm in addəvko, ka net pak dəssoŋgən addəvmə, vi dələv dətafgən na, istə kəslənwa.

Roma 11:17

An məlotni kiva wəlaŋga səzani, an mətipku yi is hereme nawra a gəleti, an kərahək haran nok səza suwerin də səza telembe na hereme vani,

Roma 8:28

Məsənək na, Maŋgəlva tay əɗɗa zəga pak vi moggon net ɗiy en dəngluwəni, viyit ɗiy en ayə va aza an aziwgini.

Roma 8:30

Ya ɗiy en məs aɗi dafsəni, ayeke'e, en məs ayə, akkpeŋgetik təstəsə'e, en məs akkpeŋgek təstəsə, agagdaketike'e.

Roma 9:24

mənam məs ayə'e, sə walaŋgit mə Yudeɗi kaka ɓa, ya gəm sə walaŋgit ɗiy-ɗar əmpa.

1Korintus 1:30

Dendəni, nokum, kəssoŋ addəv Yesu Kristu, məs dəkkpaŋ maɗɗula dəde səza Maŋgəlva vimə, gəm əmpa təstəsə, salala gəm əbite.

1Korintus 10:13

Wərak məs dərukum pak gala ɗəfi. Maŋgəlva təstəsi appan na tive sən wərak dədaygən kiykum ɓa. Addəv ərak na, wapsukum gbogboŋ nawgilye səddəvən gəm nawɓəsən.

1Korintus 10:16

Huloŋguk na əzaɓ mədagəɗ sən soko sən Maŋgəlva vitəŋ na əsap dit mbel na Kristu tə ɓa sa? Məpteke məs mədarɗanəŋ na əsap də gəba zə Kristuwi ɓa sa?

2Korintus 1:18

Maŋgəlva nawtaf wən nani, əpel nam azokum na, ha'aw gəm owwoy ɓa.

Galatiyen 1:15

Səza Maŋgəlva dəwelu səddəv maw awla lewi, ayu də mbəlembəle nan,

Galatiyen 2:20

Madaraw nani ya intə əmpa ɓa, Kristuwi madaran addəvwa, vi əssa naw madaraw kakaŋkəŋka, in tat əsaw madaraw addəv ətaf Wətən Maŋgəlva məs dəŋgluwa gəm məs dəppan ki zən dəvan viwa.

Efesus 3:6

Vas na, ɗiy-ɗar vet məzəmaŋgəla sapə, gəɓa zit taka, asapaŋgək addəv iynama məstaka addəv Yesu Kristu də Alabara Neneke.

Əmsak aka Mahenziŋ 32:4

Nan, Milɓe yi, tay dəray aza wəza nan ɓa, tive nan təstəs-gəraki yi, Maŋgəlva məs addəɗ ɓa yi, vurum tay azan ɓa, təstəsi, sarray yi.

Əmsak aka Mahenziŋ 7:9

Wakəsən na, Yawe Maŋgəlva noko ndəni Maŋgəlva, Maŋgəlva an gesiŋgi; tay ərma wənmiyna nan gəm moggon nan viyit sayit ɗiy gabal məs dəŋgluwnəni, dərmanən əpel na ənziya,

Kolosi 1:24

Kakaŋ in tat ənnek addəv tatwãh naw vikum, in tat əknahan tatwãh na Kristu an dəpəl addəv gəɓa zuwa ammba gəɓa zəni, ana əsap net məzutafaŋgə,

1Tesaloniki 2:12

Məpel sukumko, məsɓokumko, məziwgukumko vi kədawaŋgən va an dəslə də Maŋgəlva məs dəyukum aka məlĩ nan də gagdak nani.

2Tesaloniki 2:14

Sən aski ayukum də Alabara Nenek namə, kərahaŋgən gagdak na Daya nam Yesu Kristu.

2Tesaloniki 3:3

Ya Daya moggoni. Wasɓokum gəm wagukum faraɗa səza Məsdaraw.

2Timote 1:9

Ndən məs dəkõhgəmə, dəyəm də iya salala məza aza wəza nam ɓa, ya aza an aynə gəm mbəlembəle nani. Mbəlembəle məs məpsəm addəv Kristu Yesu far na sete,

2Timote 2:13

an təstəs mənan ɓa, nan wasan təstəsə. Vi aɓap na kawzelen ki zən ɓa.

Titus 1:2

vi dəssoŋgən də əɗɗum nawga zeŋgile an faɗ məs Maŋgəlva məza awawən ɓa aynanman tak əzəməɗa,

Ibriɗe 10:23

məzban səm ərban əga nam məza əddak ɓa, vi məs diynan səm mani, nan akkpaŋgan man ɓa.

Ibriɗe 11:11

Də ətafi, Sara tamə'e, də təgal diyɗa pak, təɓap ərah uwa, vi təziwik aka əpel na məs diynan mani.

Ibriɗe 2:17

Ndəni, aslək dəgilgən va milmiŋgiɗin addəv zəga pakə, vi dəsangən də ulasahã, daya net məsdəlveŋge də gegesiŋ addəv wəza nan aba Maŋgəlva pakə, vi kavvuyon mambray net ɗiyi.

Ibriɗe 3:1

Milmiŋgiɗwa, mənokum ɗiy salala, məs də haran net addəv iya dəde sə disiŋ, məɗɗumon wən na Yesu məs Maŋgəlva aslən dəsangən daya net məsdəlveŋge məs mətafə.

Ibriɗe 3:14

Vi mənam pak məkkpaŋgək ɗiy na Kristu, an mərmak wən nan də makram taka məppan ɓa va mərma wən nan aka wətəŋ nani.

Ibriɗe 6:18

Zəgeɗ tahəŋ sula məza awpəlaŋ ɓa, ndəɗaŋgə iynama gəm əswaya, Maŋgəlva awəna wən dənɗaŋ ɓa, tay əsɓamən diyɗa mənam məs məppan zəga pak vi karma əga an məs anah napsəmə.

1Piyer 5:10

Ya Maŋgəlva afən mbəlembəle məs dəyukum addəv gagdak an faɗ addəv Kristu wasɓokum dəvani dərɓaga sãhã məs kəzəmaŋ ənziya siɗikke; waɓɓəlokum, wapsukum gbogboŋgo, waziwgukum ɓəlɓələ.

1Yohanna 1:3

An məs muwələ, məs məprəmə, anani mədawnah sukum tamə, vi nokum van kəsapaŋgən də mənamə, vi əsap nam dəsangən də Afəni gəm də Yesu Kristu Wətəni.

1Yohanna 1:7

Ya an mənam tat ədaw addəv əkeɗeɗe'e va ndən sən kiyən asan addəv əkeɗeɗe'e, asna məsapək awalaŋ zəmə, mbel na Yesu Wətən wabburnən mambray awandi pakə səzamə.

1Yohanna 4:13

Aza aŋki mədawsənən na mənam tat addəvən, tay addəvmə: apsəmək səza Əmpəs nani.

Hənhən 19:11

Yaŋ nula disiŋ kollo, pələs babar tay adak ziwwe, ɗəf nakan dawyanən na ɗəf təstəs gəm gesiŋ. Tay ətawwən gəm əlpa va an dəslə.