1Alabaraɗe Də Mabərkiziti 5:26 - Bible en Guidar

²⁶ Yaŋ Maŋgəlva na Israyel, asilgən maɗɗula Pul, məlĩ na Asiri, də maɗɗula Tilgat-Pilneser, məlĩ na Asiri, andek mə Rubenɗe, mə Gadɗe, də pəɗak na mahəlfa na Manase asimgit a Hala, a Habor, a Hara, gəm a ma məlpa metiŋ na Gozan, hã dəpaŋka.

1Alabaraɗe Də Mabərkiziti 5:26 ပူးပေါင်းရင်းမြစ်များ

2Samiyel 24:1

Gədəv Yawe azbanək əda aka Israyel, asilgənək Davit aketi, dawnəh na: Dok aŋɗet mə Israyelɗe dit mə Yudeɗi.

2Milyeŋge 15:19

Pul məlĩ na Asiri, aguluk dələv kulo'u, yaŋ Menahem apsən təbəz net koɓeɗ kilo gabal kaklaw hoku, vi dəbbah səngən dəsɓan məlĩ nani.

2Milyeŋge 15:29

Aka pay na Peka, məlĩ na Israyel na, Tiglat-Pileser, məlĩ na Asiri, adek əmõh Iyon, Abel-Bet-Ma'aka, Yano'a, Kedes, Hasor, Galad, Galile, gəm dələv na Neftali baymani; asimgit ake a Asiri.

2Milyeŋge 16:7

Akaz aslən ɗiy aza Tiglat-Pileser məlĩ na Asiri, kawnah sən na: «Gawla nok nani, wutuk nani'e; ade ətəru səva məlĩ na Aram, də an na Israyel, dədawsilyoŋ akawa!»

2Milyeŋge 17:6

Aka wəzva mavaytakan na Hose'a aka məlĩ yi, məlĩ na Asiri amõh Samari, ake mə Israyelɗe a Asiri. Azi aka va na Hala, aka va na Gozan, dədaki məlpa Habor adawtoŋgo, gəm a walaŋgəleɗe gugriɗ na Mediya.

2Milyeŋge 18:11

Məlĩ na Asiri akek ɗiy na Israyel na gagay a Asiri, azi a Hala gəm aka Habor məlpa metiŋ na Gozan, gəm a walaŋgəleɗe gugriɗ na Mediya.

2Milyeŋge 19:12

Meŋgilveɗ net ɗiy akohgitinik aka efiŋgiɗu araygənən Gozan, Haran, Resef dit mə Edenɗe dəssoŋ a Telasar iŋ na, meŋgilveɗ net akõhgitinik sa?

1Alabaraɗe Də Mabərkiziti 5:22

Ɗiy amtaŋgək diyɗa, vi əgay van səza Maŋgəlva ade. Assoŋguk a gəlet hã gap pay nawsimgit gapə.

1Alabaraɗe Də Mabərkiziti 5:6

Ba'al duwa Be'era məs Tilgat-Pilneser, məlĩ na Asimgini. Asiri, ndəni məlĩ net mə Rubenɗe.

1Alabaraɗe Də Mabərkiziti 9:1

Mə Israyelɗe pak məŋɗeti, yeŋ məverit addəv ɗerewel net milyeŋge na Israyel. En na Yuda na, məsimgiti a Babilon, vi araygənən mahenziŋ na Maŋgəlva.

2Alabaraɗe Də Mabərkiziti 28:20

Tilgat-Pilneser, məlĩ na Asiri, pay kərok sən Akaz, man hãs əndan məza əbbah sən dərəŋ ɓa.

2Alabaraɗe Də Mabərkiziti 30:6

Maslənɗe abbalanənək dələv na Israyel də Yuda, dit ɗerewelɗe məverit məs məlĩ dit ɗiy gugriɗ naban nek avereŋ va məlĩ aɗi wən nan də ənəh na: «Mənokum kirtin Israyel, məmil aza Yawe Maŋgəlva na Abraham, na Isak gəm na Israyel; wamil azokum mənokum məs kəmbraŋ kəkohoŋ səmmba va məlĩ na Asiri kəŋkə.

2Alabaraɗe Də Mabərkiziti 33:11

Yas Yawe appet deyeɗe net məzəlpaŋ na məlĩ na Asiri əzzoŋ aketi: armanən Manase dit makalawɗe, aynanən dit ŋgiyamɗe na təbəz pepreŋ heret sula, akanən a Babilon.

Ezra 1:5

Yaŋ migil gəla na Yuda də Benyamin, məsdəlveŋge gəm mə leviɗe asilyoŋgu, məza kazzeken wən ɓa na, en məs Maŋgəlva akol kiyit nadda ərka Gəla na Yawe an dəsan a Yerusalem.

Isaya 37:12

Gala efiŋgiɗu azanən Gozan, Haran, Resef gəm kirtin Eden na Telasar na, meŋgilveɗ net akõhgitinik sa?

Isaya 37:18

Gesiŋ, Yawe, məlyeŋge na Asiri azetinik ɗiy naka dələv pak də dələv net pakə.