1Alabaraɗe Də Mabərkiziti 5:1 - Bible en Guidar

¹ Kirtin Ruben magazi na Israyel, adan arnokon zəga nawvoŋ na afəni, məgəmni daya nani, məpsit kirtin Yosef, wətən Israyel; məŋɗani va daya ɓa.

1Alabaraɗe Də Mabərkiziti 5:1 ပူးပေါင်းရင်းမြစ်များ

Va'Atəŋ 25:23

Yawe aɓsət na: «Ɗiy na dələv sulaŋ addəvko, gabbet ɗiy temtem sula dədawɗakaŋ səddəvko. Taka wasan gboŋgboŋ dayki mbərən, daya wagəɗ wəza aba an sawã.»

Va'Atəŋ 25:31

Yakob azlan na: «Avəl su fəksa daya nok dəpaŋka.»

Va'Atəŋ 29:32

Le'a təgəmək daway, bok wiyna, təlvan na Ruben: «Vi təmna Yawe awlak əzəmsahã nawa vi kakaŋ na, zəluw waŋgluwu kana.»

Va'Atəŋ 35:22

Gala Yakob asan aka va nani, Ruben tek ɗufgət Bilha, gəra afəni, Israyel aprəmək wən nani. Kirtin Yakob tahəŋ kəlaw kiyit sula:

Va'Atəŋ 46:8

Iya net mə Israyelɗe dəzzoŋ a Eziptə yaŋka: Yakob dit kirtini. Ruben tizi na Yakob.

Va'Atəŋ 48:5

Ya kakaŋ na: «Kirtuk sula muwə suk a Eziptə, tak nədegən azok a Eziptəŋ nawəŋgə. Efrayim də Manase wassoŋ suwən va may Ruben də Simeyon.

1Alabaraɗe Də Mabərkiziti 2:1

Kirtin Israyel yeŋki: Ruben, Simeyon, Levi, gəm Yuda, Isakar gəm Zabulon,

1Alabaraɗe Də Mabərkiziti 26:10

Na Hosa səddəvit kirtin Merari yi, awək mezeŋgleketi: Simri yi, daya nani, magazi nani ɓa hara, yaŋ afən aɗi ka daya;

Əgilye 6:14

Eŋkiŋ migil gəla na uwa na afiti. Eŋkiŋ mahəlfa na Ruben, Ruben, Tiz na Israyel: Hanok, pallu, Hesron gəm Karmi.

Məsdəlveŋge 18:8

Kədawsən gabbat ga afuk ɓa; gabba afuki kpakə.

Məsdəlveŋge 20:11

An ɗəf avoŋgətək ga afəni, awlak gabba afəni; kawbeyti sulegit pakə, mbel net wamndoŋ aketi.

Əŋɗa 1:5

Iya net ɗiy nabbahaŋ sukumən yaŋka: na zev Ruben: Elisur, wətən Sede'ur.

Əŋɗa 16:1

Kore, wətən Yisehar, wətən Kehat, wətən Levi, akkinik may Datan gəm Abiram kirtin Eliyab, gəm One wətən Pelet, zev Ruben.

Əŋɗa 26:5

Ruben, tizi na Israyel. Kirtin Ruben: səza Hanok gebbet mə Hanokɗe agili; səza Pallu gebbet mə Palluɗe agili;

1Korintus 5:1

Aŋga pak ɗəf tay əprəmən na wən na əkuh a gizbe tay a walaŋkum, əkuh a gizbe məs a walaŋgit ɗar dayday tay vas ɓa. Hã gap ɗəf sərokum əsan dət ga afəni.

Əmsak aka Mahenziŋ 21:17

Tizi wətət guluk məs dəŋgluwət ɓaŋki adawla ka daya nan dərəŋ, haran nan sula adapsən səza zəga nan pakə: Vi wiynəski mbel na gawla nani, ndəni də tive nawzəmgəla.

Əmsak aka Mahenziŋ 27:20

«Wəray dəsan aka ɗəf məvoŋgət ga afəni, vi akosuk zəga səka gabba afəni!» Ɗiy pak dəzlanəngən na: «Dəsan vaska!».

Əmsak aka Mahenziŋ 33:17

Gagdak nan tay va medgeɗge muwan na mulviyo! Mohõn tay va mohõ təgənə, dəndən adawbey ɗiy hã gap təki dələv abaymani. Mohõn vani, ɗiy na Efrayim gəm ɗiy na Manase gabalɗeŋgə.»

Kolosi 1:15

Agilik səɗek va Maŋgəlva məs awlanən ɓa, maddaabəŋ na an məzəməɗən pakə;

Yosuwa 14:6

Kirtin Yuda payaŋ aza Yosuwa a Gilgal, yaŋ Kaleb wətən Yefunne mə Kenaz aɓsən na: «kəsənək an Yawe apel sən Moyis ɗəf na Maŋgəlva aka wən nawa gəm aka wən nok a Kades-Barneya.