1Alabaraɗe Də Mabərkiziti 28:9 - Bible en Guidar

⁹ Ya nok is wətu Salomoŋ na, asən Maŋgəlva na afuko, agəɗ sən wəza mokrok paparə, də megenegene zuko, vi Yawe tay əkkesen mekret ɗiy, tay uɗakan əɗɗumɗe pakə. An is tat əkayani, wappan suk zən kərəhgəni, ya an kəppanəka, nan wazgok faɗə.

1Alabaraɗe Də Mabərkiziti 28:9 ပူးပေါင်းရင်းမြစ်များ

Va'Atəŋ 28:13

Yawe yaŋ ziwwe a disiŋ kini amna: «Intə Yawe Maŋgəlva na afuk Abraham, Maŋgəlva na Isak. Dəlvafuŋ kəvoŋ akanəŋka, wanəpsuk də mazlalwõko.

Va'Atəŋ 6:5

Yawe awla na, mambray na ɗəf titir adayək aka dəlvafuŋ: əɗɗum na makran aka mbərayən adawbay zən pay pak kaka'ə,

Va'Atəŋ 8:21

Yawe affokuk məŋgənən hõyu, Yawe anah a makran na: «Nəzban na əraygən dəlvafuŋ ɗah aka batam ɗəf titir əmpa ɓa. Nəsənək na, əɗɗum na makra ɗəf titir pak, aka mbərayni far səka sawãni, səni yi nəzan na ɗah zəga madaran va nəgəɗəŋ əmpa ɓa.

1Milyeŋge 3:6

Salomoŋ amna: «Kəgəɗ sənək moggon metiŋgin sən gawla nok Davit, əbba, vi adawək abok gesiŋ gesiŋgi, təstəsə, makran taka də isi, kərban sənək moggon nok metiŋginiŋka, kəpsənək wiyən dəsan aka mazaŋga na məlĩ nan va dəpaŋka.

1Milyeŋge 8:39

nok kəprəmgən sə disiŋ sə təki kəsoko, avvuyon siti, abbahə, agəɗ sən ɗəf va aza ədaw nani vi kəsənək makrani, vi istə takərguk kəsən mekret ɗiyi.

1Milyeŋge 8:43

nok apak sləmok sə təki kəsok sə disiŋ, agəɗ va an molhõyõ assõh pakə, vi ɗiy naka dələv pak dəsənnəngən iya noko, dəgeslne'eŋ sukungəni va ɗiy nok mə Israyelɗe gəm dəsənəngən na sən iya nok nərka gəlaŋka.

1Milyeŋge 8:61

Mokrokum dəsan aka Yawe Maŋgəlva namə, vi kədawaŋgən va mahenziŋɗe nan aŋglaŋgə, karme wəsəɓɗe nan va kədaɗɗaŋ dəpaŋkəŋka.»

2Milyeŋge 20:3

«Aw! Yawe, kamə aɗɗum na nədawək abok də gegesiŋ gəm makraw taka, gəm nəgəɗək moggon ama horoko.» Hizkiya ahəmək sawɓa.

2Milyeŋge 21:22

Appanək Yawe Maŋgəlva net efiŋgiɗni, dədaw aka tive na Yawe ɓa.

2Milyeŋge 22:2

Agəɗək an dəslə a mahara Yawe, adawək aka təl Davit afəni, dəslokor dəka dəzəŋ may dəka zlaɓay ɓa.

1Alabaraɗe Də Mabərkiziti 22:19

Kakaŋ na, məɗi mokrokum də zeŋgilokum aka əkayan Yawe Maŋgəlva nokum. Misili, mərka təki salala na Yawe Maŋgəlva, kawki akoti na wənmiyna na Yawe dit zəgeɗ na matuya na Maŋgəlva addəv Gəla an mərkan aka iya na Yawe.»

1Alabaraɗe Də Mabərkiziti 28:8

Ya kakaŋ na, ama hara Israyeli pakə dəsan əkkal na Yawe, gəm a sləma Maŋgəlva namə: mərme, məkeyet wəsəɓɗe na Yawe Maŋgəlva nokum, vi dələv moggonəŋ dəsangən ka nokum, kəpsitingən kirtukum dərɓogokum ka faɗə.

1Alabaraɗe Də Mabərkiziti 29:9

Zit ɗiy annekik də wəvəl net sən Yawe də mekret paparə. Məlĩ Davit pak zən annekik diyɗa sawɓa.

2Alabaraɗe Də Mabərkiziti 12:5

Məskəleŋ Semaya pay aza Robo'am dit ɗiy gugriɗ na Yuda məkkelit a Yerusalem aka wən na Sisak, aɓsit na: «An Yawe adawnəh yaŋka: “Kəzgawənka! Ya naw van tam nəzgokumko addəv va Sisak.”»

2Alabaraɗe Də Mabərkiziti 15:2

Ambat ərəh Asa, anah sən na: «Məlĩ Asa, də mənokum ɗiy na Yuda gəm ɗiy na Benyamin, məprəmwã! Pay pak Yawe tay dəndəkum, an mənokum tat dəndən. An kəkayanənka, asna, wappan zən kərəhnəngəni; an kəppanənka, nan pak wappokum tamə.

2Alabaraɗe Də Mabərkiziti 6:30

nok kəprəmgən hã sə disiŋ, sə təki kəsoko, kəvvuyongəni, kəfaɗ səngən ɗəf pak aza ədaw nani, vi kəsənək makrani, vi istə kaka kəsən makra ɗəf titire.

Ezra 8:22

Yaŋ wil aduwən dəssohõn məlĩ, dəpsəmgən məzəlpaŋ məŋkoroŋ pilseŋge dəgəməŋgən aka tive dawmbata; vi mənah sənək məlĩ na: «Va moggon na Maŋgəlva nam tay aket ɗiy dədawkayanən pakə; wədagədəv nan tay aket ɗiy en məzəppanəni.»

Gəlyaɗe 101:2

Maw aka nərahgən əsən aka tive təstəs-gərakə: dewe kədazzok azaw di? Nədawgən də makraw moggon eŋgil anawda.

Gəlyaɗe 139:2

kəsənək va nədawsawa, va nədawsilyewa; kəsənək əɗɗum naw səka faraɗa;

Gəlyaɗe 17:3

Kəkkesenək makrawa; də dəfəɗ kəkkosoni; kəsluwəka, tay an kərah azaw ɓa. An nəɗɗum dəgil sə maw ɓa.

Gəlyaɗe 18:2

Yaŋ amna: Nəŋglukuko Yawe, gbogboŋ naw kənani.

Gəlyaɗe 7:10

Mbərayən net məsdarawɗe dəbayman kana! Wakəɓɓəlan ɗəf an təstəsə! Də əsəŋglan mekret ɗiy gəm kpukpum naɗɗum neti Maŋgəlva an təstəsə.

Gəlyaɗe 7:9

Yawe wasan mətawwən aket ɗiyi: apəlwa Yawe vi təstəs gəm bartata nani.

Gəlyaɗe 89:26

Wanəpsən pehe ammba vani, məlpeŋɗe ammba van dəzəŋ.

Gəlyaɗe 89:38

va təla, waziw ɓəlɓəl pay pakə, ka məziwe gesiŋ ara slaybuwna.» Əziwe

Gəlyaɗe 9:10

Yawe dəsan təki nawɗam na məsərmani, təki nawɗam pay nawzəm sahã!

Əgilye 15:2

Gbogboŋ naw də gəlya naw na Yawe yi. Əkõh naw na Maŋgəlva yi. Wanəgagdakan Maŋgəlva net afiŋgiɗwa də wəɗi kini.

Əgilye 3:16

Doko, akkelet ɗiy məsɓet na Israyel, anah sit na: Yawe, Maŋgəlva net afiŋgiɗkum, Maŋgəlva na Abraham, na Isak, na Yakob, dərban zən azaw, dawnah su na: Nətoŋ addəv wən nan ambokum na, aka an məgəɗ sukum a Eziptə yi,

Wənməkkpaŋga 17:3

Vov tay vi nawhə̃s təbəz babara, movoro vi nawhə̃s meleŋge; Yawe tam dədawsəŋgləkan mekret ɗiyi.

Wənməkkpaŋga 3:6

Tive an kəgəm pak, asən na tay, nan wakkpeŋget tiveɗ nok sarara.

Wənməkkpaŋga 4:4

Ndən əyagansu zəga gəm ndən ənah su na: «Aɗi əpel naw akoko, arme mahenziŋɗe nawa wakəsok madoroko.

Isaya 1:28

Ya əzay viyit ɗiy məɓoŋti gəm məs mambrayɗe, wəgrak net ɗiy en dəzganən Yawe yi.

Isaya 38:3

Amna: «Kamə Yawe, kamə aɗɗum na nədawək abok də gegesiŋ gəm makraw taka, gəm nəgəɗək moggon ama horoko.» Hizkiya ahəmək sawɓa.

Isaya 45:19

Nəpel mahaɗama ɓa a təki məs guzli naka dələv ɓa. Nənah sən zev Yakob na dəkayawəngən addəv səmyã ɓa. In Yawe na, an təstəs nədawpele, an sarara nədarba.

Yeremiya 11:20

Ya Yawe Məzuɓappak ndəni mətawwən təstəsə, məkkesen megenegene gəm makra ɗəfa. Wanula əmpəlkiya nok aketi, vi suk nəppan wən nawa.

Yeremiya 17:10

In Yawe in tat ula an dəsan a makra ɗəfa, in tat əkoson əɗɗumo. Wanəfaɗ sən naway pak va aza ədaw nani, gəm aza wəza nani.

Yeremiya 20:12

Ya Yawe Məzuɓappak, kəsinik ɗiy en təstəsə, kawla kpukpum na mekret də əɗɗum neti. Nəppanək wən naw pak avoko, in tat əŋgla nulagən va kədampəlkiya.

Yeremiya 22:16

Tay əɗɗa moggon sən məssahã gəm sən məzuraya, as lewi. Aski əsənu ɓa sa? Yawe aɗiymani.

Yeremiya 24:7

Wanəpsit maɗɗula dəsənwəngən na intə Yawe. Wassoŋ ɗiy nawa, ya naw wanəsaw Maŋgəlva neti an azzoŋguk azaw də mekret taka.

Yeremiya 29:13

Wakəkayawəni ya wakərəhwəni vi wakəkayawən də mokrokum pakə.

Yeremiya 29:14

Wanəppan zu kərəhwəngəni Yawe aɗiymani, wanəzaɓan wən nokum gəm wanəkkolokum səket dəlveŋge də sə təki temtem məs nərɓokum adakəŋ pakə Yawe aɗiymani, wanəmndogokum a təki məs nəsimgukum sədaka.

Yeremiya 31:34

Ɗəf tay nawyagan ɗəf maɓɓani awaniɓa məlmən əmpa də wənah na: Asən Yawe ɓa, vi wasənwən baymet təŋ səzet memeɗeŋɗe net hã gap azet gugriɗ neti Yawe aɗiymani. Vi wanəvvuyon sit heslepe net də mambray neti, nəɗɗum na akan əmpa ɓa.

Yeremiya 9:24

Yawe aɗiyman na, pay wade in kawtawwən aket ɗiy en dəskəlaŋ awra na gəɓa ziti:

Ezekiyel 11:5

Əmpəs na Yawe aprikik akawa, aɓsu na: «Anah na vaŋ Yawe anahə: Vaŋ kəpeleŋgi mə Israyelɗe, an dədawpeŋ aka maɗɗulokum, naw nəsənka.

Ezekiyel 38:10

An Daya Yawe anah yaŋka: Pay nan na, wəpel wade a mokroko, wakəɗɗum əɗɗum mbərayni.

Hose'a 4:1

Mə Israyelɗe, məprəm əpel na Yawe: Yawe tay də wən nawtaw aket ɗiy dəssoŋ aka dəlva, vi wən gesiŋ tay ɓa, moggon tay ɓa, may əsən Maŋgəlva tay aka dələv ɓa.

Hose'a 4:6

Ɗiy naw azaŋka vi dəsənwən ɓa. Adan kəzganək əsəna, wanəzgoko, kəsok na məsdələv naw əmpa ɓa: kəzgətək ki mahenziŋ na Maŋgəlva noko, naw pak wanəzgət kiyit kirtuk mezeŋgleketi.

Yohanna 1:47

Adan Yesu awla Natanayel dazzan azani, apelik akani, amna aŋki mə Israyel an gesiŋ məs tay də muluvuluvu azan ɓa.

Yohanna 17:3

Zeŋgile an faɗə, ndəni dəsənkungən na istə kaka' Maŋgəlva an gesiŋ gəm Yesu Kristu məs kəslənə.

Yohanna 2:25

Wəray tay ɗəf dənah səngən wən na ɗəf ɓa, vi asənək an na makra ɗəf pakə.

Yohanna 21:17

Anah sən təl mohoko'ən əmpa, aɓsən na: Simoŋ wətən Yohanna, kəŋgluwək sa? Piyer asanək man ɓəɓiɓəɓi, vi anah sən təl mohoko'ən na: Kəŋgluwək sa? Azlan sənək na: Daya zəga pak nok kəsənəka, nok kəsənək na nəŋglukuko. Yesu aɓsən na: Ateɗ timeŋgiɗ nawa.

Yohanna 4:24

Maŋgəlva Əmpəsi, ɗiy məgagdakanən dəgagdakanən də Əmpəsa gəm də gegesiŋ.

Yohanna 8:55

Ya nokum kəsənən ɓa, naw nəsənka. An nənahək na nəsən ɓa, wanəsaw məwə wən va munokum. Ya nəsənka, in tat ərma əpel nani.

Wəza net Masləŋɗe 1:24

Yaŋ akkamaŋ anahaŋ na: Daya istə kəsən mekret ɗiy pakə, arban an kəwel taka səret ɗiy suleŋki.

Wəza net Masləŋɗe 17:23

Aka nədabbal a walaŋgəla-metiŋ nokum, nərahək matuya məs məver akan na: Sən maŋgəlva məza məsəni ɓa. Vasna mənokum tat əgagdakanən məza kəsənən ɓa, anani kan naw nədarban sukum.

Wəza net Masləŋɗe 17:30

Kakaŋ na, Maŋgəlva aɗiyək sit ɗiy pak, aŋga pak dəɗiyaŋgən marava, məza əzga sləma aka pay dətoŋ məs əsən tay ɓa ɓa.

1Korintus 15:34

Məziwgin maɗɗulokum təstəsə, kədaɗɗaŋ mambray ɓa, vi ɗiy meɓɓet tahəŋ də əsən na Maŋgəlva ɓa. Nənah vasna sən ərba wil nokumi.

2Korintus 4:6

Maŋgəlva məs dənah na: Əkeɗeɗe wawiɗ ara guzliyo, ndəni dəwiɗ a makramə. Vi kawiɗgən əsən na gagdak na Maŋgəlva aka məɗahara Yesu Kristu.

2Korintus 8:12

Vi an əsok zə ɗəf tay, wataf də ula an navamə məza ula an tay avam ɓa ɓa.

2Korintus 9:7

Naway pak dəɗi va aynan a makrani, məza də əɓuh mani awaniɓa na gagay ɓa. Vi Maŋgəlva ɗəf an məzəpsən də ənnek adaŋgla.

Əmsak aka Mahenziŋ 10:12

Ya kakaŋ na Israyel, miy Yawe Maŋgəlva nok adawga səvok di? An adawga na, kəgeslne'eŋ səngən Yawe Maŋgəlva nok kaka'ə, də ədaw aka tive nan pakə, də əŋgluwən, də əgəɗ sən wəza sən Yawe Maŋgəlva nok də mokrok pakə, də megenegenok pakə,

Əmsak aka Mahenziŋ 31:21

pay əray diyɗa də wəzəmsahã tatwãh arəhe, gəlyas wakkpaŋ abet ka miziwe, vi kirtit azgətaŋ na ɗah dəsɗeken ɓa. Vi nəsənək əɗɗum naket dəpaŋka tak nəɓəl ətoŋgit aka dələv məs nəpsit də əswayəŋ ɓa.»

Əmsak aka Mahenziŋ 4:35

Nok na, mərban suki, vi kəsənəngən na Yawe yi Maŋgəlva: tay maɓɓan abbər kiyin ɓa.

Ibriɗe 12:28

Adan məlĩ məs aɓəl na ɓa mərahə, mərma səm mbəlembəle van lewlewi. Məgəɗ səm wəza nannek zən Maŋgəlva də mbəlembəle vani, də əɓe'səni gəm də əgeslne' səni.

Ibriɗe 4:13

Zəga tay dəɗam ara Maŋgəlva ɓa. Zəga pak appakayi ama harani. Səni mənam pak mədaŋɗan an məgəɗə.

1Piyer 5:2

Mətaɗ ngaɓa na Maŋgəlva məs apəl sukum, də əzga sləma akani məza addəv gagay ɓa də əŋgla na mokrokum va Maŋgəlva aŋgələ; məza də mamayã narəh deleɗ ɓa, ya də əppan sən kizukum.

Hənhən 2:23

Gewleɗ nat na, wanəbeye, gəleɗe na Maŋgəlva pak wasənnən na intə məkoson əɗɗumo gəm makret ɗiyi. Wanəfaɗsən naway di pak va azet wəzaɗe nani.

1Samiyel 12:20

Samiyel aɓsit ɗiy na: «Kəgeslne'eŋ ɓa. Vaski yi, mənokumtə kəraygənəni, ya kədaktuhnən gəɓokum səza Yawe əmpa ɓa, məgəɗ wəza sən Yawe də mokrokum taka.

1Samiyel 16:7

Yawe aɓsən Samiyel na: «Nok kədawla gəɓa zən də əɓay nan ɓa, nəzganəka. Vi naw nawla aza an ɗiy adawlaŋ ɓa: Ɗiyi, an na ma heret adawlaŋgə ya Yawe nan makra ɗəf adawla.»