1Alabaraɗe Də Mabərkiziti 22:19 - Bible en Guidar

¹⁹ Kakaŋ na, məɗi mokrokum də zeŋgilokum aka əkayan Yawe Maŋgəlva nokum. Misili, mərka təki salala na Yawe Maŋgəlva, kawki akoti na wənmiyna na Yawe dit zəgeɗ na matuya na Maŋgəlva addəv Gəla an mərkan aka iya na Yawe.»

1Alabaraɗe Də Mabərkiziti 22:19 ပူးပေါင်းရင်းမြစ်များ

1Milyeŋge 5:3

wasliɗe məzgəlit kəlaw, en məndet sə ma wətaɗa, tahəŋ kaklaw sula, gəm timeŋgiɗ dit gilew səkatə, məŋɗetiŋ muneŋge, budeɗi may metgilew nawra dit gimndeɗ məzgilit ɓa.

1Milyeŋge 8:21

Adaki nəzaɓan təki nawɗi akoti məs wənmiyna asan addəvən an Yawe aziwgin dit afiŋgiɗim aka pay agilgit səka dələv na Eziptə.»

1Milyeŋge 8:6

Məsdəlveŋge mah əkanən akoti na wənmiyna na Yawe a gəlani, addəv tuzoŋ gəla an salala day, ammba persleket kerubaɗe.

1Alabaraɗe Də Mabərkiziti 16:10

Məɗi ənnek nokum aka iya nan salala, mənneken zukum mənokum məkayanən Yawe!

1Alabaraɗe Də Mabərkiziti 16:11

Məkayan Yawe də gbogboŋ nani, məkayan ula haran pay pakə.

1Alabaraɗe Də Mabərkiziti 22:16

An dəwəl sən meleŋge, təbəz babara, təbəz pepreŋge gəm titire, kawɓapi əsən əŋɗa net ɓa. Asil aɗɗa wəza, kəta Yawe dəsan də isi!»

1Alabaraɗe Də Mabərkiziti 22:7

Davit van aɓsən Salomoŋ na: «Wətuwa, tay a makraw narka Gəla aka iya na Yawe Maŋgəlva naw kəta.

1Alabaraɗe Də Mabərkiziti 28:9

Ya nok is wətu Salomoŋ na, asən Maŋgəlva na afuko, agəɗ sən wəza mokrok paparə, də megenegene zuko, vi Yawe tay əkkesen mekret ɗiy, tay uɗakan əɗɗumɗe pakə. An is tat əkayani, wappan suk zən kərəhgəni, ya an kəppanəka, nan wazgok faɗə.

2Alabaraɗe Də Mabərkiziti 20:3

Geslne armak Yosafat. Ndən haran sek əkayan Yawe, aɗi əɗɗa meme addəv Yuda baymani.

2Alabaraɗe Də Mabərkiziti 5:7

Siskiŋ na, məsdəlveŋge atoŋgənən akoti na wənmiyna na Yawe a təki məzaɓan səni, a təki salala diyɗa, ammba persleket kerubaɗe.

2Alabaraɗe Də Mabərkiziti 6:11

Nəɗiyək akoti məs wənmiyna na Yawe aziwgin dit mə Israyelɗe asan addəvnəŋ adaka.»

Gəlyaɗe 119:2

Əzaɓ aket məzərmanən an aziwgini, dədawkayanən də mekret pakə.

Gəlyaɗe 14:2

Sə disiŋ Yawe aɓe' aket ɗiyi, kawla na, məs əsən akan tay sa, tay məzukayan Maŋgəlva sa?

Gəlyaɗe 27:4

Zəga taka nədassõh ava Yawe, anan nədawkayan pikpiki: ndəni əssa addəv gəla na Yawe pay nanziya egge naw pakə, vi kawla lelew na Yawe gəm kakgət aka gəla nani.

Əgilye 25:8

Dərkaŋ suwəngən təki nawzaɓ-Maŋgəlva, wanəsaw a weleŋti.

Isaya 60:1

Yerusalem asili, awiɗi, əkeɗeɗe nok adeke, gagdak na Yawe arbək akoko.

Yeremiya 29:13

Wakəkayawəni ya wakərəhwəni vi wakəkayawən də mokrokum pakə.

Daniyel 9:3

Yas nəzi haraw sek aka Daya Maŋgəlva, nəkkamani də əɗɗa meme gəm də əgul lukut na sakə.

Haggay 1:5

Ya kakaŋ na, Yawe Məzuɓappak amna: Məɗɗumon ənziya nokum.

Haggay 1:8

Yawe amna, məpeŋ aka mossorgo metiŋgini, məki wəleŋɗe, məmsak ərka gəla nawa: wanənan neki gəm wanərban gagdak nawa.

Wəza net Masləŋɗe 11:23

Adan agapə, awla mbəlembəle məs Maŋgəlva agəɗ siti, zən anneke, yaŋ asɓet pak dəziwginingən a mekret nasso faɗ də Daya.

Wəza net Masləŋɗe 22:16

Ya mi kədawga kakaŋ di? Asili, ataf baptem gəm əskoɓ na mambray nok də iya nani.

Əmsak aka Mahenziŋ 4:29

Asna wakəkayanən Yawe Maŋgəlva nokum sədaka; wakərəhnən an kəkayanənək də mokrokum taka, də megenegenekum pakə.