1Alabaraɗe Də Mabərkiziti 21:12 - Bible en Guidar

¹² an əzva hoku na May yi, an təla hoku ənzok sit məzuseɓɗe, səma masalam net məzuzelɗe noki yi, awaniɓa əvoŋ hoku aka Yawe ərbəsən dələv də masalam də əslən maslay məzuzet ɗiy dəggbogən gəbaymərma aka va na Israyel ŋgbu'u. Ya kakaŋ na, aweli, wən miy nədamndagan sən ɗəf an dəslənu di?»

1Alabaraɗe Də Mabərkiziti 21:12 ပူးပေါင်းရင်းမြစ်များ

2Samiyel 21:1

May agəɗək diyɗa aka məlĩ na Davit, əzva hoku ammba zəni. Davit assohõnək Yawe, yaŋ Yawe amna: «Aka batam Sawlu də gəla nan məbay gəbayəŋki, vi abeyik mə Gabawənɗe.»

1Milyeŋge 17:1

Eliya, mə Tisbe naret ɗiy na Galad aɓsən Akab na: «Va Yawe Maŋgəlva na Israyel məs nədawziw abanəŋ asan madarani, in tat ənaha: Wəzvaɗe dədazzoŋ iŋki, minɗe aziyaŋ na ɓa, buwən azi na ɓa'a, an in nənah ɓa ɓa.»

2Milyeŋge 19:35

Dəfəɗ nani, Maslay na Yawe argak dibirgiɗik na Asiri, abeyik ɗiy gabal səkat də kaklaw dodopoɗo kiyit sle'i. Səza addaŋgə ɗiy asilyoŋ na, ki gəbayit ɗiy kpohru!

2Milyeŋge 8:1

Elisa apel sət ɗak məs ambəlgən wətət nakə, amna: «Asili, dok dit ɗiy nok pakə, asim a təki kəŋgəl kədasme pakə, vi Yawe waki maya, wagəɗ wəzva buhul aka dəlva.»

1Alabaraɗe Də Mabərkiziti 21:11

Gad, alək aza Davit, aɓsən na: «Vaŋki Yawe anahə: Agəm an kəŋgələ:

Gəlyaɗe 91:6

may sən gəbaymərma məbbal ara guzli ɓa, may sən gəbay metiŋ məbay ɗiy də tataŋ pay ɓa.

Əgilye 12:23

Yawe watoŋ karga Eziptə də tatwãhã, ya wawle mbel aka ki maddamba gəm azet wəleŋɗe na maddamba dahãdahã neki. Vasna Yawe watoŋ ki maddamba vani, appan na əza ətoŋ eŋgil anokum da kargan də tatwãh ɓa.

Isaya 66:16

Vi addəv offo gəm də masalam Yawe adatawwən aka ɗəf pakə. Ɗiy en adawbay wassoŋ diyɗa.

Yeremiya 12:12

Aket mossorgoɗe məs daŋdaŋ na kapta-muyã pak məmõhẽtin ɗiy azzoŋko. Masalam na Yawe tay əzəm dələv təŋ sə metteɓ man hã metteɓ man mbərən, ɗəf tay dədawnan nek ɓa.

Yeremiya 42:16

Asna masalam kədawgeslne'eŋ sənəŋ wagapkum aka dələv na Eziptə adaka; may, məzuki əɗɗum akokuməŋ watip ammbokum a Eziptə adaka, adak kədamtaŋgə.

Yeremiya 47:6

Haya əraya! Masalam na Yawe, hã gap dewɗe kədaffet di? Agul addəv gəloko, asok ɓatəɓatə, kədaɓla əmpa ɓa.

Əɓuhma 4:9

Dəɗa en dəmtaŋ ama masalam ki en dəmtaŋ sən mayã gəm dətaraŋ dəddakaŋ sən zəga nawzəm tay mərəh sə guli ɓa.

Məsdəlveŋge 26:10

Wakəzəmaŋ zəga na mabardaw an məzvan farə, wakəgilginən zəga na mabardaw an məzvan kawzi an meleketen a gəlani;

Məsdəlveŋge 26:17

Wanəsil də mənokum məzuzelɗe nokum dəbaykuməngəni; məzuzelkumən wazəmaŋ məlĩ akokum, wakənzoŋ məza mərɓohokumi dayday ɓa.

Luka 4:25

Gesiŋ nədawnah sukum, gil net gəbayɗe tahəŋ a Israyel diyɗa aka pay na məskəleŋ Eliya, aka buwən dəzi ɓa addəv əzva hoku də təla sləre, may metiŋgin agəɗ ammba dələv pakə;

Wəza net Masləŋɗe 12:23

Yaŋ maslay na Daya arga ləŋgə, vi dəpsən gagdak sən Maŋgəlva ɓa, tentiwilgeɗ azəmənka, amtəka.

Əmsak aka Mahenziŋ 28:15

Ya an kəprəm ma Yawe Maŋgəlva nok də wəzga sləma əɗɗa wəza dit wəsəɓɗe nan temtemi gəm mahenziŋɗe nan en nədawɗi suk wən net dəpaŋkəŋ ɓa, wəray temtem net mefɗeke dədazzoŋ akok kawrumuk yeŋki:

Əmsak aka Mahenziŋ 28:22

Yawe watarguko, waki wənsla akoko, mamalə, wəzla noffo, koloy, doŋgoyoŋ gəm muŋgusu, wazbokun hã is həhəyə.

Əmsak aka Mahenziŋ 28:25

Yawe waddokok abet məzuzelɗe noko: dəka tive taka kədaddok azeti, wakənzoŋ səbet dəka tiveɗ temtem buhulu. An dəgəɗ akokəŋ wageslnegit milyeŋge naka dələv pakə.

Əmsak aka Mahenziŋ 28:27

Yawe waggbo' məskaɗe na Eziptə, wənslaɗe, kurtiya gəm sel-buwən akoko, anzaɗaŋ na kpak ɓa.

Əmsak aka Mahenziŋ 28:35

Yawe waggbo' huwweɗ məzva akoko, aza tokprok gəm aza mettiloko; təŋ səza gədəv təlko gap aka dadwar kiyko.