1Alabaraɗe Də Mabərkiziti 19:6 - Bible en Guidar

⁶ Adan mə Ammonɗe awlanən na, tahəŋ law ama hara Davit ɓa, Hanun dit mə Ammonɗe agəmaŋ təbəz babar kilo gabal kaklaw hoku, nalbəh mawteŋge nawgay dit məpeŋgeŋ pilseŋge, səvet ɗiy na Aram na Weleŋgit-Məlpeŋge, mə Aramɗe na Ma'aka gəm na Soba.

1Alabaraɗe Də Mabərkiziti 19:6 ပူးပေါင်းရင်းမြစ်များ

Va'Atəŋ 34:30

Yakob aɓsit may Simeyon də Levi na: «Kəkiyaŋ səwənək əray abet ɗiy naka dəlvəŋka, mə Kana'anɗe dit mə Perziɗe pakə. Ŋgbəra'a mənan aret ɗarə, wakkalaŋ akaw kawbaywəni, kawzawiy in də gəla naw pakə.»

2Samiyel 10:6

Mə Ammonɗe təm ulanən na, arayaŋgək ama hara Davit, mə Ammonɗe slən a Aram na Bet-Rehob gəm a Soba ənda məzəlpaŋ də tilit gabal kaklaw sula nawfaɗsiti, məzəlpaŋ na məlĩ Ma'aka zel gabalə, zel na Tob gabal kəlaw kiyən sula.

2Samiyel 8:3

Davit adəmsənək Hadadezer, wətən Rehob məlĩ na Soba, pay Hadadezer adawgay kamnda əmõh ki məlpa na Efratə.

1Alabaraɗe Də Mabərkiziti 18:5

Mə Aramɗe azzoŋguk sə Damas kabbah sənən Hadadezer məlĩ na Soba, Davit abayək ɗiy səret mə Aramɗe zel gabal kaklaw sula kiyən sula.

1Alabaraɗe Də Mabərkiziti 18:9

Tow, məlĩ na Hamat, aprəm na Davit arbə sitik məzəlpaŋ na Hadadezer məlĩ na Soba.

1Alabaraɗe Də Mabərkiziti 19:5

Yaŋ mədda ənah sən wən net ɗiy vet sən Davit, yaŋ aslən ələmsiti, vi wil adeninik diyɗa. Yaŋ məlĩ anah sit na: «Məssoŋ a Yeriko hã an eŋgemekum agulyoŋko asna kəzzoŋgəni.»

2Alabaraɗe Də Mabərkiziti 18:3

Akab məlĩ na Israyel van assohõn ma Yosafat məlĩ na Yuda nak kan na: «Waməl əwak sən Ramot na Galad sa?» Azlansənka, amna: «Ina va is nani, ɗiy naw va ɗiy nokuŋgə, wandaw də is vani.»

2Alabaraɗe Də Mabərkiziti 18:5

Yaŋ kan məlĩ na Israyel akkelet məskəleŋɗe səkat poɗo, aɓsit na: «Məmbat əgay də Ramot na Galad sa? Nəbewi?» Azlansənənək na: «Doko, Maŋgəlva wapsuk ammba voko məlyã.»

2Alabaraɗe Də Mabərkiziti 18:9

Məlĩ na Israyel də Yosafat məlĩ na Yuda, tahəŋ kan də lukut na məlĩ azet naway pak aka mazaŋga na məlĩ nan ɗewɗew a meŋgle, go'o aza maddamba nawtoŋ a Samari. Məskəleŋɗe baymet tam tahəŋ əɗɗa kəleŋ abeti.

2Alabaraɗe Də Mabərkiziti 25:6

Siske andə guromɗe nalpa gabal səkat səweleŋgit mə Israyelɗe, afaɗ sit təbəz babar kilo gabal hoku.

2Alabaraɗe Də Mabərkiziti 27:5

Ndən dəmbat əgay də məlĩ net Ammonɗe, aska wəla məlĩ van naka; Aka wəzva nan na, mə Ammonɗe apsənənək: təbəz babar kilo gabal hoku, haykəmari kilo gabal təl gabal hoku gəm haykəmari pepreŋ kilo gabal təl gabal hoku; aski mə Ammonɗe akiyaŋ sənəni, azbanən vas aka əzva masula'ən gəm mohokoni.

Gəlyaɗe 14:3

Dəwənnet amzlahaŋ məstaka, arayaŋka; məgəɗ moggon tay ɓa, təttaka dayday tay ɓa.

Gəlyaɗe 46:9

Məddoŋ mula wəza na Yawe, əray məs aɗi aka dəlvafuŋ.

Əgilye 5:21

Aɓsitin na: «Yawe dula dətawgən wən nani, aka wən akokum, Farawən dit məɗɗaŋ wəza nan met tay aka uləm ɓa; an kəɗɗaŋgəŋ na, as əpsit masalam avet nawbaymi.»

Luka 10:16

Yaŋ anah sit na: Ɗəf dəprəm mokum maw aprəmə, məs dəzgokum, anaw azgə, məs dəzgaw tamə, ana ɗəf məs dəslənu azgə.

1Tesaloniki 4:8

Vas kan na, ɗəf an dəzgan wənəska, ɗəf azgə ɓa, ana Maŋgəlva məs dədapsukum Zeŋgile nan Salala azgə.

1Samiyel 13:4

Mə Israyelɗe pak aprəmənək na, Sawlu abayək ŋgaɓa net məzəlpaŋ net mə Filistiɗe ndəni mə Israyelɗe tahəŋ lew aret mə Filistiɗe ɓa. Yaŋ zel nalpa akkalaŋ aza Sawlu a Gilgal.

1Samiyel 14:47

Adan Sawlu ataf məlĩ aka Israyel, atəŋgək əgay dit məzuzelɗe nan en kiyən tərwəslə pakə, mə Mo'abɗe, mə Ammonɗe, mə Edomɗe, dit milyeŋge na Soba gəm mə Filistiɗe. Də təki aɗi haran pak tay əska wəla.

1Samiyel 27:12

Akis appanək makran sən Davit, dawnəh na: «Davit akkpaŋgək mbərayən a maheret ɗiy nan mə Israyelɗe. Vasna wasan su faɗ aka wəza nawa.»