1Alabaraɗe Də Mabərkiziti 18:11 - Bible en Guidar

¹¹ Məlĩ Davit apsinik zəgeɗ vet sən Yawe, gəm təbəz babar də meleŋge amõh səvet ɗiy-ɗar pakə, sə Edom, sə Mo'ab, gəm səvet mə Ammonɗe, səvet mə Filistiɗe dit mə Amalekɗe.

1Alabaraɗe Də Mabərkiziti 18:11 ပူးပေါင်းရင်းမြစ်များ

1Milyeŋge 7:51

Adan məlĩ Salomoŋ agrak wəza na Gəla na Yawe dit zəgeɗ naddəvən pakə, akiyik zəgeɗ en Davit, afən apsən Daya: təbəz babara, meleŋge, may zəgeɗ temtemi, aɗi addivit mehẽɗ naddəv Gəla na Yawe.

2Milyeŋge 12:18

Hazayel, məlĩ na Aram, ambatək əgay də Gat, amohũko. Hazayel aziyək haran kadda əgay də Yerusalem.

1Alabaraɗe Də Mabərkiziti 18:10

Ndən slən Hadoram, wətən aza məlĩ Davit kasɗani, gəm vi kawfet akani, adan agay də Hadadezer arbə səni, vi Hadadezer məzuseɓ na Tow iyi, aki sənək zəgeɗ na meleŋge, na təbəz babar gəm na təbəz pepreŋge.

1Alabaraɗe Də Mabərkiziti 18:12

Yaŋ Abisay wətət Seruya abey mə Edomɗe gabal kəlaw kiyit dodopoɗo, aka walaŋ na bətuwa.

1Alabaraɗe Də Mabərkiziti 22:14

Nəgayək əkkelet zəgeɗ narka Gəla na Yawe, nəkkalək meleŋge day ki kilo gabal kaklaw hoku, təbəz babar day ki kilo gabal hã gap gabal kaklaw hoku, vaski təbəz pepreŋ də titir aŋɗaŋ ɓa. Nəkayək wəleŋɗe dit gərmeŋɗe. Kəkaygən azeti'e.

1Alabaraɗe Də Mabərkiziti 26:20

Ahyiya aziyik mə leviɗe meɓɓet aka gəla arya naddəv Gəla na Maŋgəlva, gəm gəla nawzaɓ zəgeɗ na wəza na Maŋgəlva.

1Alabaraɗe Də Mabərkiziti 29:14

vi intə nawa di, ɗiy naw may nawaŋ mərahgən əɓap əvəl də makram papar vaŋkəŋ di? Vi səzok ade pakə, an məpsuk səvoki ade.

2Alabaraɗe Də Mabərkiziti 5:1

Adan Salomoŋ agrak wəza na Gəla na Yawe na, akiyik zəgeɗ en Davit, afən apsən Daya: təbəz babara, meleŋge may zəgeɗ temtemi, aɗi addivit mehẽɗ naddəv Gəla na Maŋgəlva vani.

Əgilye 35:5

«Məgəɗ əbbah sən Yawe a walaŋkum; əbbah an məzuvəl makra papar adawki sən Yawe na: meleŋge, təbəz babara, təbəz pepreŋge,

Mika 4:13

Asil arga haya, Yerusalem! Vi wanəkkpaŋgan mohok va təbza gəm eperkeperke nok va təbəz pepreŋge. Wakəsər ɗiy diyɗa. Wanəzan zəga nawrəh na ma wəgay net də iya na Yawe gəm kawɗi arya net sən Yawe na dələv pakə.

Yosuwa 6:19

Təbəz babar bayman də meleŋge may zəgeɗ na təbəz pepreŋge may na təbəz titire, pak salalaŋgə sən Yawe, nawzi addəv ərəh na Yawe.»

Yosuwa 6:24

Dəwəlsən walaŋgəla-metiŋ na, aɗisənənək offo də zəga naddəvən pakə, mbəksa təbəz babara, meleŋge, zəgeɗ na təbəz pepreŋge may təbəz titire, məs akaŋ addəv ərəh na Yawe.

1Samiyel 30:13

Davit assohõni, amna: «Na nawa kənan di? Səŋga kəde di?» Amna: «Mə Eziptə nani, balam na mə Amalek nani. Pay hoku yaŋka səza daya naw appaw aŋka, vi nəsaw gbəgba'a.

1Samiyel 30:20

Davit almetik gazlaŋɗe net timeŋgiɗ dit gilew gəm wasliɗe neti, məzuketin zəgeɗ memeyẽɗ ənahaŋ na: «Aŋki zəga nawrəh səma əgay Davit agəmə!»