1Alabaraɗe Də Mabərkiziti 17:1 - Bible en Guidar

¹ Aka Davit ade asan ananda, aɓsən məskəleŋ Natan na: «Yaŋ kan nəsawək addəv gəla net muguguleɗ, akoti na wənmiyna na Yawe dərəŋ a gizlirke na gabaga.»

1Alabaraɗe Də Mabərkiziti 17:1 ပူးပေါင်းရင်းမြစ်များ

2Samiyel 12:1

Yawe tay əslən Natan aza Davit. Ndən tek gas ərəhni, aɓsən na: «Ɗiy sula tahəŋ a walaŋgəla-metiŋ taka, taka məsarya, taka məs sahã.

2Samiyel 12:25

ndəni Yawe aslən əprəman sən Davit. Alvan wiyən nak də ma məskəleŋ Natan na Yedidya, va wənəh na, məs Yawe aŋgələ.

2Samiyel 6:17

Akiynənək akoti na Yawe, aɗiynən a gizlirke an Davit aher səni. Sissiŋ Davit adə əvəl nawzla kurmbuɗuku gəm əzaɓ-Maŋgəlva nawrah zazaya aba Yawe.

1Milyeŋge 1:23

Mənah sən məlĩ dawnəh na: «Məskəleŋ Natan yaŋka!» Atoŋ aza məlyã, appu' aba məlĩ mirbizin afuŋ nisi,

1Milyeŋge 1:44

Məlĩ aslinik may məsdələv Sadok, məskəleŋ Natan, Benaya wətən Yoyada, gəm mə Keretɗe, dit mə Peletɗe dəndəni; yas apeŋgənən aka koropələs mugolun na məlyã.

1Milyeŋge 1:8

Ya məsdələv Sadok, Benaya wətən Yoyada, məskəleŋ Natan, Simey, Rey, ɗiy gambereɗ na Davit pak dəsapaŋ ammba Adoniya ɓa.

1Milyeŋge 8:17

Ya wən narka Gəla aka iya na Yawe Maŋgəlva na Israyel əɗɗum nan tay a makra Davit afuwa.

1Alabaraɗe Də Mabərkiziti 14:1

Huram, məlĩ na Tir aslənək maslənɗe aza Davit dit muguguleɗ na Liban, məslmaŋ gərmeŋge gəm məntaraŋ wəleŋɗe, karkə sən gəla.

1Alabaraɗe Də Mabərkiziti 15:1

Davit arkək gəleɗe a walaŋgəla-metiŋ na Davit; azaɓək təki nawɗi akoti na Maŋgəlva, ampək gizlirke vini.

1Alabaraɗe Də Mabərkiziti 16:1

Akiynənək akoti na Maŋgəlva, aɗiynən addak gizlirke məs Davit ampə səni, sissiŋ adaŋ əvəl nawzla kurmbuɗuk gəm əzaɓ-Maŋgəlva nawrəh zazay aba Maŋgəlva.

1Alabaraɗe Də Mabərkiziti 17:2

Natan aɓsən Davit na: «An kəɗɗum a mokrok naɗɗa pak aɗɗa, vi Maŋgəlva tay də isi.»

1Alabaraɗe Də Mabərkiziti 17:5

Vi nəsaw ɗah addəv gəla, səza nəgilgin Israyel sə Eziptə hã gap pay dəpaŋ ɓa, gizlirkeɗeŋ təki nassa naw gor ahã gor ãhã.

1Alabaraɗe Də Mabərkiziti 22:6

Ayak Salomoŋ wətəni, aɗi sən wən narkə sən Gəla sən Yawe Maŋgəlva na Israyel.

1Alabaraɗe Də Mabərkiziti 22:7

Davit van aɓsən Salomoŋ na: «Wətuwa, tay a makraw narka Gəla aka iya na Yawe Maŋgəlva naw kəta.

1Alabaraɗe Də Mabərkiziti 28:2

Məlĩ Davit asilik aka tələn ziwi, yaŋ amna: «Məpak sləmokum məprəmwa milmiŋgiɗu dit ɗiy nawa. Nərmak a makraw narka Gəla, təki naffet na akoti na wənmiyna na Yawe gəm təki nawteŋ na Maŋgəlva namə, nəzaɓanək zu narkani.

1Alabaraɗe Də Mabərkiziti 29:29

Alabara na məlĩ Davit, wətəŋ nan də wəgrak nan pak yeŋ məverit addəv ɗerewel na wəza na Samiyel məzula, na wəza na məskəleŋ Natan gəm na Gad məzula.

2Alabaraɗe Də Mabərkiziti 1:4

An dəwəlsən akoti salala na Maŋgəlva na, Davit agəmək hã sə Kiryat-Ye'arim, aka a təki an azaɓ səni vi Davit van ampə sənək gizlirke a Yerusalem.

Gəlyaɗe 132:5

hã in gassa təki sən Yawe təki nassa sən Məzuɓappak na Yakob!»

Əgilye 26:1

Kəɗɗagən təki nassa dit gabagaɗe na ngərayã kukulfut məɗimit kəlawə, mənɗerit va əffuyo na muŋgus, pepreŋ witwiti, gəm hõlhõ hõlhõ dit maslay kerubaɗe azan məs məsənaŋ zəga ahoŋgu.

Yeremiya 22:15

Mok aka ərban na temme kənan səzet milyẽŋge meɓɓet də ərka gəla nok də wəlaŋga ɓəɓəl sa? Afuk azəmka, asəka, atawək wən təstəs də tiveni, vini arah zazaya.

Daniyel 4:4

Yaŋ məskaŋ heligi, məɗɗaŋ sekene, mə Kaldiyeɗi gəm məkosonən wən net ŋgərzleɗ atoŋgoŋgu, nənah sitik əssine nawa, ya dəɓap wəbotoŋ suwən gabban ɓa.

Haggay 1:4

Nokum kan na pay nasso nokum addivit gəleɗe məzeɓet mogget aka gəlaŋ tay məɓzluwənəŋ sa?

Haggay 1:9

Mənokum tat əganən ka kərahaŋgən diyɗa, ya an məkkalən nan tay siɗikke: səza kəkannən eŋgil anokumda nəffu'uk səmyã akani. Vimi di? Yawe Məzuɓappak aɗiyman na: vi gəla nawa nan tay məɓzluwən, naway pak tay ətatrak aka ərka gəla nani.

Wəza net Masləŋɗe 7:46

Məs dərah mbəlembəle aba Maŋgəlva, yaŋ akkaman nawrəh təki nassa sən zev Yakob.