1Alabaraɗe Də Mabərkiziti 12:40 - Bible en Guidar

⁴⁰ Assoŋguk adak əvoŋ hoku də Davit, aka əzəma gəm əsa, vi milmiŋgiɗit azaɓaŋgək əzəm viti.

1Alabaraɗe Də Mabərkiziti 12:40 ပူးပေါင်းရင်းမြစ်များ

1Samiyel 25:18

Abigayel təgəmək zət təndə peŋɗe səkat sula, kwenekweneɗ na mbazla sula, timeŋgiɗ məfotit sle'i, mideɗ gap həluw na way sle'i, kirtin megezlembirkeɗ məkleket mokkoy net səkatə, gəm gəpa məbaya dit kirtin sokoyo məktimit səkat sula. Təsletik aket korɗe.

2Samiyel 16:1

Davit atoŋguk ki dadwar ki mossorgo siɗikke, Siba, gawla na Mefiboset ade ələmsəni. Akiyək korɗe miynet mezeŋgeɗ aket sula dit peŋɗe səkat sula aketi, gatoɗe na megezlembirke məkleket səkatə, sukoyo mənəhən səkat gəm kwenekwene na mbazla taka.

Wənməkkpaŋga 29:2

An ɗiy en təstəs tahəŋ aka məlĩ na, ɗiy ənnekeŋgi; ya an məsdaraw dədawzəm məlyã, ɗiy ənɗəsaŋgə.

Wənməkkpaŋga 11:10

Walaŋgəla tay ənnek vi zəzay net ɗiy en təstəsə, an məsdarawɗe amtaŋgək na, ndən əɗi salalay.

2Milyeŋge 11:20

Ɗiy naka dələv nan pak zit anneke. Walaŋgəla-metiŋ asanək addəv zazaya. Atali na, nat məbayti də masalam addəv gəla məlyã.

1Milyeŋge 1:40

Ɗiy pak ammban rimiɗ rimiɗi; ɗiy affoŋguk pozloroɗi, aknəhaŋgək də ənnek hã dələv geŋgeɗgeŋgeɗ sən vaŋvəl neti.

1Alabaraɗe Də Mabərkiziti 12:39

Ɗiyis pak aslanənək zit nawgay də mekret taka, azzoŋ a Hebron kawɗi Davit aka məlĩ aka Israyel baymani. Madembirgit mə Israyelɗe meɓɓet pak azzoŋguk də mekret taka vi kawɗi Davit aka məlyã.

1Alabaraɗe Də Mabərkiziti 13:1

Davit atawanək wən dit deyeɗe net məzəlpaŋ gabal gabalɗe gəm en net səkat səkatɗe, dit ɗiy en naban pakgiti.

Hose'a 3:1

Yawe aɓsu əmpa na: «Dok, əmpa, aŋgləwət guluk məs ɗəf aŋgəl ŋgəle'sa kəŋkə, məppan zət sən polkoyoŋka: vi vaski əŋgla na Yawe viyit mə Israyelɗe dəka net tay əkkpaŋgaŋ azet meŋgilveɗ meɓɓeti gəm əŋglaŋ məpəpla net kirtin megezlembirke.»

1Alabaraɗe Də Mabərkiziti 29:22

Azəmaŋka, asaŋgək aba Yawe dəpas də zit mamyãk mamyãkə. Masulani aɗiynən Salomoŋ wətən Davit aka məlyã, məpeslən də mẽl dəsangən ka daya aka wəza na Yawe, Sadok ka məsdəlva.