Yakob 3:9 - Bible en Guidar

⁹ Də hərzlum ɗəfi mədawgakdakan Daya nam Afəmə, ndəni mədawret ɗiy məs Maŋgəlva azəməɗ dəgulyoŋ va ndəni.

Nouveau Testament en Guidar

⁹ Də hərzləm ɗəffi bo mədaw gakdakan Ɗəfdaya nam Affəmə, dəni mədawret ɗii məs Maŋgəlva azəməɗ də gulyoŋ va ndəni.

Bible en Guidar

⁹ Də hərzlum ɗəfi mədawgakdakan Daya nam Afəmə, ndəni mədawret ɗiy məs Maŋgəlva azəməɗ dəgulyoŋ va ndəni.

Yakob 3:9 ပူးပေါင်းရင်းမြစ်များ

Va'Atəŋ 5:1

Ɗerewel na iya na zev Adam yaŋka: Gala Maŋgəlva azəməɗ ɗəfa, səɗek va Maŋgəlva azəməɗa,

Va'Atəŋ 9:6

«Məs dəzi mbel na ɗəfa, ɗəfi yi dədawzi mbel nani'e; vi Maŋgəlva aɗɗak ɗəf va ndən səɗeki.

2Samiyel 16:5

Yaŋ məlĩ Davit agap hã a Bahurim, ɗəf agilik sədak səddəv məlma na Sawlu, iya nan na Simey, wətən Gera. Ndən vit də wəra.

2Samiyel 19:21

Vi in balam nok nəsənək na nəgəɗək mambraya. Yaŋ dəpaŋ nədek daabəŋ ki gəla na Yosef pak kawləm sən daya naw məlyã.»

1Alabaraɗe Də Mabərkiziti 29:10

Davit agagdakanək Yawe daret ɗiy məkkeltiŋ pakə, amna: «Gagdak azoko, Yawe Maŋgəlva na Israyel, afəm an lahəŋka hã faɗə.

1Alabaraɗe Də Mabərkiziti 29:20

Yaŋ Davit anah sit ɗiy dəkkalaŋ pak na: «Məgagdakan Yawe Maŋgəlva nokum haya.» Ɗiy pak agagdakanənək Yawe Maŋgəlva net efiŋgiɗti. Aɓe'eŋke, appu'oŋguk aba Yawe gəm aba məlyã.

Gəlyaɗe 10:7

Baran aknahək də əraya, vurum, pepete; əray də wən ɗar dədawgilyoŋ səmmba slayni.

Gəlyaɗe 108:1

Gəlya, gəlyanalva na Davit.

Gəlyaɗe 145:1

Wəɗikiya. Səza Davit. Maŋgəlva nawa, məlĩ nawa, wanəɗi ki iya noko, wanəfet aka iya nok hã faɗə.

Gəlyaɗe 145:21

Maw waɗi ki Yawe, məzəmpəs pak wafet aka iya nan salala hã faɗə!

Gəlyaɗe 16:9

Vini makraw adanneke, megenegenew zernene gəɓa zu tam wasan fendeŋgi.

Gəlyaɗe 30:12

Kəkkpaŋganək əska morkoyo naw ka wəskəla, akkpaŋgan lukut na gəlabay naw ka lukut na əzləra.

Gəlyaɗe 34:1

Səza Davit. Gala adərwa'an zən ama hara Abimelek na, yas agəm ma gabbani, ndən mbatə.

Gəlyaɗe 35:28

Asna maw wapel wən na təstəs noko də wəɗi kiyuk pay pakə!

Gəlyaɗe 51:14

Avay ənnek na kəkõhguwa, gəm kəta əmpəs nawvəl dərma vawa.

Gəlyaɗe 57:8

Asɓan makrawa Maŋgəlva, asɓan makrawa, wanəyə gəlya, wanəlvə.

Gəlyaɗe 59:12

Kəbey ɓa, vi ɗiy naw adazgətaŋ ɓa, atəwəlet də gbogboŋ noko, azlbe, Yawe, baray namə.

Gəlyaɗe 62:4

Hã gap dewe kədappanən əkkal baymokum pak aka ɗəf kawbayən va adaɓzlaŋ gəla məs dəɓe'i, awaniɓa va zlava məɓzluwən di?

Gəlyaɗe 63:4

Vi moggon nok adayək ki zeŋgile, metteɓ maw walvoko,

Gəlyaɗe 71:24

Hərzlumu wapel aka təstəs nok pay pakə, vi məkayanən əray naw pak wil wadenni, tahəŋ simbim simbimi.

Məsmaɗula 7:22

Vi nok van pak kərək ɗiy meɓɓet samə.

Isaya 29:13

Daya amna: ɗiyiŋ tahəŋ əzzoŋ azaw də met ɗarə, də met adagagdakawən kaka'ə, mekret farafaray səzawa. Əgeslne adawgeslne suwənəŋ na mahenziŋ məs ɗiy ayegetini yi.

Matiye 26:74

Yaŋ Piyer atəŋ əpel-nawki-əray akani gəm Aswayə amna, nəsən ɗəfəs ɓa. Yaŋ gəmnda ahəm ləŋgə.

Matiye 5:44

Ya naw in tat ənah sukum na: Miŋgliw məzuzelkumuni, məkkam viyit məzusərnən mokum.

Wəza net Masləŋɗe 2:26

Sən aski makraw adanneke, hərzləmu asan talyãktalyãkə. Gəɓa zu tam adawsan kutuk əffet addəv əɗɗum nawga zəga.

Roma 3:14

Met aknahək də mefɗeke gəm matatrahã.

1Korintus 11:7

Ya ɗəf mizilin na, adawsərət kiyən ɓa, vi nan səɗek na Maŋgəlva gəm gagdak nani. Ya nat guluk na, gagdak na ɗəf mizilintə.

Efesus 1:3

Soko sən Maŋgəlva Afən Daya nam Yesu Kristu. Ndəni dəzaɓam də əzaɓ na əmpəs tutu' sə disiŋ addəv Kristu.

Yakob 1:27

Aba Maŋgəlva Afən na, əzba an dəslə yaŋka: əzga sləma aket mitiwɗeŋge gəm aket gil net gəbayɗe addəv əzəmsãhã neti, gəm ətaɗ kizə ɗəf ka adawraygən zən dit zəgeɗ negge ɓa.

Yakob 3:10

Wən nawgagdakani, wən na wəra pak səza ma ɗəf takaŋ pak adawgilyani. Milmiŋgiɗwa an vas tay law kpak ɓa.

1Piyer 1:3

Məgəɗ sən soko sən Maŋgəlva, Afən Daya nam Yesu Kristu. Aɗɗak moggon nan azəmə, apsəmək zeŋgile meleketeni, vi asilgən Yesu Kristu səret ɗiy mimtiti. Aknahək makram də əga madarani,

Mətawaŋwəna 9:27

Ndəɗaŋ mbataŋ awra əɓuh uwa net megezlembirkeɗ neti; yaŋ aɗotini aɗɗaŋ wəzləra. Atoŋgoŋ addəv gəla na maŋgəlva neti, azəmaŋgə, asaŋgə, yaŋ aɓuhnən met nawraygən Abimelek.