Wənməkkpaŋga 28:15 - Bible en Guidar

¹⁵ Va ɓoolu adawbay gagay, va zəga darawən adawyaŋ Ursə adawzlaha, vaski məsdaraw məs dəsan məlĩ aket ɗiy məddekti.

Wənməkkpaŋga 28:15 ပူးပေါင်းရင်းမြစ်များ

2Milyeŋge 15:16

Vasna, Menahem, awak sən Tifsa, abey ɗiy naddəvən pakə, azəm kiyva nan pakə, təŋ sə Tirsa; vi dəkolnən memeŋgle na walaŋgəla-metiŋ səban ɓa, abekik gil dədawayɗe nadak pakə.

2Milyeŋge 2:24

Ndən kpaŋgən haran dərɓagani, təm uleti, araygit də iya na Yawe. Yaŋ zəgeɗ darawit muguluŋgit adawyaŋ na Ursə sula agilyoŋ səddəvit wəleŋɗe, abeketin kirin kaklaw poɗo kiyit sula səreti.

2Milyeŋge 21:16

Ya əmpa na, Manase abeyik ɗiy də mezlibezlibe na met diyɗa sawɓa, mbel net aknəhək walaŋgəla-metiŋ na Yerusalem, mbəksa mambray nan an atoŋgit ɗiy na Yuda wəɗɗa mbərayən a mahara Yawe.

Əgilye 1:13

Mə Eziptiɗ azimgitinik sahã net mə Israyel va nawteme,

Əgilye 1:22

Farawən aɗi wən nan sit ɗiy pak də wənah na: «Wiyin muwan pak məzgan a Nil, waŋ pak na, məppat madarata!»

Wənməkkpaŋga 17:12

Ɗəɗah əbəta ama zəga darawən adawyaŋ na Ursə məs mənde kirtini, ki aka dərwa daɗɗa zəga nawtem nani.

Wənməkkpaŋga 19:12

Ədagədəv na məlĩ agilik va əhəm na gawla ɓoolu, kinenek navan tam va minɗe aka kevile.

Wənməkkpaŋga 20:2

Va əhəm na ɓoolu, vaski ədagədəv na məlyã; dədansən gədəvən na, mbərayən adaɗɗa aka zən tusso.

Wənməkkpaŋga 29:2

An ɗiy en təstəs tahəŋ aka məlĩ na, ɗiy ənnekeŋgi; ya an məsdaraw dədawzəm məlyã, ɗiy ənɗəsaŋgə.

Isaya 14:5

Daya aŋzlanək zleŋge net məsdarawɗe, gəm tandaŋ net məpsənən tatwãh sən ɗəfa.

Isaya 14:6

Ndən məs dədarge ɗiy lahəŋ addəv ədagədəv məza sosokko ɓa, agəɗ sitik vavyak sit ɗiy maslsla aman ŋgbofŋgbofu ərɓehet məza iya ɓa.

Hose'a 13:8

Wanəzlah sit va zəga darawən mənde kirtini, wanəŋgar slu naka dadaweti, wanimpir va ɓoolu adak ləŋgə, zəga nawra wapuweti.

Hose'a 5:11

Məsərni ma Efrayim, wən armaka, vi ampa tələn əzban səmyã ɗarə.

Sefanya 3:3

Deyeɗe naddəvən tahəŋ va ɓooliɗ məzuhəmaŋgə; mətawaŋwən nan tahəŋ va kirɗemuyã də moskoyo, məs tahəŋ də zəga narras dəmpummo ɓa.

Matiye 2:16

Adan Herodə awla na məsənaŋ zəga asmayanənka, gədəvən adək diyɗa, yaŋ aslən əzet kirin mezeŋleket sə Bet-Lehem pak gəm səket meŋge nan pakə, təŋ səka wəzva sula hã məs dəgapaŋ ɓa pakə, va an məs aprəm səmet məsənaŋ zəga va pay awlanən ngərzla nan egili.

1Piyer 5:8

Məzi zukum, məga, vi məzuzel nokum Satan, tay va ɓoolu adawhay dawkay zəga nawzəm nani.