Wənməkkpaŋga 14:16 - Bible en Guidar

¹⁶ Məsmaɗɗula məzugeslne' sən mambraya, məzəmzlah səni; dərway məzəddan kiyən foŋgo.

Wənməkkpaŋga 14:16 ပူးပေါင်းရင်းမြစ်များ

Va'Atəŋ 33:9

Esaw amna: «An naw kaka' məkguwi məlmuwa; an nok dəsan suko!»

Va'Atəŋ 42:18

Aka pay mahoko'ən, Yosef aɓsit na: «An kədaɗɗaŋ kəssoŋgən madarokum yaŋka. Naw Maŋgəlva nədawgeslne səni.

1Milyeŋge 19:2

Izabel slən maslən aza Eliya dawnəh na: «meŋgilveɗ dəɗɗaŋ suwən an naɗɗa pakə, an mazayən va kakaŋkəŋ nəgəɗ də zeŋgilok va kəgəɗ də zeŋgile na taka neretəŋ ɓa!»

1Milyeŋge 20:18

Amna: «An ammba zazay azzoŋgu, mərme madareti, an sən əgay yi azzoŋgu, mərme madareti!»

Nehemi 5:15

Deyeɗe nakki vadələv en maddaabəŋ kiyu na, assoŋguk aket ɗiyi. Atafaŋgək əzəma, mbazla gəm koɓeɗ kaklaw poɗo əmpa'e səveti. Gawleɗ net tam əskanən wəlet ɗiyi. Ya naw nəgəɗ vas ɓa vi geslne na Maŋgəlva.

Ɗerewel na Yob 1:1

Aka dələv na Us na, ɗəf tay adawyaŋ na Yob. Ɗəfi məza heslepe ɓa, təstəsə, məzəgeslne sən Maŋgəlva, mənzan sən mambray yi.

Ɗerewel na Yob 28:28

Yas anah sən ɗəfa, amna: Əgeslne sən Yawe na maɗɗula yi! Wəzar faraɗa səza mambray na əsəni.

Gəlyaɗe 119:120

Sluw zu tay əkker sən geslne noko, makraw tay əzlah sən ətawwən nok temtemi.

Gəlyaɗe 34:14

Ataɗ hərzlumuk səza mbərayən, gəm metteɓ mok səza uwawəna.

Wənməkkpaŋga 1:32

Vi kiyɓəɓəl net mətiɓiɓ-tiɓiɓɗe wabeye, əssa fiwwe net dərweŋge wazeti.

Wənməkkpaŋga 14:15

Mətiɓiɓ wataf an məpel pakə, ya ɗəf an petpet nan wawelen təki nawɗi tələn.

Wənməkkpaŋga 14:17

Mədəgədəv go' wagəɗ zəga na dərwa, ɗəf məɗɗum kpum wasan kiyən trãhə.

Wənməkkpaŋga 16:17

Tive net ɗiy en təstəs amzlah sən mambraya; dəŋgəl əga kiyən na, wazgə sləma aka ədaw nani.

Wənməkkpaŋga 16:6

Də moggoni gəm də gegesiŋ ki mambray adazzəɗa; də geslne na Yawe ɗəf adamzlah sən mambraya.

Wənməkkpaŋga 22:3

Ɗəf an petpet an awlak əraya, ndən əɗama; ya net mitiɓiɓɗe na, ədawaŋ dəkani, ndəɗaŋ kan əzəmsahã akani.

Wənməkkpaŋga 28:14

Ɗəɗah na ɗəf məzugeslne pay pak sən əɗɗa mambraya, məs kiɓəɓəla wabət addəv tatwãhã.

Wənməkkpaŋga 29:9

An məsmaɗɗula asanək aba ətawwən də ɗəf an dərwa, kəta gədəvən dədə awaniɓa dəmas zlaŋ, asan na kiyən foŋgo ɓa.

Wənməkkpaŋga 3:7

Kədawɗi zuk ka məsən zəga ɓa, ageslne' sən Yawe, akkpaŋ səka mambraya.

Wənməkkpaŋga 7:22

Ndən ammbat tiɓiɓ va wasli daddan a təki nawtaw wəlani, va ɗəf mətemin məɓrukun narbəsəni!

Məsmaɗula 10:13

Ətəŋ gabba əpel nani zəga na dərway, əkgrak əpel nani ətem mbərayni.

Əŋɗa 22:27

Koruk tulak maslay na Yawe; ndət səmmba Balam ɗuf əvoŋgo, gədəv Balam fiyõ əda, argət də zleŋge.

Yohanna 9:40

Yaŋ Farisaɗe səret en dəssoŋ dəndən aprəmən wənəska, aɓsənən na: Nam pak daŋgarɗe mənan kan sa?

1Tesaloniki 5:22

Məzar səza mambray zev awandi pakə.