Nehemi 8:3 - Bible en Guidar

³ Aŋɗanək ɗerewel van aba təki na metive net Iŋkile, təŋ də mompumo hã gap tətaŋ pay abet zeli, gili, gəm en nawɓap əprəmaŋgə. Sləmet ɗiy pak asanək pakpak ammba əŋɗa na ɗerewel na mahenziŋ.

Nehemi 8:3 ပူးပေါင်းရင်းမြစ်များ

Nehemi 10:29

Madambərgit ɗiyi, məsdəlveŋge, mə leviɗe, məgaŋ maddamba, məyaŋ gəlya, məɗɗaŋ wəzeɗe meɗmeɗ naddəv gəla na Maŋgəlva, gəm ɗiy-ɗar məs dəgohoŋ səzet ɗiy naka dələv net vi kazban mahenziŋ na Maŋgəlva, may gil neti, kirtit mezeŋgleket dit muguluŋgiti gəm en naprəmaŋ gabba wən pakə.

Nehemi 13:1

Aka daska'a ləŋ, daŋɗan ɗerewel na Moyis abet ɗiy na, yaŋ məgap aka təki adawnah na, mə Ammonɗe dit mə Mo'abɗe atoŋgoŋ na ɗah aret ɗiy na Maŋgəlva ɓa.

Nehemi 8:1

Ɗiy pak akkalaŋgək va ɗəf təttaka a təki naba metive net iŋkile, anəhaŋ sənən məzuver Ezra dəki ɗerewel na mahenziŋ na Moyis, məs Yawe aɗi wən nan sən Israyel.

Nehemi 8:18

Əŋɗanən ɗerewel na mahenziŋ na Maŋgəlva pay pakə, təŋ səza pay maddaabəŋ hã gap aka an meddirɓe. Aɗɗaŋgək wəzləra lumu taka, əvoŋ madədopoɗon na, əkkal na paya, va matuya net aŋgələ.

Nehemi 8:4

Ezra məzuver aziwik a təki nawpele, aket wəleŋɗe məzeɓit ŋgiyoŋ sən wən nani; may Mattitiya, Sema, Anaya, Uriya, Hilkiya gəm Maseya dəziweŋ dəka va dəzəŋ nani, dəka zlaɓay nan tam may Pedaya, Mikayel, Malkiya, Hasum, Hasbadana, Zakarya gəm Mesulam.

Nehemi 8:5

Ezra akol ɗerewel na, a maheret ɗiy paki, vi a təki zollo yi daykiyit ɗiyi. Adan akolo, ɗiy pak le'eŋ ziwziwi.

Markus 12:37

Ya Davit sən kiyən ayak na Daya: Səŋga adawsan wətən əmpa di? Vanday diyɗa aprəmək əpel na Yesu də ənneke.

Luka 19:48

Ya awsənən va adarmanən ɓa, vi ɗiy pak tay əgayaŋ əprəm əpel nani.

Luka 8:18

Məzi zukum kan aza əprəm nokum. Vi ɗəf an də zəga avani kapsəni azani, ya ɗəf an tay avan ɓa kamgəmni an adaɗɗum nawrəh daydayə.

Wəza net Masləŋɗe 13:15

Səza məŋɗan ɗerewel na mahenziŋ gəm net məskəleŋɗe na, ɗiy gugriɗ naddəv gəla nakkal net mə Yudeɗ slənaŋ azet dawnəh na: Məlmiŋgiɗmə, an mənokum tat də əpel a mokum nasɓet ɗiy na, məpele.

Wəza net Masləŋɗe 13:27

Vi ɗiy na Yerusalem dit ɗiy gugriɗ net dəsənən Yesu ɓa, dəsənən əpel net məskəleŋɗe məs adaŋɗanən ɗayɗay addəv gəla nakkal net Yudeɗ pay naffet ɓa. Vaski kan aknahanən də ətawwən akani.

Wəza net Masləŋɗe 15:21

Vi təŋ səza sayit ɗiy en lahəŋka, addəv walaŋgəla-metiŋ pak, Moyis tay dit ɗiy mərbaŋ wəna, addəv gəla nakkal net Yudeɗ pay naffete pak, tay əŋɗanəni.

Wəza net Masləŋɗe 16:14

Ɗak taka səmmbeti, məs adawyətən na Lidiya, ɗak na Tiyatira tə. Məman vat net lukutɗe pepreŋɗe tə, məgagdakan Maŋgəlva tə, təpakək sləmata, Daya akoluk makrata vi təzəkgək sləma aket zəgeɗ məs Pol adawpele.

Wəza net Masləŋɗe 17:11

Ɗiy na Bereya tahəŋ va ɗiy na Tesaloniki ɓa, atafənək əpel na Maŋgəlva də zit soksoku, pay pak tay əkosonən Ɗerewel na Maŋgəlva. Vi kawsənən na, vaski gesiŋgi sa.

Wəza net Masləŋɗe 20:11

Yaŋ apeŋ a gəlan, arɗan mepteke, azəmə. Azbanək əpel əmpa hã bapummo, yas ambatə.

Wəza net Masləŋɗe 20:7

Əvoŋ maddaabəŋ na lumu taka, məkkalka, vi kawzəm way na Daya. Pol tay əpel sit ɗiyi, apelik hã gap tətaŋ dəfɗa, vi pumpum nan na wambatə.

Wəza net Masləŋɗe 28:23

Yaŋ aɗiyaŋ sənən paya, azzoŋguk azan diyɗa a təki məs asani. Addəv an Pol arbani, apel sitik aka məlĩ na Maŋgəlva gəm agayək ərban wən na Yesu də wəprəman sit wən naddəv mahenziŋ na Moyis də an naddəvit məskəleŋɗe hã gap moskoyo.

Əmsak aka Mahenziŋ 31:9

Moyis averik Mahenziŋgiŋka, apsit məsdəlveŋge kirtin Levi, məzuslanən akoti na wənmiyna na Yawe dit ɗiy məsɓet na Israyel pakə.

1Tesaloniki 2:13

Vi wən nani məppana əɗɗa soko sən Maŋgəlva ɓa, vi kətafənək alabara na Maŋgəlva sə mamə, kətafən va əpel net ɗiy ɓa, ya va əpel na Maŋgəlva kətafən gesiŋ gesiŋ. Tay əɗɗa wəza a makrokum munokum məs kətafaŋgə.

Yosuwa 8:35

Əpel tay təttaka səra an Moyis aver məza Yosuwa dəŋɗan ama hara əsap net mə Israyelɗe gərak ɓa ɓa, dit gil net ereti, kirtiti may molhõyẽɗ məs dəssoŋ a weleŋgiti.

Hənhən 2:29

Ɗəf an məs də sləman, dəprəm an Əmpəs adawnah sit gəleɗe na Maŋgəlva.

Hənhən 3:22

Ɗəf məs də sləman na, dəprəm an Əmpəs adawnah sit gəleɗe na Maŋgəlva.