Mika 7:18 - Bible en Guidar

¹⁸ Maŋgəlva tay va is ɓa, məvvuyon mambraya, məppan əɓoŋ net ɗiy nan en dəppaŋ medereti. Ədagədəv nan awsan faɗ ɓa, vi zən neki dəɗɗa moggoni.

Mika 7:18 ပူးပေါင်းရင်းမြစ်များ

Va'Atəŋ 4:7

An moggon kəgəɗ na, wakəsilgin kiyko. Ya an moggon kəgəɗ ɓa na, mambray tay a maddambok ɗuffo, man aka əska wəloko. Dəɗah nok, aska wəlani.»

1Milyeŋge 8:23

yas amna: Yawe, Maŋgəlva na Israyel, a disiŋ may aka dəlvofuŋ Maŋgəlva tay va is narma wənmiyna də wəɗɗa moggon sit belemɗe nok mədawaŋ abok də mekret taka ɓa.

2Alabaraɗe Də Mabərkiziti 30:9

Vi an kəmulyoŋguk aza Yawe na, milmiŋgiɗkum dit kirtukum warəhaŋ ula sahã səzet ɗiy en dəkenin aka balam, wamulyoŋ aka dəlvəŋka. Vi Yawe Maŋgəlva nokum tay də mbəlembəle gəm ulasahã, akkpaŋgan na haran səkokum an kəmulyoŋguk azan ɓa.»

2Alabaraɗe Də Mabərkiziti 6:21

Aprem əkkam na gawla nok də an net ɗiy nok mə Israyelɗe, dədakkamaŋ heret sek dəka təkiyəŋka. Kəprəmgən sə təki kəsok hã sə disiŋ, kəprəmgəni, kəvvuyon sitgini.

Nehemi 9:17

Aɓoŋgoŋguk daprəma, dəɗɗumetin zəgeɗ naggət aket məs kəgəɗ dənɗaŋ ɓa, aɓɓəlanən kiyti. Yaŋ aɗiyaŋ məlyã, vi kamndoŋ aka balam addəv əɓoŋ neti. Yaŋ is Maŋgəlva məvvuyon mambraya, məgəɗ mbəlembəle, muwəl-sasãhĩ awdagədəv go' ɓa, məgəɗ moggoni diyɗa.

Gəlyaɗe 103:13

Va afit kirin adawla sasẽhit kirtini, vas Yawe adawla sasẽhit məzugeslne'eŋ sənəni;

Gəlyaɗe 130:4

Vi əvvuy mambray avoki yi, ka kawgeslne'suko.

Gəlyaɗe 35:10

Masleŋsleŋgu pak wanah na: «Yawe, naway va is di? Məkõhgən məssahã səva məzuzel totokkprok məday kini; məssahã də məzuraya səva məzəppətti.»

Gəlyaɗe 65:3

Ɗəf pak wagap azoko, vi is məzəprəm əkkama.

Gəlyaɗe 65:4

An nəraygən də əpel naw diyɗa yi. Is tat əvvuyẽt mambrayɗe namə hara.

Gəlyaɗe 71:19

Təstəs nok tay hã a disiŋ Maŋgəlva! Is məs kəgəɗ zəgeɗ gugriɗe, naway va is di Maŋgəlva?

Gəlyaɗe 86:15

Ya Daya Maŋgəlva na, muwəl sasãhĩ, məgəɗ mbəlembəle, awdagədəv go' ɓa, məgəɗ moggoni gəm gegesiŋ diyɗa yi,

Gəlyaɗe 86:5

Daya, vi istə moggoko, məvvuyon mambraya, moggon nok diyɗay aket məzuyukuni,

Gəlyaɗe 89:6

Disiŋ dəɗi kiyit sekeneɗ noko, Yawe! Əkkal net ɗiy salala dəɗi ki moggon noko.

Gəlyaɗe 89:8

Maŋgəlva nawgeslne' sən diyɗa yi addəv əkkal net maslayɗe, ndəni nawgeslne sən daykiyit en dətərwəslnəni.

Əgilye 15:11

Yawe sə weleŋgit meŋgilveɗ na naway va is di? Naway məs gagdak na salala nan va is Nawgeslne' sən də wəgagdakani di? Məgəɗ zəga naggət akan di?

Əgilye 34:9

Amna: «An kəɗɗak moggon nok viyu na Yawe, kəta dok a walaŋmə kamə, vi ɗiyiŋ kiyit ɓəli yi, wakəvvuyon səm heslepe nam də mambray namə, kəɗiyəmgən ka ɗiy nawray noko.»

Isaya 1:18

Mide, mətawangəni, Yawe anahə. An mambray nokum tay ɗiwɗiwi, wakkpaŋ babar ndasl va ɓeɓrezlerizze. An tay pəreŋ va gozoy, wassan babar va helege na ngərayã.

Isaya 33:24

Ɗəf tay nawnah na zu tay əssawa ɓa. Ɗiy na walaŋgəla-metiŋgəs warahaŋ əvvuy mambray neti.

Isaya 38:17

Yaŋ na tatwãh naw akkpaŋgək əzaɓa, ya nok kəŋgluwəka kəzarguwək faraɗa səza vov nawza; vi mambray naw pak kəzganək dərɓogoko.

Isaya 40:18

Nawa kədawslanən Maŋgəlva dəndən di? Foto mi kədawslanən dəndən di?

Isaya 40:25

Də nawa kədawsləwən ka nəsawgən va ndən di? Salala anahə.

Isaya 43:25

Naw, intə navvuyon əɓoŋ nok də əŋgla nawa nəɗɗum na aket mambrayɗe nok əmpa ɓa.

Isaya 44:22

Wanəvvuyon əɓoŋ nokum va slaybuwna. Mambray nok va maŋglavay, məmil azawa, vi nəkõhgukumko.

Isaya 55:7

Məsdaraw dəppan tive nani, məs mambray dəppan əɗɗum nani, dəmil aza Yawe, nan wawəlsahã akani, aza Maŋgəlva namə, vi muvvuy mambrayi sawɓa.

Isaya 57:10

Kəyək vi zezek na tive, ya kənah na: Wanəppani ɓa. Kərəhka vini kəddak ɓa.

Isaya 57:16

Vi nəgay na dənɗaŋ hã faɗ ɓa nədə na gədəv ka faɗ ɓa. Vi əmpəs gəm zeŋgilet ɗiy nəzəməɗ məs dəssoŋ abaw adaddak ɓa.

Isaya 62:5

Va gawla adawɓel waŋ ŋgbuɓɓo, vas kirtuk adawgəmnən dələv noko; va waŋ məɓelit tədannekən zə zilta, vaski kədannekən zə Maŋgəlva noko.

Isaya 64:9

Walaŋgəleɗe gugriɗ na salala tahəŋ hoŋgu Siyon akkpaŋgək kapta-muyã Yerusalem arayka.

Isaya 65:19

Ya nərbanək ənnek naw vi Yerusalem, wanənnek də əɗɗum aket ɗiy nawa. Addəvən, kaprəmi geŋgere na əhəm əmpa ɓa, gəm na vaŋvəl ɓa.

Yeremiya 3:12

Dok əpel wənəŋ aka dələv na kəla disiŋ kənahgən na: Amili Israyel məs man sula sula, Yawe aɗiymani. Wanətok haraw akok ɓa, vi ɗəf təstəs nani, narma wən a makraw faɗ ɓa, Yawe aɗiymani.

Yeremiya 3:5

Wakərma ədagədəv nok akaw faɗ sa? Wakərmu a mokrok sa?» Vas kədawpele, ya kəzbanək əɗɗa mambrayə!

Yeremiya 31:20

Efrayim, wətu an na makrawi sa? Wətu an nəŋgəl dayi hara nəpelgən akan nəɗɗum əɗɗum akan əmpa sa? Vini makraw adaɗɗa birbir vini, ulasãh na, nulak sasãhni. Yawe aɗiymani.

Yeremiya 31:34

Ɗəf tay nawyagan ɗəf maɓɓani awaniɓa məlmən əmpa də wənah na: Asən Yawe ɓa, vi wasənwən baymet təŋ səzet memeɗeŋɗe net hã gap azet gugriɗ neti Yawe aɗiymani. Vi wanəvvuyon sit heslepe net də mambray neti, nəɗɗum na akan əmpa ɓa.

Yeremiya 32:41

Wanənnek dənɗaŋ ka kawgəɗ sit moggoni, wanəmpe aka dəlvəŋ gegesiŋ; wanəɗɗa də makraw taka, də maw zək naw pakə.

Yeremiya 33:8

Wanəbbur heslepe net məs aɗɗaŋ mambray akaw pakə. Wanəvvuyon mambray məs aɗɗaŋ azaw pak, məs aɓoŋgoŋ akawəŋka.

Yeremiya 38:8

Ebed Melek vit səŋgil ana məlĩ da, ambat əpel sən məlĩ dawnəh na:

Yeremiya 50:20

Əvoŋ nan aka pay dəpaska, Yawe aɗiymani: Kawkayani heslepe na Israyel ya kawrahi ɓa, gəm mambray na Yuda, zəga tay mərəhən ɓa. Vi wanəvvuyoŋ sən ɗəf an nədambra pakə.

Yeremiya 9:24

Yawe aɗiyman na, pay wade in kawtawwən aket ɗiy en dəskəlaŋ awra na gəɓa ziti:

Ezekiyel 18:23

Nəŋgələk əmta na məsdaraw sa? Daya Yawe aɗiymani, an nəŋgəl na, dəmil səka tive nani, dəsangən madarani.

Ezekiyel 33:11

Anah sit na: Va nəsaw madarawa Daya Yawe aɗiymani, nəŋgəl məsdaraw əmta ɓa, neŋgəl na məsdaraw dəmilgin səka ədaw nani, dəsangən madaran dərəŋgə! Məmili, məmil səket tiveɗ nokum mbəreytiŋki: Viymi kədamtaŋ di mə Israyelɗe?

Ezekiyel 33:16

vi mambrayɗe nan agəɗ pak kaɗɗumeti ɓa; vi agəɗək zəga təstəs gəm an dəslə; wasan madarani.

Daniyel 9:9

Ulasahã gəm əvvuyon mambray na, na Daya Maŋgəlva na miyi, də məsam məɓoŋgəm akok zlaŋgə.

Hose'a 14:2

Israyel amndok aza Yawe Maŋgəlva noko, vi heslepe nok ataŋgbaygukko.

Hose'a 14:5

Wanənzeɗ səka əskot neti, wanəŋgliw də makraw taka: ədagədəv naw azarək səketi,

Amos 1:11

An Yawe apel yaŋka: «Aka əɓoŋ an ɗiy na Edom aɓoŋgoŋ təl hoku gəm aka əɓoŋ poɗo, nəppan na wən an nəziwgin ɓa, vi arɓahanək məlmən də masalam appanək ulasahã nani arbanək ədagədəv nan məza agrak ɓa. Asanək dit herɗe nan məza meŋge ɓa.

Amos 7:8

Yaŋ assohõn maw na: «Miy kədawla di, Amos?» Nəzlan na: «Pəlu movoto.» Yas Yawe amna: in yakəŋ əɗi pəlu movoto addəkit ɗiy naw mə Israyelɗe, vi nəzban na ula sasãhit əmpa ɓa.

Amos 8:2

Assoh na: «Miy kədawla di Amos?» Yas nəzlan na: «kekel də uwa net wəleŋɗe na mawala.» Yawe apel suwa kan na: «Əgrak net ɗiy naw na Israyel agapka. Nəzban na ulasasãhit əmpa ɓa.

Yonas 4:2

Akkamanək Yawe, amna: «Ha'aw! Yawe aski nədawnah pay nəsaw aka dələv naw ɓa sa? Vini nəgəm zu nənzaw a Tarsis. Vi nəsənka Maŋgəlva məs mbəlembəle də moggon kənani, kada gədəv go' go' ɓa, moggon nok diyɗay sawɓa, ya məsla zuk kənan naffeten mokrok səka əɗɗa mbərayən.

Mika 2:12

Wanəkkolokum gərak mənokum ɗiy na Yakob, wanəkkelet mə Israyelɗe dəppaŋ medereti. Wanəsopokum va gilew a gazlaŋ va wasli a mawtaɗa. Wakəssoŋ ɗiy məɗɗaŋ hoyohoyo.

Mika 4:7

Wanəkkpeŋget vədalɗe ka en məs dəndəwəɗaŋgə, en məsimgit tamə ka vanday gbogboŋgo. Yawe yi nawzəm məlĩ aketi aka mossorgo metiŋ na Siyon təŋ kakaŋka hã faɗə.

Mika 5:3

Wasili, wateɗ timeŋgiɗ nan də gbogboŋ na Yawe, də gagdak na iya na Yawe Maŋgəlva nani. Wassoŋ zay vi kawsənni mẽmẽtiŋ nan hã gap meŋge na dəlvafuŋ.

Mika 7:14

Adawgit ɗiy nok də zleŋge nawtaɗ noko, gazlaŋ net gilew na vawrayko, məs dəssoŋ derder a muyã a weleŋgit wəleŋɗe nawzəma. Dətaɗaŋ a Basan gəm aka dələv na Galad, va aka pay lahəŋka.

Sefanya 3:17

Yawe Maŋgəlva nok tay addəvko gambara yi, məskə wəla yi. Zən neki yi aka wən noko, asanək ɓatɓat də zən ənneke.» Addəv əŋgla nani, tay ənneken zən aka wən nok də vaŋvəl na ənneke.

Əŋɗa 23:21

Mambray tay awəl aza Yakob ɓa, dəwəl heslepe a Israyel ɓa. Yawe, Maŋgəlva nan tay dəndəni; əɗɗəla tay əprəm ananda va ana məlĩ da.

Luka 15:32

Aslək məzlərgəni, mənnekgəni, vi məlmukuŋka, amtəka naka ya ambəlka, azəka naka məmndaki ərəhni.

Luka 24:47

vi karbani wən nawɗi marava navvuyon mambray azet ɗiy pak də iya nani, dətəŋ sə Yerusalem.

Roma 11:4

Mbar Maŋgəlva azlan sən di? Aɓsən na: Nəpələk ɗiy gabal buhul ammba ki zuwa məs duddukun takpret aba Ba'al ɓa.

Əmsak aka Mahenziŋ 33:26

Yesurun, ɗəf tay va Maŋgəlva nok ɓa, tay əpeŋ aka mawta na pələs a disiŋ tay ətaw slaybuwən kazza əbbah suko.

Yakob 2:13

Vi ɗəf məs awla sahã aka ɗəf ɓa, Maŋgəlva pak watawwən akan məza ulasahã akan ɓa, ya an kawla sahã aket ɗiyi, asna nok pak wən armuk na ɓa.

Mətawaŋwəna 10:16

Ndəɗaŋ zargitin meŋgilveɗ naguw sə weleŋti, azbanən Yawe, nan zlaŋ əzəmsahã net mə Israyelɗe aknəhək makran.