Mika 2:12 - Bible en Guidar

¹² Wanəkkolokum gərak mənokum ɗiy na Yakob, wanəkkelet mə Israyelɗe dəppaŋ medereti. Wanəsopokum va gilew a gazlaŋ va wasli a mawtaɗa. Wakəssoŋ ɗiy məɗɗaŋ hoyohoyo.

Mika 2:12 ပူးပေါင်းရင်းမြစ်များ

Va'Atəŋ 36:33

Bela zamə, Yobab, wətən Zera na Bosra, dəzəm məlĩ a gəlani.

1Alabaraɗe Də Mabərkiziti 1:44

Bela zamə, Yobab wətən Zera na Bosra dəzəm məlĩ a gəlani.

Isaya 11:11

Pay dəpaska, Daya wappar van təl masulani vi kawmet ɗiy en dəppaŋ net ɗiy nani, ɗiy en dəndəwəɗaŋ sə Asiri, gəm sə Eziptə, sə Patros, sə Etiyopi sə Elam gəm sə Babilon, gəm sə Hamat gəm səket mətəwəraɗe na pehe.

Isaya 27:12

Pay dəpaska, Yawe warga hay nani, təŋ sə ma məlpa metiŋ hã gap a lolohõ na Eziptə. Ya waŋgbukum takataka, mənokum, mə Israyelɗe.

Isaya 34:6

Mbel tahəŋ yototo aza masalam na Yawe, səlhã tay azan slərkətənəh-slərkətənəh va mbel net kirit timeŋgiɗ dit en net murgoŋge, va səlhã naka kiriɗ dəɓet ndargeyẽɗi. Vi əzaɓ-Maŋgəlva mədan sən Yawe a Bosra, əza metiŋgini aka dələv na Edom.

Isaya 5:17

Kirtit timeŋgiɗ wataɗan addəv wəɓzla nan va təki nawtaɗ neti, gilew məzgileɗi, warahaŋ an nawtaɗ adaka.

Yeremiya 23:3

Naw wanəkkelet gilew naw an dəppaŋ səket dəlveŋge məs nətreyet adak pakə. Wanəmilgit a təki nawtaɗ neti, wawanən kiyti, wanzləraŋgə.

Yeremiya 3:18

Pay nan dəpaska, ɗiy na Yuda wasapaŋ azet ɗiy na Israyel, wamilyoŋ matak səka dələv na disiŋ aka dələv məs nəpsit efiŋgiɗkum ka neti.

Ezekiyel 34:11

Vi vaŋ Daya Yawe anahə: In yakəŋ ənde gilew naw dəvawa, wanəzgə sləma aketi.

Ezekiyel 34:13

Wanəgilgit səret ɗiyi, wanəkkelet səket dəlveŋge, wanəki aka dələv neti, wanəteɗ aket mossorgoɗe gugriɗ na Israyel, a lolohẽɗi gəm a təki nassa də gəla naka dələv nan pakə.

Ezekiyel 34:22

Wanətir gilew nawa, vi akkpaŋgaŋ na ka zəga na popoho əmpa ɓa, wanətawwən a walaŋ time də time.

Ezekiyel 34:31

Gazlaŋ naw kənanəni, gazlaŋ nawtaɗ nawa, mənokum ɗiyi. Naw Maŋgəlva nokum nani. Daya Yawe aɗiymani.»

Ezekiyel 36:37

Vaŋ Daya Yawe anahə: An nədaɗɗa yaŋ əmpa: wanəppan zu mə Israyelɗe dəkayawəngən vi kaɗɗa an aŋglaŋgə, wanəwet diyɗa va gilewi.

Ezekiyel 37:21

Ya anah sit na: an Daya Yawe anah yaŋka: In yakəŋ ənde mə Israyelɗe səret ɗiy-ɗar en addoŋ anetda adaka; wanəkkelet sə təki pakə, wanəki aka dələv neti.

Amos 1:12

Wanəslən offo a Teman; dəzlegin gəleɗe nawzəm məlĩ na Bosra.»

Mika 2:13

Məŋgar tive atoŋguk abeti; atilikinik təkiya atoŋgoŋguk də maddamba agilyoŋgu. Yawe məlĩ net dətoŋ abeti wadawgiti.

Mika 4:8

Ya isi mossorgo na Yerusalem, gəla nawga, abeŋ na wakərəh gagdak nok an lahəŋka. Yerusalem wamsak əsan təki məlĩ adawsani.

Mika 5:7

Ɗiy na Yakob dənduwəɗaŋ a weleŋgit ɗiy-ɗar diyɗa, wassoŋ va ɓoolu a weleŋgit zəgeɗ nawra, va wət ɓoolu a waleŋgit gilewi. Də təki atoŋ pak tay əŋgrofon gəm əbakan zəga ɗəf tay nawmõhun səman ɓa.

Mika 5:8

Aslan vok aket məzuzelɗe noko, məzuseɓɗe nok pak dəmtaŋgə!

Mika 7:14

Adawgit ɗiy nok də zleŋge nawtaɗ noko, gazlaŋ net gilew na vawrayko, məs dəssoŋ derder a muyã a weleŋgit wəleŋɗe nawzəma. Dətaɗaŋ a Basan gəm aka dələv na Galad, va aka pay lahəŋka.

Mika 7:18

Maŋgəlva tay va is ɓa, məvvuyon mambraya, məppan əɓoŋ net ɗiy nan en dəppaŋ medereti. Ədagədəv nan awsan faɗ ɓa, vi zən neki dəɗɗa moggoni.

Sefanya 3:20

Pay nan na, wanəmilgukum, pay nədakkolokum wasani; sləmokum wabbalə, wanəɗi kiykum a weleŋgit ɗiy nammba dələv pakə; pay nədawziwgin wən nokum a mahorokum Yawe anahə.