Mika 2:11 - Bible en Guidar

¹¹ An ɗəf azbanək səmyã armak uwawəna, anahək na wanəgəɗ suk kəleŋ ka mbazla gəm ka zəga nawsa məhəsən! Wasan ka məgəɗ kəleŋ net ɗiyiŋki.

Mika 2:11 ပူးပေါင်းရင်းမြစ်များ

1Milyeŋge 13:18

Yaŋ anah sən na: «Məskəleŋ nan va isi, maslay dəpel su əpel na Yawe dawnəh na: Amilgən anokda; dəzəmgən waya, gəm dəsəgən iŋkile.» Wən awə səni.

1Milyeŋge 22:6

Məlĩ na Israyel akkelet məskəleŋɗe waɗɗaŋ səkat poɗo, aɓsit na: «Nəmbat əgay də Ramot na Galad sa, awaniɓa nəbewi?» Aɓɗaŋ na: «Doko! Yawe wapsuk avoko məlyã.»

Ɗerewel na Yob 31:5

An nədawək də uwawəna, gəm əgəm zu aza vurum,

Wənməkkpaŋga 25:14

Slaybuwən də səmyã məza buwən əzi ɓa! Vaski ɗəf məzuɗi zən ka məzuvəl də man uwawən ɗarə.

Isaya 28:7

Məsdəlveŋge dit məskəleŋɗe pak tay əttapaŋ sən wən na mbazla tay əzaŋ sən əbay na mbazla, mbazla abeyike, tahəŋ gərəŋgərəŋ sən mbazla, tay əzaŋgə, awlanən an dədaɗɗa ɓa awɓapaŋ wətawwən ɓa vi mbazla abeyike.

Isaya 9:15

Ɗiy məzədawgitin azetinike, ɗiy en adadawgitin azaŋka.

Yeremiya 14:14

Yawe azlan suwək na: Məskəleŋɗe wən adawaŋ də iya nawa. Nəslin ɓa, wən tay məs nəɗi sit naɗɗa ɓa. Nəpel sit ɓa. Wən ɗar adawlaŋgə, əpel mekeleŋgi, mekret dədawmbəɗet nawgəɗ sukum kəleŋ!

Yeremiya 23:14

Gəm nəwələk zəga daryaw anet məskəleŋɗe na Yerusalem da: Ndəɗaŋ əku a gizbe, assoŋguk addəv uwawəna, ndəɗaŋ əzɓetin məɗɗaŋ mbərayən, kpaŋ ɗəf tay dəɗaɗɗum əppan mbərayən nan ɓa. Pakgit tahəŋ azaw va Sodom, ɗiy naddəvən va ɗiy na Gomorra.

Yeremiya 23:17

Ndəɗaŋ məzupeleŋ dawnah sit məzumasaŋ na: Yawe amna: zazay wasan akokum. Sit məzəzbanən əɓɓəlan mekret na tahəŋ ənahaŋ na tatwãh ade na akokum ɓa.

Yeremiya 23:25

Nəprəmək an məskəleŋɗe anahaŋgə. Məzupeleŋ va məskəleŋɗe də iya naw də uwawən dawnəh na: Nissinik na, nissinik na!

Yeremiya 23:32

In tat əgay dit məɗɗaŋ kəleŋ na əssine net na uwawəna, Yawe aɗiymani. Tahəŋ ənahəni, tahəŋ əzetin ɗiy naw də uwawən net gəm də fərka neti. Naw nəslin ɓa, nəɗi sit wən nan ɓa, atəraŋ na wəray sit ɗiyəŋ ɓa, Yawe aɗiymani.

Yeremiya 28:15

Yaŋ məskəleŋ Yeremiya anah sən məskəleŋ Hananiya na, aprəm kana Hananiya, Yawe dəslənuk ɓa, yaŋ nok kəɗɗa ka ɗiyəŋ dəɗiyəŋgən əɗɗum net aka uwawəna.

Yeremiya 5:31

Məskəleŋɗe aɗɗaŋgək kəleŋ na uwawəna, məsdəlveŋge tahəŋ ətaf ərəh net kaka'ə, ɗiy naw tahəŋ ulanən lew a ma hereti. Ya mi kədaɗɗaŋ dərɓaga as di?

Əɓuhma 2:14

Məskəleŋɗe nok tepelke awlaŋ sukuni gəm wən ɗar loloh lolohu. Dəppasanən heslepe nok kawzaɓan wən nok ɓa. An awlaŋ sukun na, tepelke atawaŋgə, gəm əraka.

Ezekiyel 13:22

Vi mənokum tat əmtanən makra ɗəf an təstəs dit tepelkeɗi, dəka naw nəŋgəl sən tatwãh ɓa, yaŋ kədasɓanən məsdaraw vi adappan ədaw nan mbərayən ka kawmbəlgən ɓa.

Hose'a 7:14

Səddəv kpukpum na mekret adakkamawən ɓa, an tay əɓuhun met aka zəga nawvoŋ neti, may əntarnən ziti aka wən na haykəmari gəm mbazla na meketepe gəɓet adaktuhoŋ vas səzawa.

Mika 3:11

Ɗiy gugriɗ tay ətawənwən ammba əraha; məsdəlveŋge tahəŋ ərbanən wən ammba ərəha məskəleŋɗe tahəŋ əskaŋ helig vi kawrah koɓeɗi. Də as pak tahəŋ əziw aka Yawe də ənah na: Yawe tay a walaŋgəm ɓa sa? Tatwãh ade na akam ɓa!

Mika 3:5

An Yawe anah aket məskəleŋɗe məzetin ɗiy nan yaŋka: An zəga tay a bereti, ndəɗaŋ ənahaŋ na zazay tayi, ya ndəɗaŋ əɗɗa əgay də ɗəf an dəgul sit zəga a beret ɓa.

Roma 16:18

Vi zeŋvit ɗiy en veski, wəza na Daya nam Kristu adaɗɗaŋ ɓa na gədivti. Tay əmbəɗetin ɗiy məs dəsənaŋ gabba zəga ɓa də ma neneke gəm də əpel nawmbəɗa.

Filipi 3:19

Əgrak net na əzay yi, gədəvti maŋgəlva neti, zəga net willi gagdak neti. Əɗɗum net na aka zəga negge yi.

1Yohanna 4:1

Bayneŋgiɗu na makrawa, kədawtafən əmpəs awandi pak ɓa; mule əmpəsɗe vet lewlewi, kawsənən an səza Maŋgəlva azzoŋgu, vi məskəleŋɗe na uwawən agulyoŋguk diyɗa ammba dəlva.