Luka 2:10 - Bible en Guidar

¹⁰ Yaŋ maslay aɓsit na: Kədawgeslne'eŋ ɓa, vi alabara nenek nədawnah sukum, wasan ənnek metiŋgin viyit ɗiy pakə.

Nouveau Testament en Guidar

¹⁰ Amma maslay apsit na: Kədaw geslne'eŋ ɓa, vi labara nenek nəki sukum, wan neken zit ɗii pakə.

Bible en Guidar

¹⁰ Yaŋ maslay aɓsit na: Kədawgeslne'eŋ ɓa, vi alabara nenek nədawnah sukum, wasan ənnek metiŋgin viyit ɗiy pakə.

Luka 2:10 ပူးပေါင်းရင်းမြစ်များ

Va'Atəŋ 12:3

Wanəɗɗa əzaɓ aket ɗiy en dədawzaɓokuni, wanəreygit en dədawraygukuni; ɗiy nammba dələv pak, warahaŋ əzaɓ ammboko.»

Isaya 40:9

Nok apeŋ aka mossorgo metiŋ məɓayən is Siyon, mərbə alabara neneke. Aslan wəlok dayadaya, is Yerusalem, mərbə alabara neneke, aslan wəloko, geslne aduk ɓa. Anah sit walaŋgəleɗe gugriɗ na Yuda na: Maŋgəlva nokum yaŋka.

Isaya 41:27

An dəgap daabəŋ a Siyon amna: Awle, awle yeŋki. Nəslənək maslən a Yerusalem.

Isaya 49:6

Anahək na: Əssa gawla naw ka kawslan zev Yakob gəm kawtər məs dəndəwəɗaŋ na Israyeləŋ agəska. Nəɗikuk əkeɗeɗe net ɗiy-ɗarə, vi əkõh naw dəgapgən a təki məs dələv abaymani.

Isaya 52:10

Yawe arbanək gbogboŋ nan addəv salala nan a maheret ɗiy pak appaka ta'ə. Təki dələv abay man pak wawla əkõh na Maŋgəlva namə.

Isaya 52:7

Miyə lalaw aket mossorgoɗe gugriɗe va təl mərbə alabara nenek di? Tay əprəman wən na zazaya, tay ərban alabara neneke na moggon məzuki əkõho. Tay ənah sən Siyon na: Maŋgəlva nok tay əzəm məlyã.

Isaya 61:1

Əmpəs na Daya Yawe tay akawa, vi Yawe awelwək nawka alabara nenek sit məssehẽŋɗe, aslənwək əgip mekret ɗiy məs mekkret aɓohu; vi kawtəl ma sit ɗiy en məsimgit aka wən nappeti gəm sit məfərsəneɗi, aka wən nawpilti vi kawkol sit heret deŋgerɗe, vi kawkõhgit məzuzəmaŋ sahã;

Daniyel 10:19

Anah su na: «Geslne aduk ɓa ɗəf na makrawa! Zazay dəsan akoko.» Asok zuko! Asok zuko! Səza anah su vaska, nərahək gbogboŋgo yas nənah sən na: «Daya nawa apeli, vi kəsɓawəka.»

Zakarya 9:9

Anneken zuk diyɗa, waŋ na Siyon! Aɗɗəl nanneken zuko, waŋ na Yerusalem! Məlĩ nok yaŋ tay əzzan azoko; təstəsi yi gambaray, avoŋgənək kini, apeŋgik aka koro, aka wət koro.

Matiye 14:27

Yesu apel sitik go'ləŋge, amna: Məsok zukum intə, kədawgeslne'eŋ ɓa.

Matiye 28:18

Yesu adderik azeti, apel sitik dawnəh na: Gagdak pak məpsuwi sə disiŋ gəm səka dəlvafuŋ pakə.

Matiye 28:5

Yaŋ maslay anah sit gil neki: Nokum kədawgeslne'eŋ ɓa, nəsənək pakə Yesu məs məkkpa'ən kədawkayanəni.

Markus 1:15

Amna: Pay agapka, məlĩ na Maŋgəlva go'oyi, məɗimarava, mətaf Wən Neneke.

Markus 16:15

Yaŋ anah sit na: Məddoŋ aka dələv baymani, məbbalan Wən Nenek azet ɗiy pakə.

Luka 1:13

Yaŋ maslay aɓsən na: Kəgeslne ɓa, Zakari, vi əkkam nok aprəmka. Guluk nok Elizabet watəwəsuk wiyna, kəlvan gən na Yohanna.

Luka 1:19

Maslay azlan sənək na: Intə Gabriyel aba Maŋgəlva nədawsawa vi kawgəɗ sən wəza. Məslənu na, vi kawpel suk gəm kawnah suk alabara neneke.

Luka 1:30

Maslay aɓsət na: Kəgeslne ɓa Miryam, vi kərahək mbəlembəle səza Maŋgəlva.

Luka 2:11

Vi muwa sukumi məzukõh dəpaŋ a walaŋgəla-metiŋ na Davit, ndəni Kristu Daya.

Luka 24:47

vi karbani wən nawɗi marava navvuyon mambray azet ɗiy pak də iya nani, dətəŋ sə Yerusalem.

Luka 8:1

Səɓɓa aska Yesu abbalək a walaŋgəleɗe gugriɗ dit walaŋgəleɗe meɓɓeti, arbək wəna, anah sitik alabara nenek na məlĩ na Maŋgəlva. Gewleɗ nan kəlaw kiyit sula tahəŋ dəndəni,

Wəza net Masləŋɗe 13:32

Ya namə, alabara nenekəs mədarban sukum: Iynama an sit efiŋgiɗim dəgəɗə,

Roma 10:15

Mbarmbari adawtəlaŋ ma an məsləni ɓa di? Va məver na: Mi lelew va tilit ɗiy mərbanən Alabara Nenek di?

Efesus 3:8

Su in məs nadəmmbet ɗiy en salala pak məvay mbəlembəle əŋ narban arya na Kristu məs akkpe' ɓa.

Kolosi 1:23

an mənokum tat addəv ətaf ziw ɓəlɓələ, məza əppan zukum əkukum faraɗa səza əga na Alabara Nenek məs kəprəmaŋgəŋ ɓa, məs məpel wən nan aza an məzəməɗən naka dəlvafuŋ pakə, məs in Pol nəkkpaŋ məgəɗ wəza nanəŋka.