Isaya 51:3 - Bible en Guidar

³ Vi Yawe waffeten makra Siyon, awələk sahã aka wəɓzla nan pakə. Wakkpaŋgan kapta-muya nan va Eden gəm muyã nan va guli net wəleŋɗe na Yawe waknah də inyã inyã gəm də wənneke əlva gəm gəlyanalva.

Isaya 51:3 ပူးပေါင်းရင်းမြစ်များ

Va'Atəŋ 13:10

Lot aslanək haran awla kiva na Yurden dəwənnan pak məlɓan moggoni. Tak Yawe dəɓəl əraygən Sodom də Gomorra ɓa, assanək hã gap So'ar va guli na Yawe, va dələv na Eziptə.

Gəlyaɗe 85:8

Arban səm moggon noko Yawe, apsəm əkõh noko.

Isaya 12:1

Pay dəpaska wakənah na: wanəgagdoko Yawe; vi kədəkgədəv akawa yas kəppan ədagədəv noko, kəsɓawa.

Isaya 25:9

Pay dəpaska kawnahi na: Aŋki Maŋgəlva namə. Akan məɗɗi əɗɗum namə ndəni dəkõhgəmə. Yawe yi məɗi əɗɗum nam akani. Waməgəɗ iyã'-iyã' wamənneken zəm vi sən əkõh nani!

Isaya 35:6

Asna vədal wazlah va mune məs hərzlumən mərman waŋgəsl vaŋvəl sən ənneke. Vi iŋkile wagilyoŋ a kapta-muyã, lolohẽɗ wadawaŋ aka dələv məklakani.

Isaya 41:16

Wakəndolet a disiŋ, səmyã wake, barkataŋ wandoleti. Ya nok wakəsok addəv ənnek vi Yawe, zuk wasan babyak babyakə, vi Salala na Israyel zuk wasan neki.

Isaya 43:19

In yakəŋ əɗɗa zəga meleketeni; kakaŋ na tay ərba, kəsənnən ɓa sa? Ha'aw, wanəkol tive a kapta-muyã, a muyã wanəɗɗe məlpeŋge.

Isaya 44:26

Nəziwik aka əpel na gawla nawa, nəɗɗak an maslənɗe naw aɗɗumongu. Nənahək na Yerusalem na: Waknah dit ɗiyi. Walaŋgəleɗe gugriɗ na Yuda na: karketi yi. Kawsilgini əɓzla nani.

Isaya 49:13

Disiŋ anneki; anneken zuko dəlvafuŋ; mossorgoɗe gugriɗe məŋgəsl vaŋvəl nanneke, vi Yawe tay əɓitgit ɗiy nani, tay ərban ulasahã nan aket məssẽhẽŋɗe.

Isaya 49:19

Dələv məɓzluwən məpiweni gəm mərayguk kənani. Wakəsok russo kakaŋ viyit ɗiy nani, ɗiy məzuzokun waddoŋ faraɗa.

Isaya 49:8

An Yawe anah yaŋka: Pay na ulasahã, nəprəmək əkkam noko; pay na əkõho nəbbah sukko. Nəgukuko, nəɗikuk ta' kəsokgən wənmiyna net ɗiy nawsilgən dəlva nawɗak hara dələv məs dərayəŋka.

Isaya 51:12

Intə, intə nədaffeten sukum mokrokum, naw kənanaŋgə, vimi kədawgeslne sənən ɗəf titir namta sən ɗəf titir məs dəsan va kevile di?

Isaya 52:9

Mərga vokum, məŋgəsl vaŋvəl nannek sapə mənokum əray temtem na Yerusalem! Vi Yawe affetenik makret ɗiy nani, amanək Yerusalem.

Isaya 61:10

Ənnek nədannek addəv Yawe, wanəɗɗəl sən Maŋgəlva nawa, vi askəsuwək lukut nawkohõ, asərətwək də lukut məkso'o na təstəs va ɗəf dəɓel gulku adawɗi zən va məsdəlva, adawɗup kulpup na məlyã, va waŋ məɓelət tədawzaɓan zət dit zəgeɗ na gawla nata.

Isaya 65:18

Dərəŋ na, mənneki, mərban ənnek nokum pay pakə vi wanəzəməɗ: Yerusalem mərban ənnek nani ɗiy nan wannekeŋ sawɓa.

Yeremiya 31:25

Vi wanəpsən iŋkile sən ɗəf an dəyə, wanəban ɗəf an dəddak pakə.

Ezekiyel 28:13

A Eden a guli na Maŋgəlva kənan lahəŋka, is tat dit gərmeŋge na sləma azoko: lawkakanya, maməlma gəm liwliwi, mabazaya, zulazula, gəm ɗolokɗoloku, titire, ɗiwɗiwi, gəm nzoloknzoloku; gəm meleŋge məvot gaŋgaɗe dit pozlorɗe nok dəndəni, zəgeɗ na mayã nokis tahəŋ zaɓɓa aka məzəməɗko.

Ezekiyel 36:11

Wanəwet ɗiy dit zəgeɗ memeyẽɗ akokum; wassoŋ diyɗa, wawaŋgə, wanəkkpaŋgokum hõyõ'hõyõ' va lahəŋka, wanəpsukum ərəh day ki lahəŋka; wakəsənnən na, intə Yawe.

Ezekiyel 36:35

Wanahaŋ na: “Dələv məraygən nak akkpaŋgək va guli net wəleŋɗe na Eden, walaŋgəleɗe gugriɗ dəssoŋ kiyməskiyɗe, məraygit gəm miɓzliwit nek mərketi yi, ɗiy assoŋguk də gəla addəvti.”

Yo'el 2:3

Offo tay əzəm təki abani, dərɓagani, offo tay əzla nzilim nzilimi. Va guli na Eden dələv asan abani, dərɓagan tam, kapta-muyã məraygəni. Zəga tay dəkõh səman ɓa.

1Piyer 1:8

Kəŋglunənka məza kulanən ɓa, kulanən yaŋkəŋ ɓa, kətafnənka. Vini kədannekenən zukum də ənnek metiŋgin na sləma,