Isaya 41:2 - Bible en Guidar

² Naway dəsilgin ɗəf an təstəs sə dəmmba pay nampum aya dəzbangənəŋ di? Məs absin ɗiy ammba vani gəm akkpeŋget milyeŋɗe ammba təlni. Məs masalam nan adakkpeŋget va burɗuku, bəle nan adawtrayet va kevile məs səmyã adawkaŋ di?

Isaya 41:2 ပူးပေါင်းရင်းမြစ်များ

Va'Atəŋ 11:31

Terah agəmək Abram wətəni, Lot, wətən Haran, wətən wətəni, dət Saray atəni, ga Abram wətəni, agilyoŋ dənɗaŋ sə Ur net mə Kaldiyeɗi, kawmbat aka dələv na Kana'an. Agapaŋgək a Haran, assoŋ adaka.

Va'Atəŋ 17:1

Wəzva na Abram agəɗək kaklaw vaytak kiyən vaytak, gala Yawe arban zən aza Abram anah sən na: «Intə Maŋgəlva Məzuɓappak. Adaw abawa, asok təstəs-gərakə.

2Samiyel 22:43

Wanətakeɗ va burɗuk na dəlvafuŋ, va ndərɓa naka tive nədaŋkineti, nədapəɗoteti.

2Milyeŋge 13:7

Məzəlpaŋ tahəŋ dəppaŋ sənən Yohakaz, abbər kiyit məpeŋgeŋ pilseŋge kaklaw sle'i, mawteɗ nawgay kəlawə, gəm məzəlpaŋ mədawaŋ də tilit gabal kəlaw ɓa, vi meɓɓet pak məlĩ na Aram azetike: akkpeŋgetik va burɗuk nawndapani.

2Alabaraɗe Də Mabərkiziti 36:23

«Əpel na Sirus, məlĩ na Persiya yaŋka: Milyeŋge naka dəlvafuŋ pak, Yawe Maŋgəlva na disiŋ apsiwike. Ndən dəppansu wən narkəsən gəla a Yerusalem a Yuda. Nawãy a walaŋkum məs dəsan naret ɗiy na Yawe gərak di? Maŋgəlva nan dəsan dəndəni, dəpeŋ adaka.»

Ezra 1:2

Aŋki Sirus məlĩ na Persiya, apeli: Maŋgəlva Yawe apsiwik milyeŋge naka dələv pak ammba vawa, ndən sən kiyən, anah suwək nərkə səngən Gəla a Yerusalem na Yuda.

Isaya 40:24

Məggraki əmpet ɓa ləŋgə, məggraki əzlget ɓa ləŋgə, weleŋgit dəmpa suwerin aka dəlvafuŋ ɓa ləŋgə, yaŋ afu' səmyã aketi, adaŋkəlaŋgə yaŋ barkataŋ asilgit a disiŋ va kevile.

Isaya 41:25

Sə tapaslay pay kəla disiŋ nəsilginik ɗəfa, tay əgapa. Sədəmmba pay nampum, niya də iya nani. Tay əndepet deyeɗe va ndərɓa, awaniɓa, va məzərka adawɗan dəlva.

Isaya 41:3

Tay əzbeti, ndən ətoŋ zay dəka tive məs tələn dəndap ɗah ɓa.

Isaya 42:6

Intə Yawe, nəyuk na addəv təstəs nawi yi. Nərmak voko, nəgukko, nəɗiykuk kəssokgən wənmiyna sit ɗiy nawa əkeɗeɗe net ɗiy naket dəlveŋge.

Isaya 45:1

Aŋki an Yawe anah sən mesiya nani ana Sirus, məs nərma van dəzəŋ, ka kappet ɗiy net dəlveŋge avani, kaggbuk gagdak net milyeŋge, kawkol maddembeɗe net walaŋgəleɗe kol səbani, amsaŋ na ɓa.

Isaya 45:13

Naw nəfɗahanək addəv təstəsə wanəzeɓet tiveɗ nani, warka walaŋgəla-metiŋ nawa, wamndeget ɗiy naw misimgiti. Məza də dala yi ɓa, də əvəli ɓa, Yawe Məzuɓappak anahə.

Isaya 46:11

Hã səmmba pay nampum, sə faraɗa nəya ɗəf va gazla; waɗɗa əɗɗum nawa. Ha'aw nəpelke, ha'aw wanəkiya niynanka wanəɗɗa.

Isaya 48:15

Intə, intə nəpeli; nəyak əmpa, nəkiyəka. Wəza nan wahhar ammbani.

Əɓuhma 1:15

Daya arɓehetik gambereɗ nalpa sə nawda pakə. Abu'uk ɗiy akawa, vi kaŋkin gewleɗ nawa. Yawe Ambrosltək waŋ goruk ŋgbuɓɓo na Yuda, a mozgoy nawɗot megezlembirke.

Ibriɗe 7:1

Melkisedek vani məlĩ na Salemi, məsdələv na Maŋgəlva Məsəɗəɗi. Ambatək ələm sən Abraham aka Abraham van adawmilyen səma wəgay məs aska wəlet məlyeŋge, yaŋ aɗɗa sən əzaɓa,

Hənhən 16:12

Maslay masləre'it gbo' əggbo'ət huloŋguk nan a məlpa metiŋ na Efrat: Iŋkile kpa'aŋgə vi kawzaɓan tive sit məlyeŋge məzəzzoŋ səmmba pay nampum.

Hənhən 7:2

Nəwələk maslay maɓɓan dazzan səmmba pay nampum, də tampoŋ na Maŋgəlva madaran avani. Apelik dayadaya sit maslayɗe poɗo məs məpsit gbogboŋ nawzəmgən sãhã na dəlva gəm na pehe,