Isaya 4:3 - Bible en Guidar

³ Asna, kawyani ɗəf an dəpəl a Yerusalem də ɗəf an dəpəl a Siyon na ɗiy salala, vaska'e ɗiy en məverit sə Yerusaləm vi dəssoŋgən medereti.

Isaya 4:3 ပူးပေါင်းရင်းမြစ်များ

Gəlyaɗe 69:28

Aŋɗan sit heslepe aka heslepe; adawrahaŋ əvvuy mambray net ɓa.

Gəlyaɗe 87:6

Yawe tay əŋɗet ɗiy də əverit addəv ɗerewel: «Ɗəf pak aŋ muwani», Əziwe

Isaya 1:27

Siyon wakõh də əɗɗa təstəsə, ɗiy en dəɗiyaŋ marava tam də ədawaŋ sarara.

Isaya 28:5

Pay dəpaska, Yawe Məzuɓappak wakkpaŋ, mətərkiya na sləma gəm kulpupu na məlĩ lelew sit madambirgit ɗiy nani.

Isaya 35:8

Adak tive adawsani kawyani na tive salala məs mambray adaw akan ɓa, adəbərkiyit ɗiy na Maŋgəlva, dərweŋge zlaŋ azaŋ na akan ɓa.

Isaya 46:3

Məprəmwa, uwa na Yakob, mənokum məs kəppaŋ na Israyel, mənokum məs məslokum təŋ səddəvət mokum mənokum məs məslokum tak kulanən pay ɓa.

Isaya 52:1

Afɗahə, afɗahə, agul gbogboŋ noko Siyon agul lukut na sləma noko Yerusalem, walaŋgəla-metiŋ salala! Vi gayã may ɗəf mərnokun azzoŋ na anokda əmpa ɓa.

Isaya 6:13

An taka dayday səret ɗiy kəlaw en dəssoŋ adak apəlka, wazlə aka offo. Va Korvoŋ gəm va terebentə məbilti məs gebbet dəmbərə, Gabban van hara na zeŋve salala yi.

Isaya 60:21

Ɗiy nok beymet wassoŋ təstəs hã faɗə, dələv wasan ka neti. Wəlaŋga məs nəmpə yi wəza na vawa, vi karban gagdak nawa.

Isaya 62:12

Kawyeti na: «Ɗiy salala», «Məbitit na Yawe»; nok kawyuki na: «Məŋgluni», «Walaŋgəla-metiŋ məs məzgani ɓa».

Ezekiyel 13:9

Vaw wasan aket məskəleŋɗe məwaŋ wəna gəm aket məskaŋ helik nawaŋ wəna; assoŋ na addəv əsler net ɗiy naw ɓa; kawverti aret ɗiy na Israyel ɓa; amilyoŋ na aka dələv na Israyel ɓa; wakəsənnən na, intə Daya Yawe.

Ezekiyel 43:12

Vaŋki mahenziŋ na gəla na Maŋgəlva: aka dadwar ki gərma, aka va nan tərwəsl salalay diyɗa. Vaski mahenziŋ na gəla na Maŋgəlva asani.

Obadya 1:17

Ya aka mossorgo metiŋ na Siyon na ɗiy en dəndəwəɗaŋ warahaŋ təki nawɗama. Kirtin Yakob watafən dələv net səvet ɗiy en dəmõhən səveti.

Zakarya 14:2

Wanəkkelet ɗiy naket dəlveŋge meɓɓet pak a Yerusalem vi kawgaya. Kawgəmni walaŋgəla-metiŋ, kakkporti zəgeɗ səŋgili, kawvoŋgiti gil na gagay. Wəɗak net ɗiy kawsimgiti na gagay, en dədappaŋ kawzeti sə walaŋgəla-metiŋ van ɓa.

Malakiya 3:16

Vaski məzəgeslne' sənən Yawe adazgan meŋ a walaŋ ziti. Yas Yawe apak sləman aprəməka. An məɗɗumon tay məverin addəv ɗerewel aban aka wən net ɗiy məgeslne'eŋ sənən Yawe gəm məzəɗɗumon aka iya nani.

Luka 10:20

Kədannekenən zukum vi əmpəsɗe mbəreyit aɓe'eŋ sukumən dərəŋ ɓa, mənneken zukum vi iya nokum məverni a disiŋ.

Wəza net Masləŋɗe 13:48

Adan ɗiy-ɗar aprəmən wənəska, annekeŋke, agagdakanənək əpel na Daya, ɗiy en məɗiyit nawrəh zeŋgile nassa faɗ pak atafaŋka.

Roma 11:4

Mbar Maŋgəlva azlan sən di? Aɓsən na: Nəpələk ɗiy gabal buhul ammba ki zuwa məs duddukun takpret aba Ba'al ɓa.

Roma 11:5

Vaski kan addəv pay an kakaŋka'e, tahəŋ məs dəmbraŋ va aza uwel na mbəlembəle.

Efesus 1:4

Vaski aweləm addəvən tak əzəməɗ dəlva vi məsamgən salala gəm məza də heslepe ama haran ɓa addəv əŋgla.

Filipi 4:3

Is məgəɗ wəza gesiŋgesiŋ də inkəŋkə, in tat əkkamoko, abbah siti, vi agayaŋgək ərban Alabara Nenek də ina, vaska' Kəlemaŋ dit ɗiy dambərgit məɗɗaŋ wəza də ina, iya net tay məverin addəv ɗerewel na zeŋgile.

Kolosi 3:12

Vas na, adan Maŋgəlva awelkumuk kəssoŋgən salala gəm məŋglukum, mugul ulasahã, əɗɗa moggoni, əɓe'gən kiya, məza ki ɓəɓəl ɓa, gəm əɓəsa.

Ibriɗe 12:14

Məkayan əssa zay dit ɗiy pakə gəm əssa salala, vas ɓa na, ɗəf tay nawla Daya ɓa.

1Piyer 2:9

Ya nokum, mahəlfa an muwelin kənanaŋgə, məsdəlveŋge na məlyã, kirtindələv en salala, ɗiy məs Maŋgəlva abit kənanaŋgə, vi kərbanəngən wəza gagdak na məs dəyukum səra guzli ara əkeɗeɗe nani.

Hənhən 13:8

Ɗiy naka dəlvafuŋ pak wagagdakanəni, anet ɗiy en iya net tay məverin addəv ɗerewel na zeŋgile nat ndargayãk mətaw wəlat də ətəŋ na gabba dəlvafuŋ ɓa.

Hənhən 17:8

Zəga mamayã məs kədawlaŋka, tay lahəŋka, ya kakaŋ na tay ɓa. Wagil sə delŋgeɗeki kaddan əza. Ɗiy naka dəlvafuŋ məs iya net tay məverin addəv ɗerewel na zeŋgile təŋ əɗi na gabba dələv ɓa, waggətaŋgə an awlanənək zəga mamayã naka, vi tay lahəŋka ya tay kakaŋ ɓa, ya wamil əmpa'a.

Hənhən 20:15

Ɗəf awandi məs iya nan tay meverin addəv ɗerewel na zeŋgile ɓa pak, kazgani addəv vov na offo.

Hənhən 21:27

Ya zəga an na mahenziŋ atoŋ na a walaŋgəla nan ɓa, ɗəf məzəppan kizən vi zəga mambray pak də məwə tepelke pak atoŋ na adak ɓa. Ɗiy məs nawtoŋgoŋ adak na, abbər ɗiy məs məver iya net addəv ɗerewel na zeŋgile nava ndargayã nak dədawtoŋgoŋ a walaŋgəla nani.

Hənhən 3:5

Məskəwəla wagul lukutɗe baberɗe vaska; nəvvuyon na iya nan səddəv ɗerewel na zeŋgile ɓa. Ya wanənah aba Afu gəm abet maslayɗe nan na, ɗəf nawi.