Isaya 2:3 - Bible en Guidar

³ Ɗiy diyɗa wambataŋ adaka; wanahaŋ na məndam əpeŋ aka mossorgo metiŋ na Yawe addəv gəla na Maŋgəlva na Yakob. Warbet sim tiveɗ nani, mədawgən aket tiveɗ nani vi sə Siyon gi mahenziŋ na Yawe adazzani əpel nan tam sə Yerusalem.

Isaya 2:3 ပူးပေါင်းရင်းမြစ်များ

Ester 9:27

mə Yudeɗ aɗiyənək gəm atafənək pay sula meɗiynəs sən kiyti gəm sən mazlalwẽt dit ɗiy en dətafnən wən net pak adawtoŋ daɗɗa ɓa, va aza məverin gəm va aza pay məɗiyən ama əzva pakə.

Gəlyaɗe 102:23

pay ɗiy adakkalaŋ sap dit milyeŋge kawgəɗ sən wəza sən Yawe.

Gəlyaɗe 110:2

Yawe watəl zleŋge na məlĩ nok hã sə Siyon! Azəm məlĩ a waleŋgit məzuzelɗe noko!

Gəlyaɗe 119:171

Kəta maw dəgilgən əpel nawɗi kiya, vi is tat əyeget su əsərəkɗe noko.

Gəlyaɗe 122:1

Gəlya nawpeŋ ədda əkkam a Yerusalem, səza Davit. Zu neki an mənah suwi na: «Dam addəv gəla na Yawe!»

Gəlyaɗe 48:1

Gəlya. Gəlyanalva net kirtin Kore.

Isaya 1:26

Wanəkkpeŋget mətawaŋwən nok va lahəŋka, gəm məzəsəɓ sukun aka ədaw nok va aka ətəŋga. Asna kawyuki Walaŋgəla-metiŋgin na təstəsə gəm Marba Walaŋgəla-metiŋ moggoni.»

Isaya 11:10

Dəpaska, slalwãy Yesse yi nawsan va gabaga nawsən ɗiy azani, ɗiy naka dələv temtem wakayanəni. Təki nassa nan wasan də gagdaka.

Isaya 19:23

Pay dəpaska, tive wasapan Eziptə də Asiri. Mə Asiri waddoŋ a Eziptə, mə Eziptiɗe tamə a Asiri. Mə Eziptiɗ wagagdakanən Daya sap dit mə Asiri.

Isaya 28:9

Yaŋ ɗiy adawnahaŋ na: «Sən naway ɗəf Isaya van adaŋgla əyagan sən əsən di? Sən naway adaŋgla əprəman hənhən nan di? Sit kirin məvok met səket bide sa? Sit kirin məɓuhit səmet bide sa?

Isaya 44:5

Ɗəf aŋka wanah na: naw na Yawe nani; ɗəf andaka, waya kiyzən də iya na Yakob. An mbərən waver aka van na: Naw na Yawe nani walvan kiyzən na Israyel.

Isaya 56:5

asna eŋgil anawda gəm addəv zlava naw na wanəpsit təki gəm iya na sləma day kiyən net kirin mezeŋgleket dit muguluŋgiti. Iya an faɗ nədapsiti, azə na ɓa.

Isaya 56:7

wanneken aka mossorgo metiŋ na salala nawa, wanənneken sit zit addəv gəla nakkam nawa, vasna əvəl nawzla kurmbuɗuk neti gəm əzaɓ-Maŋgəlva nawrəh zazay net məs adaŋ a matuya nawa. Vi kawyani gəla naw na gəla nakkam viyit ɗiy pakə.

Isaya 60:3

Asna ɗiy-ɗar wadawaŋ ara əkeɗeɗe noko, milyeŋge, ara təki kasakkasak nok adawdawaŋgə.

Isaya 65:11

Ya mənokum məs kəzganən Yawe, məzgətaŋ ki mossorgo salala nawa məpsənən zəga nawzəm sən zəgakamaŋgəlva dəsan a Gad, məzəknahtən huloŋguk na zəgakamaŋgəlva Meni də zəga nawsa məslahani.

Isaya 66:20

Wakinin milmiŋgiɗkum səweleŋgit ɗiy-ɗar pak va əvəl sən Yawe, aket pilseŋge, mawteŋɗe net pilseŋge gəm mawteŋɗe nawgaya, aket koropilseŋge gəm zlogomeɗ a Yerusalem aka mossorgo salala nawa, va mə Israyelɗe adawkiyaŋ əvəl na zəga nawzəm addəv gəla na Yawe dit hiliŋgiɗ salala, Yawe anahə.

Yeremiya 12:16

An iyak ayaganən ədaw net ɗiy naw kasway də iya naw na: «Də Yawe madarani!» Va ayagan sitin ɗiy naw əsway də ba'al asna wassoŋ də gəla a waleŋgit ɗiy nawa.

Yeremiya 26:18

Aka pay na Hizkiya məlĩ na Yuda, Mika, ɗəf na Moreset məgəɗ kəleŋ apel sitik ɗiy na Yuda baymet də wənah na: An Yawe Məzuɓappak anah yaŋka: Siyon wakkpaŋ guli minseni, Yerusalem kiməskiya, gəla nakkam məɓayən wakkpaŋ wəleŋɗe kpəŋgə.

Yeremiya 31:6

Vi Pay wade məs məgaɗe adanzlaŋ vaŋvəl aket mossorgo metiŋ na Efrayim: Misil məpeŋgən a Siyon aza Yawe Maŋgəlva namə.

Ezekiyel 40:2

Addəv ula temtem məs Maŋgəlva arbə suwa, akuwək aka dələv na Israyel; aziwgu aka mossorgo metiŋ məɓayən diyɗa, akan də dohoŋ nan na, tay va gəleɗe mərket na walaŋgəla-metiŋ.

Hose'a 3:5

Dərɓaga asna, mə Israyelɗe wamndoŋ wakayanən Yawe Maŋgəlva neti, gəm Davit məlĩ neti. Abe na, wakkpaŋgaŋ də əkker aza Yawe də moggon nani.

Hose'a 6:3

Məsok səm zəm sok əsən Yawe: əgilye nan sesseli va bapummo, wade azam va buwən adazzani, va buwən maŋgalaw na mawala adalɓan dəlvafuŋ.»

Mika 4:2

Ɗiy diyɗa wambataŋ adaka; wanahaŋ na mide məpeŋgin aka mossorgo metiŋ na Yawe addəv gəla na Maŋgəlva na Yakob. Warbet sim tiveɗ nani, mədawgən aket tiveɗ nani vi sə Siyon əyak adawgilyeni, əpel na Yawe tamə sə Yerusalem adazzani.

Matiye 7:24

Ya məs dəprəm əpel nawəŋ pakə, dəgəɗ wəza dəndəni, agilik va ɗəf məs maɗula, dərka gəla nan aka milɓe.

Luka 11:28

Yaŋ nan amna: Əzaɓ aket məzəprəmən əpel na Maŋgəlva, məzərmanən wən nan dərəŋgə.

Luka 24:47

vi karbani wən nawɗi marava navvuyon mambray azet ɗiy pak də iya nani, dətəŋ sə Yerusalem.

Yohanna 4:22

Nokum, munokum tat əgagdakan an məs kəsənnən ɓa, ya namə, mənam tat əgagdakan an məs məsənə, vi əkõh səzet mə Yudeɗ ade.

Yohanna 7:17

An ɗəf aŋgələk əɗɗa əŋgla na Maŋgəlva na, wasən na əyakəŋ səza Maŋgəlva ade awaniɓa na kiyu nədawpele.

Wəza net Masləŋɗe 1:8

Ya wakərəhaŋ gagdaka, an Zeŋgile Salala adek akokum, wakəssoŋ məpeleŋ wən naw a Yerusalem gəm a Yude baymani, a Samari gəm hã aket meŋge na dəlva.

Wəza net Masləŋɗe 10:33

Yaŋ kan nəslən ləŋ azoko, ya noko, moggon kəgəɗ kəde. Kakaŋ kan na, pak nam məsam aŋ aba Maŋgəlva na vi kaprəm an Daya aɗi suk wən nan nawnah səmi.

Roma 10:18

Ya nənahək na: Dəprəmnən ɓayi kan sa? Vaski dərəŋ ɓa: Wəlet aprəmək aka dələv pakə, əpel net agapək hã a təki dələv abaymani.

Əmsak aka Mahenziŋ 33:19

Wayenin ɗiy aka mossorgo, kawzaɓ-Maŋgəlva an dəslə adaka; vi warahaŋ arya sə pehe, gəm arya na sləma məɗemet ammba hoyoŋko.

Əmsak aka Mahenziŋ 6:1

Əpel na ənziya dit mahenziŋɗe gəm tiveɗnanziya məs Yawe Maŋgəlva nokum aɗi nawyogokum kəɗɗaŋgən wəza dənɗaŋ aka dələv məs kədaddoŋ adak əgəmən ka nokuməŋ yəŋki,

Yakob 1:25

Ya ɗəf an məzəɗɗum aka mahenziŋ na Maŋgəlva məzupələm məsamgən na kiymə, məzəzbani, waprəm əpele, azgət na ɓa waɗɗa an əpel van anahə, ɗəf nani zən wasan nek addəv an adaɗɗa pakə.