Isaya 10:3 - Bible en Guidar

³ Mə kədaɗɗaŋ pay wəzəmsahã adazzan daga sə təki faraɗa di? Aza nawa kədanzoŋ əɗam kawrəh əbbah di? Nga kədaddoŋ əzaɓan arya nokum di?

Isaya 10:3 ပူးပေါင်းရင်းမြစ်များ

Va'Atəŋ 31:1

Yaŋ aprəm kirtin Laban mezeŋgleket ənahaŋ na: «Yakob amõhuk zəgeɗ na afəm pakə, aka hara arya na afəmiy akkpaŋ məs aryaŋka.»

2Milyeŋge 7:15

Azbanənək betemti, ndəɗaŋ gap hã ama Yurden, awlenən lukutɗe aka tive kpororo dit zəgeɗ mə Aramɗe azgaŋ dənza net də kakara. Maslənɗe nek amndoŋ aprəman sənən məlyã.

Ɗerewel na Yob 31:14

mbar nədaɗɗa an Maŋgəlva asilik di? Miy nədawzlan an tay əkoson gabban di?

Wənməkkpaŋga 11:4

Arya awtər wəray pay nawdagədəv ɓa, təstəs awkõgən ɗəf səma əmta.

Isaya 13:6

Məɓuh mokum, vi pay na Yawe go'oy yi, tay əzzan va əza metiŋgin an səza Maŋgəlva Məzuɓappakə.

Isaya 17:4

Pay dəpaska, gagdak net ɗiy na Yakob waddakə, əkər nan waɓɓəkə.

Isaya 20:6

Pay dəpaska, ɗiy en dəssoŋ a ma məlpa dəŋ wanahaŋ na: «Vaŋki əɗɗum nawga zəga namə! Azam na məɗamək sədaka vi kawkay ɗəf nawkõhgəm səba məlĩ na Asiri. Mbarmbar mədawkõh kandi?»

Isaya 26:14

Adan ɗiy mimtit amsakaŋ na əmbla ɓa, ɗiy mimtit asilyoŋ na ɓa. Vini kəslan wən nani, kəzeti, is kədawzan zəga an əɗɗumeti.

Isaya 26:21

Vi Yawe tay əgilyen sə təki asan yaŋka, kawsilyen aka mambray net ɗiy naka dəlva. Dələv warbet mbel an aɗemet appaka, wappan gabba əɗemet ɗiy en məbeyit əmpa.

Isaya 28:20

Vi zəga nafna akan wasan duɗukko napparan zə ɗəf akani zəga nazzəɗ aka ɗəf narnar adawsan nawsərət akani.

Isaya 29:6

Yawe Məzuɓappak wade uluk də əhay na buna, də əɓla na dəlva, də vẽŋvil də barkataŋ gəm də nzilimnzilim na offo məzəm təkiya.

Isaya 30:16

Yaŋ kənahaŋ na: vaski ɓa dit pilseŋge mədazzamə. Ndəni kədanzoŋgu. Pilseŋge nam tahəŋ də kakara azeti. Ya məzərɓohkumən wassoŋ kakara day kikum!

Isaya 30:5

warbaŋ wil azet ɗiy məs atəraŋ sitin na wəray ɓa. Abbahaŋ sitin na ɓa, atəraŋ sitin na wəray ɓa, wassoŋ sitin ka zəga net wili də zəga narba wili.

Isaya 30:7

Əbbah na Ezipte zəga ɗari, ətər nan tay ɓa. Vini nəya na Rahab məs aɓla sə gəlan ɓa.

Isaya 33:14

A Siyon məs mambrayɗe ageslne'eŋke, məɗɗaŋ ɗarɗar akkereŋke. Naway səmmbam nawɓap əssan gu'o də offo mətarna təki di? Naway səmmbam nawɓap əssan addəv movoro offo məzlə pay pakəŋ di?

Isaya 39:3

Məskəleŋ Isaya ade ərəh məlĩ Hizkiya yas attokon na: «Mi ɗiy vet anahaŋ di? Səŋga azzoŋ di?» Yas Hizkiya azlan na, daga səka dələv faraɗa, sə Babilon azzoŋgu.

Isaya 5:14

Vini təki nassa net ɗiy mimti akol man boktoŋgu, afoktokonək wəlan də baran məza meŋge ɓa. Ɗiy en dəssoŋ addəv gəzləŋgəzləŋ na wəzləra wabətaŋ addəvən.

Isaya 5:26

Aslanən gabaga nawsən dələv azan sit ɗiy-ɗar en faraɗa; yas agəɗ fofyoko siti, dəzzoŋgən hã sə təki dələv abaymani. Yeŋ əzzoŋ də kakara petpeti.

Yeremiya 22:7

Wanəhheɗet məzuzelkun akoko, ɗəf pak də zəga nani. Wabilin muguguleɗ na Liban nok en moggeti wazgetin akoffo.

Yeremiya 4:30

Ya is məzoko, mi kədaɗɗa də ugul lukut pepreŋge, may əbay gawla də zəga na meleŋge, may əveren horok də ənɗerin di? Ɗari kədakkpaŋgan zuk lewi. Greŋgiɗuk tay əzelkuni, met aka əmta nok kpakə.

Yeremiya 5:31

Məskəleŋɗe aɗɗaŋgək kəleŋ na uwawəna, məsdəlveŋge tahəŋ ətaf ərəh net kaka'ə, ɗiy naw tahəŋ ulanən lew a ma hereti. Ya mi kədaɗɗaŋ dərɓaga as di?

Yeremiya 9:9

Wanəhəmə, wanənɗəs aka wən net mossorgoɗe; wanəɓuh maw ammba təki nawtaɗ na kapta-muyã, vi məɗi siti offo. Ɗəf tay dədawtoŋ kəla dak ɓa. Əhəm na wasli tay dədaprəm adak ɓa. Təŋ səzet biŋgeɗ na disiŋ hã gap azet zəgeɗ nawra anzoŋko, addoŋko.

Hose'a 5:13

Efrayim awlak gbəgba' nani, Yuda tam yoro nani; Efrayim alək kəla Asiri, aslənik metiveɗ aza məlĩ metiŋgini, ya nan aɓap na əkõhgukum ɓa hara, anzaɗ sukum na yoro nokum ɓa.

Hose'a 9:5

Miy kədaɗɗaŋ pay na wawya, gəm pay na wəzləra na Yawe di?

Hose'a 9:7

Pay nawzəm sahã agapka, pay nampəlkiya agapka: Israyel dəsəna! Məskəleŋ akkpaŋgək mətemni, ɗəf məs əmpəs gərəŋgərəŋgə, vi heslepe nok dədayə gəm ərma mama nok adayka.

Amos 5:19

Tay va ɗəf məzənzan sən ɓoolu yaŋ zəga darawən adawyaŋ na urs aləm səni. Ndən mbat eŋgil, van gak aza gəla na, dohõ gboŋ əbələn!

Mika 7:4

Ɗəf məs ədaw nan moggon səret tay va dewrege, ɗəf təstəs naret adayək kiy ŋgərəɓ net gedirgeɗi. Pay na tatwãh nan tay əzzani pay nan dəgapə. Kakaŋ pay nattap neti yi!

Sefanya 1:18

Təbəz babar də meleŋge net aɓap na əkõhgit ɓa, pay net herɗe na Yawe gəm pay na sələh nani dəlvafuŋ bayman wazlə; vi wazan zəga pakə, sesel zəga naw geslne' səni, wagəɗ aket ɗiy nammba dələv pakə.

Luka 19:44

Wakkãhkuni, is dit kirtuk addəvko. Appaŋ sukun na kuwən aka kuwən ɓa, vi kəsən pay məs Maŋgəlva ade wəbbah suk ɓa.

Əmsak aka Mahenziŋ 28:49

Yawe waslin ɗiy sə təki faraɗa akoko, sə metteɓ ma dəlva, əveŋgeŋ va gazla, ɗiy məs kaprəm ma net ɓa,

1Piyer 2:12

Wədaw nokum dəsan moggon awaleŋgit ɗiy məs dəsənən Maŋgəlva ɓeŋki, vasna an aɗikumənək va məɗɗaŋ mambray daydayə, an tahəŋ ulanən wəza moggon nokum, wagagdakanən Maŋgəlva pay adazani.