Ibriɗe 8:9 - Bible en Guidar

⁹ Asan na va wənmiyna məs niynə dit efiŋgiɗit pay məs nərma vet nawgilgit səka dələv na Eziptə ɓa. Vi ndəɗaŋ sən kiyit van dəziweŋ addəv wənmiyna naw ɓa, vini naw tam nəppeti Daya anahə.

Nouveau Testament en Guidar

⁹ Agil na va wən məs minan dit dəhiŋgiɗit ɓa, pay nərma veti, nəgil git səka dələv na Misra ɓa. Dəsbanən wən məs ninan dənɗaŋ ɓa, vini nəppeti. Vaski Ɗəfdaya anahə.

Bible en Guidar

⁹ Asan na va wənmiyna məs niynə dit efiŋgiɗit pay məs nərma vet nawgilgit səka dələv na Eziptə ɓa. Vi ndəɗaŋ sən kiyit van dəziweŋ addəv wənmiyna naw ɓa, vini naw tam nəppeti Daya anahə.

Ibriɗe 8:9 ပူးပေါင်းရင်းမြစ်များ

Va'Atəŋ 19:16

Adan asan gərət gərətə, ɗiy sula nek armanən va Lot agdəhənək, ndən dət ɗak nani, gəm kirtin sula neki vi Yawe awələk sahã akani; agilgitinik sə walaŋgəla a mapoho.

Ɗerewel na Yob 8:20

Awla Maŋgəlva wazgan ɗəf təstəs ɓa, arma na va ɗəf mbərayən ɓa.

Gəlyaɗe 105:43

Agilgitik ɗiy nan addəv ənneke, ɗiy muwelit nan də vaŋvəl nanneke.

Gəlyaɗe 77:20

Aka pehe yi tive noko, tive nok kəlaret iŋkile kpukpumɗe yi, batamuk awsən ɓa.

Gəlyaɗe 78:57

Asmaɗaŋka, ambəɗanənək Maŋgəlva va net efiŋgiɗti, akkpaŋgək va bəle goslorro.

Əgilye 32:8

Amzlahaŋgək də kakara ləŋ səka tive məs nəɗi sit wən nani, aɗɗaŋgək wət wasli mbərwək na təbəz məhəsən sən kiyti, appu'oŋ sənənka, aɗɗaŋ sənənək matuya, yaŋ aɓɗaŋ na: Israyel, eŋkiŋ meŋgilveɗ noko, məs dəgilgukun səka dələv na Eziptə.

Əgilye 34:10

Amna: In yakəŋ iynan wənmiyna abet ɗiy nok pakgiti, wanəgəɗ zəgeɗ naggət aket məs məɗɗay ɗah aka dələv dəwənnan ɓa, may a walaŋ vandayɗe meɓɓet ɓa, ɗiy pak wawlanən na is tat addəv wəza na Yawe, an nədaɗɗa də isi nawgeslne' səni.

Gəlya net Gəlyaɗe 8:5

«Nawattə məzəzzat sə kapta-muyã, məzuges aka gərat na makrat kədək di?» Səmmba goɗoŋgoy nədafɗohoko: adaki mok təɗi daway noko, adaki akən təɗi daway nok təwuko.

Isaya 40:11

Wataɗ gazlaŋ nan va məzutaɗa adawtaɗ gazlaŋ nani, waslet kirit timeŋgiɗ də vani, wambu' a makrani. Walmet timeŋgiɗ məzəweɗgitin kirtit də maɗɗula.

Isaya 41:13

Vi intə Yawe Maŋgəlva nok məs dərma vok dəzəŋ, ndəni yi dədawnah suk na: Kəgeslne ɓa, naw nədek əbbah suko.

Isaya 51:18

Ɗəf tay narban suk tive səmmbet kirin məs kəwəŋ ɓa ɗəf tay narma vok səmmbet kirin məs kəzgəl ɓa.

Isaya 63:9

Addəv əzəmsahã net pakə, maslən tay aslən aban dəkõhgitgin ɓa, addəv əŋgla nani gəm addəv ulasahã nan abite, ndən dəsleti, adawgit pay pak addivit əvoŋɗe məs dətoŋgoŋ lahəŋka.

Yeremiya 31:32

Asan na va wənmiyna nəziwgin dit efiŋgiɗit aka pay nərme aza vet kawgilgit səka dələv na Eziptə ɓa, net araygənənək wənmiyna nawa, də nəsaw daya net zlaŋ Yawe aɗiymani.

Əɓuhma 4:16

Yawe sən kiyən dətrəyeti man tay aka ulet ɓa. Məgegdeketi məsdələveŋge ɓa, mulay sasãhit ɗiy məsɓet ɓa.

Ezekiyel 16:59

«Vi vaŋ Daya Yawe anahə: Wanəgəɗ suk va kəgəɗə, is məs kəddəɗan mok də əpəl wənmiyna na walaŋməŋka.

Ezekiyel 16:8

Nətoŋguk go'o dəzoko, yaŋ nuluko; mbara kəgapək naŋgla ɗəfa. In lukut naw zlazlar akok haɗamgən zuk sirndiwweŋka; nəsway suko, nəziwgin wənmiyna də isi. Daya Yawe aɗiymani, naw kənani.

Amos 5:22

An mənokum tat əkiyaŋ suwən əvəl nawzla kurmbuɗuku gəm əzaɓ-Maŋgəlva nawrəh zazay na, nawnan nek ɓa. Nawla aza əzaɓ-Maŋgəlva kədawzaɓaŋ dit zəgeɗ memeyẽɗ nokum məkiritiŋ ɓa.

Malakiya 2:13

Aŋki, məs kədaɗɗaŋ masula'ən: Mənokum tat əlɓan matuya na Yawe dit sin nokum, əhəma gəm əŋɗəsa, vi Maŋgəlva tay əzga sləma aka əvəl ɓa gəm aŋgla ətaf əvəl səvokum ɓa.

Markus 8:23

Adan Yesu arma va daŋgar vani, akak a mapoho na walaŋgəla. Atufuk mefɗe arani, arəŋgənək haran van də vani. Yaŋ assohõni: Istat ula zəga sa?

Wəza net Masləŋɗe 13:11

Kakaŋ na awle Daya aɗiyək van akoko, wakəsok daŋgar kula na pay ɓa ənziya siɗikke. Yas ləŋ kətəm də guzli azzoŋ akani gəm adakkpaŋ əkay ɗiy nagdəhən.

Wəza net Masləŋɗe 7:36

Ndəni dəgilgit də əɗɗa sekeneɗ gəm zəgeɗ naggət aket aka dələv na Eziptə, aka pehe Pepreŋge gəm a kapta-muyã addəv əzva kaklaw poɗo.

Wəza net Masləŋɗe 9:8

Sawlu asilik sə fuŋgu, akoluk harani, ya awɓap ula təki ɓa. Ndəni kan armanən van atoŋgunən a Damas.

Galatiyen 4:24

Tay an dəsan məɗamən addivit zəgeɗiski: Gil sules wənmiyna sulaŋgə: Taka sə mossorgo metiŋ na Sinay təde, kawa balamə, ndəttə Agar.

Əmsak aka Mahenziŋ 29:1

Moyis ayek mə Israyelɗe pakə, aɓsit na: Mənokum sən kiykum kulanənək an Yawe agəɗ ama horokum, aka dələv na Eziptə sən Farawən, sit məɗɗaŋ wəza nani gəm sən dələv nan pakə:

Əmsak aka Mahenziŋ 29:12

Vi kakkpaŋgokum ka ɗiy nan dəpaŋka, ndən tam ka Maŋgəlva nokum, va apel sukum gəm asway sit efiŋgiɗkum Abraham, Isak, gəm Yakob.

Əmsak aka Mahenziŋ 29:25

Ambataŋgək əɗɗaŋ wəza sit meŋgilveɗ meɓɓeti, appu'oŋgək abeti, meŋgilveɗ məs dəsinin ɓa, məs Daya atak met dawgagdeketi,