Ibriɗe 8:10 - Bible en Guidar

¹⁰ Daya amna: Aŋki wənmiyna məs nədayna dit ɗiy na Israyel dərɓeget əvoŋɗeski, Daya anahə wanəpsit mahenziŋɗe nawa, a makreti gəm aka maɗɗulet nədawverti, wanəsaw Maŋgəlva neti, net wassoŋ ɗiy nawa.

Nouveau Testament en Guidar

¹⁰ Ɗəfdaya amna: Amma dərɓaga pay nani, waninan wən maɓɓan dit ɗii na Israyel. Apprəm va wənan adawsan kana: Wanəɗɗa ma henziŋ naw adəv maɗuleti, wanəver amakreti, wanəsaw Maŋgəlva neti, net bo wasoŋ ɗii nawa.

Bible en Guidar

¹⁰ Daya amna: Aŋki wənmiyna məs nədayna dit ɗiy na Israyel dərɓeget əvoŋɗeski, Daya anahə wanəpsit mahenziŋɗe nawa, a makreti gəm aka maɗɗulet nədawverti, wanəsaw Maŋgəlva neti, net wassoŋ ɗiy nawa.

Ibriɗe 8:10 ပူးပေါင်းရင်းမြစ်များ

Əgilye 24:4

Moyis averik əpel na Yawe pakə; asilik də mopumo arka təki nawzaɓ-Maŋgəlva aba mossorgo metiŋ dit gərmeŋɗe məmpet kəlaw kiyit sula, aza wəŋɗa na zev Israyel.

Əgilye 24:7

Agəmək ɗerewel na wənmiyna, aŋɗan sitik ɗiyi. Aɓɗaŋ na: «An Yawe anah səm pak waməɗɗa, waməprəm səni.»

Əgilye 34:1

Yawe aɓsən Moyis na: «Asləm kalaɓɗe na gərəm sula va en na maddaabəŋ, nəvergən əpel naket kalaɓɗe na maddaabəŋ məs kəkrap neki.

Əgilye 34:27

Yawe aɓsən Moyis na: «Nok aver əpeləŋka, vi də əpeləŋki nəgəɗ wənmiyna də isi gəm də Israyel.»

Gəlya net Gəlyaɗe 2:16

Gəraw na makraw nawi, in tamə nani, tay ətaɗ addəvit dəndəfmeɗi.

Yeremiya 24:7

Wanəpsit maɗɗula dəsənwəngən na intə Yawe. Wassoŋ ɗiy nawa, ya naw wanəsaw Maŋgəlva neti an azzoŋguk azaw də mekret taka.

Yeremiya 31:1

Pay dəpas na, wanəsaw Maŋgəlva net mahəlfaɗe na Israyel pakə, net tamə, wassoŋ ɗiy nawa Yawe aɗiymani.

Yeremiya 31:33

Vi aŋki wənmiyna məs nədawziwgin dit ɗiy na Israyel dərɓaga payəska Yawe aɗiymani: Wanəɗi mahenziŋ addivti, wanəver a mekreti, wanəsaw Maŋgəlva neti, net wassoŋ ɗiy nawa.

Yeremiya 32:38

Wassoŋ ɗiy nawa, naw wanəsaw Maŋgəlva neti.

Yeremiya 32:40

Wanəziwgin wənmiyna dənɗaŋ faɗə, nəmil na səmmbet ɓa vi kawgəɗ sit moggoni, wanəɗi geslne' naw a mekreti vi əzaraŋ faraɗa səzawa.

Ezekiyel 37:27

Təki nassa naw wasan azeti; wanəsaw Maŋgəlva neti, net wassoŋ ɗiy nawa.

Ezekiyel 39:22

Vasna, təŋ səza dəpaska hã naddabe na, ɗiy na Israyel wasənnən na, intə Yawe Maŋgəlva neti.»

Hose'a 2:23

Yawe aɗiyman na: aka pay nan na, wanəzlan sən disiŋ aka wəray nani, disiŋ wazlan sən dəlvafuŋ aka wəray nani.

Zakarya 13:9

Wanətoŋgən taka naret hokuŋ dəka offo, wanəhəs va adawhəsaŋ təbəz babara, wanəsla va adawslaŋ meleŋge. Nan waya iya nawa, wanəprəm səni. Wanənah na: «Ɗiy nawəŋgə», net tam wanahaŋ na: «Yawe yi Maŋgəlva nawa.»

Zakarya 8:8

Wanəmilgiti, wassoŋ də gəla a Yerusalem. Wassoŋ ɗiy nawa, wanəsaw Maŋgəlva net də gegesiŋ gəm də təstəsə.

Matiye 22:32

Naw intə Maŋgəlva na Abraham gəm Maŋgəlva na Isak, Maŋgəlva na Yakob. Maŋgəlva net ɗiy mimtiti yi ɓa, Maŋgəlva net ɗiy medereti yi.

Roma 11:27

Aski wənmiyna naw dənɗaŋ, pay nədavvuyon sit mambray neti.

1Korintus 6:16

Awaniɓa kəsənən na, an ɗəf asapək dət məpolkoyok na, gəɓa zit takay ɓa sa? Vi məverni na: Ndəɗaŋ sula wakkpaŋgaŋ gəɓa zit taka.

2Korintus 3:3

Təstəs nan na letər na Kristu kənanaŋge, məpsəm sən wəza namə, məverin məza dit iŋkile nawveri ɓa, də Əmpəs na Maŋgəlva madarani. Məverni aket kalaɓɗe net gərmeŋge yi ɓa, aket kalaɓɗe na sluwi, makra ɗəfa.

Əmsak aka Mahenziŋ 30:6

Yawe Maŋgəlva nokum wakkpaŋgan mokrok gəm an net kirtuko, vi kəŋgluwnəngən Yawe Maŋgəlva nokum də mokrokum taka, də megenegenekum, ka kəssoŋgən madarokum;

Titus 2:14

məs dəppan kiyən viyəm vi kamam səka mambray pakə, abbur ɗiy kanan dəssoŋgən məs kotorokɗe naɗɗa wəza moggoni.

Ibriɗe 11:16

Gesiŋ nan na, ammba dələv moggon day nassan ka net adawgayaŋgə, ammba dələv net na disiŋ. Ndəni kan wil awdanən Maŋgəlva an məyani na Maŋgəlva neti ɓa, vi azaɓ sitik walaŋgəla-metiŋ.

Yakob 1:18

Də wəŋgla nani apsəm zeŋgile də wəpel nan an gesiŋ, vi məsamgəm dadabya net zəgeɗ en azəməɗ pakə.

Yakob 1:21

Vi wən aski məppan wəza mambray sə makrokum pakə. Kədaɗɗaŋ mambray əmpa ɓa, məpak sləmokum ammba wənnəŋka, məs Maŋgəlva aɗi a makrokum, ndəni dədawɓap əkõhgukum.

1Piyer 1:23

Nokum kuwaŋgək meleketekum, məza də zeŋvə məzəŋgəna ɓa, də zeŋve məs aŋgəna ɓa iyi, də əpel madaran na Maŋgəlva dəsan faɗi.

1Piyer 2:9

Ya nokum, mahəlfa an muwelin kənanaŋgə, məsdəlveŋge na məlyã, kirtindələv en salala, ɗiy məs Maŋgəlva abit kənanaŋgə, vi kərbanəngən wəza gagdak na məs dəyukum səra guzli ara əkeɗeɗe nani.