Ibriɗe 5:9 - Bible en Guidar

⁹ Adan Yesu agrak əzəmsãhã nan temtem də wəza nan pakə, akkpaŋgək afən wəkõh an faɗ viyit ɗiy məs dəprəmən man pakə.

Nouveau Testament en Guidar

⁹ Adan Zezu agrak bonoy nan temtem də wəza nan pakə, akpaŋgək affən wəkoh an ha faɗə vi ko naway an məs dəpprəm mani.

Bible en Guidar

⁹ Adan Yesu agrak əzəmsãhã nan temtem də wəza nan pakə, akkpaŋgək afən wəkõh an faɗ viyit ɗiy məs dəprəmən man pakə.

Ibriɗe 5:9 ပူးပေါင်းရင်းမြစ်များ

Gəlyaɗe 45:17

Kirtuk wagəmnən gəlet efiŋgiɗko! Wakəɗi ka milyeŋge aka dələv gboŋgu.

Gəlyaɗe 51:6

Azoki, azok kaka' nəgəɗ mambraya, nəgəɗək zəga mbərayən ama horoko. Təstəsi an kəpelke, kawzelen suki an kətawək wən nan ɓa.

Gəlyaɗe 51:8

An kəŋgəl aza ɗəf na, dəsan də gegesiŋ a makrani, Addəv mahaɗamma na, maɗɗula kədarbə suwa.

Isaya 45:22

Ɗiy naket meŋge na dəlva, məkkpaŋ azawa, wakəkõhoŋgu, vi intə Maŋgəlva, tay maɓɓan əmpa ɓa.

Isaya 49:6

Anahək na: Əssa gawla naw ka kawslan zev Yakob gəm kawtər məs dəndəwəɗaŋ na Israyeləŋ agəska. Nəɗikuk əkeɗeɗe net ɗiy-ɗarə, vi əkõh naw dəgapgən a təki məs dələv abaymani.

Isaya 50:10

Naway suwalaŋkum məzugeslne sən Yawe di? Dəprəm ma gawla nani. Naway məs dədaw ara guzliyo, məza ndən gas təki we'we' ɓa di? Dəppan kiyən addəv iya Yawe dəges aza Maŋgəlva nani!

Isaya 55:3

Məpak sləmokum, mide azawa. Məprəma, wakəssoŋ madorokum. Waninə wənmiyna an faɗ vikum, sesel wanəziw aka moggon na Davit.

Daniyel 9:24

Mətaw siti lumu taka təl kaklaw buhul sit ɗiy noko də walaŋgəla-metiŋ nok salala, vi kawtak əggbak ma gəm kawziwgin mambraya, kavvuyon heslepe, təstəs dəsangən hã faɗə, vi ula də kəleŋ dəsoŋgən gesiŋ gəm kawpesl məwele an salala day.

Zakarya 6:15

En məs faraɗa wazzoŋ karka Gəla na Yawe, wakəsənnən na, Yawe Məzuɓappak dəslənu azokum. Wagəɗə, an mənokum tat əprəm ma Yawe Maŋgəlva nokum lewlewi.

Matiye 17:5

Aka adawpele, slaybuwən məzuwiɗ adeke, asirite, ɓaɓəlma adek səddəv slaybuwən naka, amna: Aŋki wətu an nəŋgələ, in tat ənneken zu dəndən sawɓa. Məprəm mani.

Luka 13:32

Yaŋ aɓsit na: Məddoŋ mənah sən balwayəs na: In yakəŋ ərɓehet tuyeŋɗe gəm əmbəlgit ɗiy dəpaŋka gəm pumpum, pay mahokoni wanəgraka.

Yohanna 19:30

Adan asə mbazla ɓaɓlak na, Yesu amna: Pak agraka. Ndən kiyən ɓe'gən amtə.

Wəza net Masləŋɗe 3:15

Məs dətəŋ zeŋgile kəbayaŋgəŋka Maŋgəlva asilgənək səka əmta, miziweɗe nan mənani.

Wəza net Masləŋɗe 4:12

Əkõh tay aza ɗəf maɓɓan ɓa, vi iya maɓɓan tay məpsa ammba disiŋ a walaŋgit ɗiy məs mədawkõh dəndən ɓa.

Wəza net Masləŋɗe 5:32

Namə, miziweɗe net zəgeɗis mənan də Əmpəs an salala məs Maŋgəlva apsit ɗiy məzuɓe'eŋ sənəni.

Roma 1:5

Dəndəni məray mbəlembəle gəm wəza nawsləna, vi kawsilgin ətaf a walaŋgit ɗiy-ɗar pakə, dəɓe'eŋ sənəgən iya nani.

Roma 10:16

Ya ɗiy pak dətafnən Alabara nenek ɓa. Isaya amna: Daya, naway dətaf an aprəməm əpel di?

Roma 15:18

Vi, zəga tay nədawpel abbər an məs Kristu agəɗ addəv wəza naw vi kawki ɗiy-ɗar addəv əɓe'i ɓa ɓa, də əpele gəm də wəza.

Roma 2:8

Ya ədagədəva gəm herɗe nan aketi en məgayaŋ ka adawɓe'eŋ sənən gegesiŋ ɓa gəm kazban ɗarɗarə.

Roma 6:17

Ya soko sən Maŋgəlva, lahəŋ na, belemɗe na mambray kənanaŋgə, ya kakaŋ na, munokum tat əɓe' sən tive məs əya arban sukum də mokrokum taka.

2Korintus 10:5

gəm zəga məzutak əsən Maŋgəlva pakə. Mənam tat ərma əɗɗum pak kawkiyən dəɓe' səngən Kristu.

Filipi 2:12

Bayneŋgiɗwa, pay nəsaw anokumda na, munokum tat əprəmən maw pay pakə. Ya adan kakaŋ faraɗa nan də munokum, məprəm mawa. Məɗɗa wəza nawkõh nokum də geslne də wəkkere.

2Tesaloniki 1:8

Də offo nzilimnzilim adazzan əfaɗ sit ɗiy məs dəsənən Maŋgəlva ɓa gəm məs dəzbanən Alabara Nenek na Daya nam Yesu ɓa.

2Tesaloniki 2:16

Daya nam Yesu Kristu zək nani gəm Maŋgəlva Afəmə, məs dəŋgluwmə, dəpsəm əsɓan makram gəm əga moggon də mbəlembəle nani,

2Timote 2:10

Sən aski nədawɓəs zəga pak viyit ɗiy məwelti, vi net pak dərəhaŋgən əkõh məs dəsan addəv Kristu Yesu də gagdak an faɗə.

Ibriɗe 1:14

Namna baymet pak əmpəsɗe en məzəɗɗaŋ wəza, məslinit aka wəza ammba moggon net ɗiy en nawrəhaŋ hara əkõh netiŋ ɓa sa?

Ibriɗe 11:40

Vi Maŋgəlva azaɓanək zəga moggon diyɗa vimə. Maŋgəlva dəŋgəl dəssoŋgən təstəs takirgit məza də mənam ɓa ɓa.

Ibriɗe 11:8

Də ətafi Abraham azlan ama iya, aprəm ma Maŋgəlva, yaŋ ammbat aka dələv an adawrəh nawzəmgəla, ndən mbat məza də əsən na aŋga adaddan di ɓa.

Ibriɗe 12:2

haram sekke aka məs dətəŋ gabba ətafa gəm dədaknahani, ana Yesu, ndən məs dəppan ənnek nani, dəɓəs məzliwrihe, əzele, wili, məs dəsan aka dəzəŋ na mazaŋga na Maŋgəlva.

Ibriɗe 2:10

Vi lewi aza məs dəzəməɗ gəm məs dədawga zəga pak nawke kirtin diyɗa dətoŋgoŋgən addəv gagdaka, dəssoŋgən gərrak də əzəmsãhã na məs dəki sit əkõh neti.

Ibriɗe 2:3

mbarmbari nam mədawkõh kan an məzək sləma aka əkõh metiŋgin məs Daya sən kiyən atəŋ ərbani, ɗiy məs dəprəmən aziwgin səmən wən nani,

Ibriɗe 9:12

məza də mbel net porsokɗe mãy net kirit wasliɗ ɓa, ya də mbəl na ki zən tusso atoŋ təl taka addəv gəla na matuya viyit ɗiy pakə, arəh səm əkõh an faɗə.

Ibriɗe 9:15

Sən aski asan metive na wənmiyna meleketeni, amtə na vi kawmet ɗiy səka mambray net aɗɗaŋ addəv wənmiyna məzvani, en məyeti, ərahaŋ iynama nawzəmgəla an faɗə.

Ibriɗe 9:28

vaski yi'e Kristu apsən ki zən təl taka vi kaskoɓ mambray net ɗiy diyɗa, ya warban zən masula'ən, vi wən na mambrayi əmpa ɓa, vi kawkõhgit ɗiy məzuganəni yi.

1Piyer 1:22

Kubburunək megenegenekum də əɓe' sən gegesiŋ vi kaŋgliw milmiŋgiɗkum məs dətafaŋgə məza muluvuluvu ɓa. Məŋglu zukum də mokrokum bar pay pakə.

1Yohanna 5:20

Məsənka Wətən Maŋgəlva adeke, apsəmək maɗɗula vi məsəngən Maŋgəlva an gesiŋ. Ya mənam tat addəv Maŋgəlva an gesiŋ, addəv Yesu Kristu Wətəni, ndəni Maŋgəlva an gesiŋ gəm zeŋgile an faɗə.

Zuda 1:21

Məga zukum addəv əŋgla na Maŋgəlva də əga ulasahã na Daya nam Yesu Kristu vi zeŋgile an faɗə.