Ibriɗe 12:2 - Bible en Guidar

² haram sekke aka məs dətəŋ gabba ətafa gəm dədaknahani, ana Yesu, ndən məs dəppan ənnek nani, dəɓəs məzliwrihe, əzele, wili, məs dəsan aka dəzəŋ na mazaŋga na Maŋgəlva.

Nouveau Testament en Guidar

² Say wəzi səm haram aka Zezu, vi anani məsənə, ndəni dətəŋ wənna wətaf nam amakramə, dədaw daw də mənamə ha pay wəgrak nani. Aɓəsək bonoy məs məbayən dəbay də wəlawən aka wəlaŋga məzliwrihe, wil də danən də zev əmta vas ɓa, vi wənnek məs məzaɓan səni. Kakaŋ na tay tuŋgo aka mazaŋga na məlĩ nan aka va dəzəŋ na Maŋgəlva.

Bible en Guidar

² haram sekke aka məs dətəŋ gabba ətafa gəm dədaknahani, ana Yesu, ndən məs dəppan ənnek nani, dəɓəs məzliwrihe, əzele, wili, məs dəsan aka dəzəŋ na mazaŋga na Maŋgəlva.

Ibriɗe 12:2 ပူးပေါင်းရင်းမြစ်များ

Gəlyaɗe 110:1

Gəlyanalva na Davit. Yawe aɗiyman aza Daya naw na: «Asok aka dəzəŋ nawa, hã gap an nəvoŋgitik məzuzelɗe nok ammba təlko!»

Gəlyaɗe 138:8

Yawe waɗɗa gərak viwa. Yawe, moggon nok hã faɗi yi! Kəppet wəzeɗe na vok ɓa.

Isaya 31:1

Əray aket ɗiy en məzəddoŋ a Eziptə ammba əbbaha! Tay əɗɗumoŋ aket pilseŋge, aɗiyənək maɗɗulet aket mawteɗ net pilseŋge, vi assoŋ diyɗa, gəm aket məpeŋgeŋ pilseŋge vi tahəŋ də gbogboŋ diyɗa. Awlaŋ aza Maŋgəlva Salala na Israyel ɓa, awkayanən Yawe ɓa.

Isaya 45:22

Ɗiy naket meŋge na dəlva, məkkpaŋ azawa, wakəkõhoŋgu, vi intə Maŋgəlva, tay maɓɓan əmpa ɓa.

Isaya 53:3

Ɗiy azelinke, azganənka, ndən ɗəf na əzəmsahã dəsərək də tatwãha, va ɗəf nakkpaŋgan hara ɗəf səkan vi ɗəf adawlan ɓa, Məzelni, mula azam va ɗəf ɓa.

Isaya 8:17

In tat əga Yawe məs dəkkpaŋgan haran faraɗa səka gəla na Yakob, ya akan nəɗi əɗɗum nawa.

Mika 7:7

Ya nawa, aza Yawe nədawla, səza Maŋgəlva nədawga əkõh nawa, Maŋgəlva naw waprəmwa.

Zakarya 12:10

Wanəknəh zev Davit gəm ɗiy na Yerusalem də əmpəs moggon gəm nakkama. Wawlaŋ azawa, in ɗəf məs ambokoŋ naka. Waɓuhnən met ammban va adawɓuhoŋ ma ammba wiyən karmalay. Waskaŋ morkoyo ammban va adaskaŋ morkoyo ammba uwa maddaabəŋ.

Əŋɗa 21:9

Moyis azaɓ dohõ na təbəz pepreŋge, aynan aza wəlaŋga a disiŋ. An dohõ abələk ɗəfa, ndən ula aza dohõ na təbəz pepreŋ naka, asna amta ɓa.

Matiye 16:21

Təŋ siske ləŋ, Yesu atəŋ ərban sit gewleɗ nan na: Aslək dəlgən a Yerusalem, kawzəm sahã diyɗa səvet ɗiy məsɓet dit deyeɗe net məsdəlveŋge mərbaŋ zəga na mahenziŋ, wabaynəni, də əvoŋ mahokoni, wasil səka əmta.

Matiye 20:28

Vaski kana Wətən Ɗəf dəde ɗiy dəɗɗaŋ sənəngən wəza ɓa, ya vi dəgəɗgən wəza gəm kappan zeŋgilen vi kawbit ɗiy diyɗa.

Markus 14:36

Amna aw Əbba, Afuwa, zəga pak tay tuwãh azok ɓa. Azargət huloŋguk na əzəm sahã kəŋ səzawa. Ya agəɗ va an nəŋgəl ɓa, abbər va an kəŋgələ.

Markus 15:28

Vaski an məverin addəv Ɗerewel asan gesiŋ, amna: Məŋɗani aweleŋgit ɗiy mbəreyti.]

Markus 16:19

Dərɓaga Daya Yesu agrak əpel sit vaska, məslani a disiŋ asanək aka va dəzəŋ na Maŋgəlva.

Markus 9:12

Azlan sit na: Gesiŋ Eliya wade daabəŋ dəzaɓetgin zəgeɗ pakə. Ya mbari məverin aka Wətən Ɗəf na wazəm sahã diyɗa, ɗiy wazelini di?

Markus 9:24

Afən wiyən nak apelik dayadaya go'ləŋ dawnəh na: Nətafəka, ade əbbah su addəv wəray na ətaf nawa.

Luka 17:5

Yaŋ maslənɗe aɓsənən Daya na: Apsəm ətaf azani.

Luka 23:11

Herodə dit məzəlpaŋ nan azelenənka, amasaŋgək akani. Agul sən lukut məzəwiɗe, amndagan aza Pilat.

Luka 24:26

dədah zəgeɗis dəɗɗaŋgən aka Kristu dəzəmgək sahã dətoŋgən addəv gagdak nan ɓa sa?

Yohanna 1:29

Vit pumpum nani, Yohanna awlak Yesu dazzan azani, yaŋ amna: Akəŋtə ndargayãk na Maŋgəlva məzəvvuyon mambray naka dəlva.

Yohanna 12:24

Gesiŋ gesiŋ nədawnah sukum: An zeŋve na haykəmari dəbət aka dəlvafuŋ dəmtə ɓa wasan takərgəni. Ya an amtəka, asna waɗi aran diyɗa.

Yohanna 12:32

Naw an məslawi səka dəlvafuŋ na, wanətiɗ ɗiy pak azawa.

Yohanna 13:3

Asənək na Afən apsinik zəgeɗ pak ammba vani, səza Maŋgəlva ade, wamndan aza Maŋgəlva.

Yohanna 6:40

Vi aŋki əŋgla na Afuwa: Ɗəf dula Wətən Ɗəfa gəm dətaf pak, dərah zeŋgile faɗə, wanəsilgin səka əmta pay əgrak dəlva.

Yohanna 8:56

Abraham afukum zən nan annekik nawla pay nawa, awlaka annekenək zəni.

Wəza net Masləŋɗe 2:36

Vi vaski, mə Israyelɗe pak dəsənən gesiŋ na, Yesu vanəŋ məs kəkkpa'aŋ aka məzliwriheŋka, Maŋgəlva aɗiyək ka Daya gəm ka Kristu.

Wəza net Masləŋɗe 3:15

Məs dətəŋ zeŋgile kəbayaŋgəŋka Maŋgəlva asilgənək səka əmta, miziweɗe nan mənani.

Wəza net Masləŋɗe 5:31

Anani Maŋgəlva agagdakan də van dəzəŋ ka Daya gəm məkõhgit ɗiyi. Vi kapsən əɗi marava gəm əskoɓ mambray sən Israyel.

Wəza net Masləŋɗe 5:41

Yaŋ net agilyoŋ səbet ɗiy gugriɗ də ənneken ziti, vi agapaŋgək nawzelet aka iya na Yesu.

1Korintus 1:18

Vi əpel aka wən na məzliwrihe na, va dərwa azet məzuzaŋgə, ya azet məs dəkõhoŋ na, əɓap na Maŋgəlva yi.

1Korintus 1:23

Ya namə, mənam tat ərban Kristu məkkpa'ən aka məzliwrihe, azet mə Yudeɗ na, nazbərgiti yi; azet ɗiy-ɗar tamə, va dərway yi.

Efesus 2:16

Asleretik sulegit də Maŋgəlva addəv gəɓa zə ɗəf taka, də məzliwrihe, dəndəni azanək əzele.

Efesus 5:2

Mədaw addəv əŋgla va Kristu aŋglumə appan ki zən sən Maŋgəlva ammbam ka əvəla gəm ka zəga mətaw wəlani, va tursan məs məŋgənən neki.

Filipi 1:6

Sessel nəsənək na, məs dətəŋ wəza moggon vas a mokrokum, wadaw dəndən hã gap aza əgraka, pay məs Yesu Kristu adazzani.

Filipi 3:20

Vi namə, ɗiy na disiŋ mənani. Sədaki mədawga məzukõhgəm Daya Yesu Kristu ɗəhərra.

2Timote 4:8

Kakaŋ na mətərkiya na təstəs tay zaɓɓa viwa, məs Daya mətawwən an təstəs adapsu pay nani, suwi kaka ɓa, sit ɗiy en məs dəŋglunən əzza nan pakə'e yi.

Ibriɗe 1:13

Sən awan səret maslayɗe anah ɗah na: Asok aka dəzəŋ nawa, hã gap an nəvoŋgitik məzuzelɗe nok ammba təlko di?

Ibriɗe 1:3

Ndəni əkeɗeɗe na gagdaka, agilik va Maŋgəlva səɗeki, tay ərma dələv də əɓap na wəpel nani. Sə dərɓaga abbur mambraya, asanək a disiŋ aka dəzəŋ na məlĩ Maŋgəlva.

Ibriɗe 10:14

Vi də əzaɓ-Maŋgəlva təl taka kaka'i abbur ɗiy pakə, akkpaŋget təstəs hã faɗə.

Ibriɗe 10:33

Mərokumi gəm məsəri mokum a ma heret ɗiyi; ya də as pak kəbbahaŋ sitinik ɗiy məzuzəmaŋ sãhã va nokum.

Ibriɗe 11:36

Ɗiy meɓɓet əmpa məmasi aketi, mərgeti, muɓrukti gəm məzgeti a fərsəna;

Ibriɗe 12:3

Vasna, məɗɗumon ɗəf dəɓəs zev əzəmsãhã vas səvet məs mambrayɗe, ka kədappanən zukum əddak ɓa.

Ibriɗe 13:13

Məgilsəm əlma dəndən a ma poho na dibirgidiki, də wəslet wil nani.

Ibriɗe 5:9

Adan Yesu agrak əzəmsãhã nan temtem də wəza nan pakə, akkpaŋgək afən wəkõh an faɗ viyit ɗiy məs dəprəmən man pakə.

Ibriɗe 7:19

Vi tay an mahenziŋ aknahan ɓa, ya an məs mədawga day adeke, məs mədawzar aza Maŋgəlva ndəndəni.

Ibriɗe 8:1

Aŋki ki wən na əpel nam pakə: Mənam tat də zev Daya net məsdəlveŋge vanəs gesiŋ məs dəsan aka va dəzəŋ na mazaŋga na məlĩ Maŋgəlva a disiŋ,

Ibriɗe 9:28

vaski yi'e Kristu apsən ki zən təl taka vi kaskoɓ mambray net ɗiy diyɗa, ya warban zən masula'ən, vi wən na mambrayi əmpa ɓa, vi kawkõhgit ɗiy məzuganəni yi.

Yakob 2:1

Milmiŋgiɗu na makrawa, adan kətafənək Daya nam Yesu Kristu məs də gagdaka, kədawɗeketin ɗiy ɓa.

1Piyer 1:11

Aziyənək zit aza əkayan na dewɗe awaniɓa pay awani Əmpəs na Kristu dəsan dənɗaŋ adarban sit ta' na Kristu wazəmsahã, dərɓagan na warah gagdakaŋ di.

1Piyer 3:18

Vi Kristu sən kiyən amtək tel taka mək vi mambray net ɗiyi, ndən məs salala amtək viyit məs mambrayɗe vi kakukum aza Maŋgəlva. Məbayni gəɓa zəni, ya madarani addəv Əmpəsa.

1Piyer 3:22

Nan ateŋgik a disiŋ tay aka va dəzəŋ na Maŋgəlva, tay əzəm məlĩ aket maslayɗe də aket gagdakɗe, də aket əɓapɗe.

Zuda 1:21

Məga zukum addəv əŋgla na Maŋgəlva də əga ulasahã na Daya nam Yesu Kristu vi zeŋgile an faɗə.

Hənhən 1:11

ətəlma na: An kədawlaŋka aver addəv ɗerewel, aslən sit gəleɗe na Maŋgəlva buhul: a Efesus, a Samirna, a Pergame, a Tiyatira, a Sardis, a Filadelfiya, də a Lawdikiya.

Hənhən 1:17

Səza nula vaska, nəzbərək ammba tələn afuŋ va məmtuwa. Yaŋ aɗi van dəzəŋ akawa amna: Kəgeslne' ɓa. Intə wətəŋ na zəga, Intə əgrak nani.

Hənhən 1:8

Daya Maŋgəlva Məzuɓappak amna: Intə ətəŋga, intə əbaymani. Ɗəf məs kakaŋka, məs lahəŋka gəm məs dədazani.

Hənhən 2:8

Aver sən maslay na gəla na Maŋgəlva na Samirna na: Aŋki məs dəsan ətəŋga gəm əbayma zəga, məs dəmtə, dəsil səka əmta adawpele.