Ibriɗe 11:7 - Bible en Guidar

⁷ Ammba ətafi, Maŋgəlva assak sən Nuwe aket zəgeɗ en naɗɗaŋ məza hara ɗəf dule tagay ɓa, yaŋ Nuwe agəm əpel na Maŋgəlva məza də əsmay ɓa, azaɓ bəlay vi kawkõhgən gəla nani. Də əɗɗa vaski atawwən aka dəlva, akkpaŋ məzəmgəla na təstəs nawrəh də ətafa.

Nouveau Testament en Guidar

⁷ Də wətafi Nuwa apprəm an məs Maŋgəlva anah aka məs dədaɗɗa aka dəlva, ko də dula wənnan ɓa pak zlaŋ atafək wənnani. Apprəmək ma Maŋgəlva, azaɓək bəlay. Adəvəni akoh git ɗii nan pakə. Wətaf nan atawək kita aka dələv pakə. Nuwa atafək Maŋgəlva wənnan lewi ara Maŋgəlva.

Bible en Guidar

⁷ Ammba ətafi, Maŋgəlva assak sən Nuwe aket zəgeɗ en naɗɗaŋ məza hara ɗəf dule tagay ɓa, yaŋ Nuwe agəm əpel na Maŋgəlva məza də əsmay ɓa, azaɓ bəlay vi kawkõhgən gəla nani. Də əɗɗa vaski atawwən aka dəlva, akkpaŋ məzəmgəla na təstəs nawrəh də ətafa.

Ibriɗe 11:7 ပူးပေါင်းရင်းမြစ်များ

Va'Atəŋ 19:14

Lot agilik ənah sit dəhiŋgiɗin dədawkeynin kirtini, aɓsit na: «Misili! Migil sə walaŋgəlaŋka, vi Yawe wazani.» A maheret dəhiŋgiɗin nek na, va əsmay yi ɗarə.

Va'Atəŋ 6:13

Maŋgəlva anah sən Nuwe na: «Naw na, nəzuwginik pay nagrak zəgeɗ pak! Vi gagay aknahək dəlvafuŋ, aka batemit ɗiyi, wanəzet pak də dəlvafuŋ.»

Va'Atəŋ 6:22

Nuwe aɗak va Maŋgəlva aɗiy sən dekdek naɗɗa.

Va'Atəŋ 6:9

Uwa na Nuwe yaŋka: Nuwe, ɗəf təstəs-gəraki aka pay sayit ɗiy nani, məziw aka wəni, gala pay nani. Nuwe adawək də Maŋgəlva,

Va'Atəŋ 7:23

Yas azan zəga an dəsan aka dəlvafuŋ pak faffaɗə, ɗiyi, zəgeɗ memeyẽɗi, vẽvẽɗe dit biŋgeɗ na disiŋ daydayə. Azetik kakãh pakə, Nuwe dit en naddəv bəlay azan dəppaŋ kaka'ə.

Va'Atəŋ 7:5

Nuwe aɗɗak va Yawe aɗi sən wən nan kpekpe'i.

Va'Atəŋ 8:16

«Agil səddəv bəlay, isi, ɗak noko, gəm kirtuk dit gil neti.

2Milyeŋge 4:5

Ndət tek səzani, maddamba kpuɓ akat dit kirtita. Ndəɗaŋ əpsətən bəbərɗe, ndət əknihti.

Ɗerewel na Yob 35:8

Ɗəf va is mambray nok adawrəŋgəni, ɗəf titir va is təstəs nok adawtəra.

Wənməkkpaŋga 22:3

Ɗəf an petpet an awlak əraya, ndən əɗama; ya net mitiɓiɓɗe na, ədawaŋ dəkani, ndəɗaŋ kan əzəmsahã akani.

Wənməkkpaŋga 27:12

Ɗəf an petpet an awlak əraya, ndən əɗama; ya net mitiɓiɓɗe na, ədawaŋ dəkani, asna ndəɗaŋ əɓuh meti.

Ezekiyel 14:14

Kəta ɗiy hokiŋ dayday: May Nuwe, Danel gəm Yob, dəssoŋ aka dələv nan zlaŋ, zeŋgilet adawkõhgənən kaka' ammba təstəs neti, Daya Yawe aɗiymani.

Ezekiyel 14:20

kəta may Nuwe, Danel gəm Yob dəssoŋ aka dələv nan zlaŋ, va nəsaw madarawa, Daya Yawe aɗiymani, akõhgitin na kirin mezeŋgleket dit muguluŋgit ɓa. Zeŋgilet adawkõhgənən kaka' ammba təstəs neti.

Ezekiyel 33:5

Aprəmək ɓaɓəlma gozloro, dəzgə sləma aka əssakəs ɓa. Mbel nan akan adamndoŋgu. Ɗəf an dəzgə sləma aka əssaka, wakõhgən kini.

Matiye 2:12

Yaŋ Maŋgəlva anah sit də wisine adawmilyoŋ kəlaza Herodə ɓa, amndoŋguk aka dələv net dəka tive mbərən.

Matiye 24:15

Pay kədawlanən daryaw məraygən təkiya, an məskəleŋ Daniyel apel akan ziwwe a təki an salala, ɗəf an dəŋɗani, dəprəm lewlewi!

Matiye 24:25

Yaŋ na nəssak sukumko.

Matiye 24:38

Va aka buwən məvekeveke dəɓlaŋ əzzoŋ ɓa, ɗiy əzəmaŋgə, əsaŋgə, əkayaŋ gili gəm wəke kirtit ammba zile, hã gap pay Nuwe atoŋ addəv bəlay.

Matiye 3:7

Adan awle ɗiy diyɗa səret Farisaɗe dit Sadukiɗe əzzoŋ azan vi kawrəh baptem, aɓsit na: Kirtit barwayɗe nawa dərban sukum ənza səma ədagədəv an dədazzan di?

Luka 17:26

An məs dəgəɗ pay na Nuwe, vas adaɗɗa'e pay na Wətən Ɗəfa.

Roma 1:17

Vi təstəs na Maŋgəlva tay ərba addəvən də ətafa gəm sən ətafa, va məverin na: Ɗəf təstəs wasan madaran də ətafa.

Roma 10:6

Ya an təstəs məs dəde səza ətaf anah yaŋka: Kədawnah a mokrok na: Naway nawpeŋ a disiŋ di ɓa? Va ənah na: Vi kawprikgən Kristu.

Roma 3:22

Təstəs na Maŋgəlva də ətaf Yesu Kristu viyit ɗiy məs dətafaŋ pakə. Vi uɗak tay aban ɓa.

Roma 4:11

Dərɓagani arah əskəlawra ka zəga narban təstəs na ətafa, aka asan dəɓəl əskəl awra ɓa. Ndəni efit ɗiy en dətafaŋ pakə, məs dəskəlaŋ awra ɓa vi kaŋɗan sit ka təstəs tamə.

Roma 4:13

Vi də tive na mahenziŋgi məɗɗa iynama napsən dələv sən Abraham ka nani awaniɓa sən Mazlalwan ɓa, də tive na təstəs dəde səza ətafi.

Roma 9:30

Mbar mədawnah kakaŋ kandi? Ɗiy en ɗar məs dəkayanən təstəs ɓa, arəhaŋgək təstəse, təstəs məs dəde səza ətafa.

Galatiyen 5:5

Vi namə, əga na təstəs nam səza Əmpəs ade də ətafa, mənam tat əgan ɗəhərra.

Filipi 3:9

Vi nədawsaw aban də təstəs na kiyu məs dəde səza mahenziŋ ɓa, abbər an dəde səza ətaf Kristu, təstəs dəde səza Maŋgəlva dəziw aka ətafa.

Ibriɗe 11:1

Ətafa ndəni tive narban na is tat də zəga kədawga van avok səkayə. Tive nawsən gesiŋ net zəgeɗ məs hara ɗəf awlet ɓa yi.

Ibriɗe 12:25

Məzi zukum kədawɓoŋgoŋ aka məzupel sukuməŋ ɓa! Adan məs dəɓoŋgoŋ aka məzupel sit aka dələv dəkõhoŋ səma wəzga' ɓa na, mənamtə dərəŋ məkõh kan, an məktuhuk dəɓam sən məzupel səm hã sə disiŋ.

Ibriɗe 5:7

Aka Yesu adawsan egge, akkamanək Maŋgəlva nawɓap əkõhgən səma əmta də əɓuhman dayadaya dit sini. Maŋgəlva aprəmək əkkam nani vi aɓe'gənək ki zəni.

Ibriɗe 8:5

Ya əɗi ki Maŋgəlva adawɗiyaŋ na tay va foto, va zeŋgile zəga aza zəga an na disiŋ. Va əpel an Moyis arah səma Maŋgəlva narka gizlirke, aɓsən na: Awla, kəɗɗagən təɗe' va an mərban suk aka mossorgo metiŋ.

1Piyer 3:20

Ndəɗaŋgə ɗiy dəɓoŋgoŋ lahəŋ aka Maŋgəlva aɓəs aka pay Nuwe adawzaɓ bəlay. Ɗiy siɗikkeŋ kaka addəvən, ɗiy dədopoɗo dəkõhoŋ səret iŋkile.

2Piyer 1:1

Simeyoŋ Piyer balam gəm maslən na Yesu Kristu, sit ɗiy məs də ətaf məstaka də mənam addəv təstəs na Maŋgəlva namə gəm na Məzukõhgəm Yesu Kristu.

2Piyer 2:5

Dəppan ənziya egge an far ɓa, abbər Nuwe ɗəf təstəs akõhgən dit ɗiy nan buhul aka aki buwən məvekeveke aka ənziya egge net ɗiy mbəreyti.

2Piyer 3:6

Ndəndit vani azan dəlvafuŋ an far dit iŋkile, asulupnəni.