Ibriɗe 1:8 - Bible en Guidar

⁸ Aka Wətəni, aɗi man na: Mazaŋga na məlĩ nok aziwik hã faɗə Maŋgəlva, zleŋge na təstəsə, ndəni zleŋgə nawzəm məlĩ noko.

Nouveau Testament en Guidar

⁸ Amma an məs anah aka Wətən Maŋgəlva na: Mazaŋga na məlĩ noko, aw Maŋgəlva wasan ha faɗə, istatə zəm məlĩ nok də tive təstəssə.

Bible en Guidar

⁸ Aka Wətəni, aɗi man na: Mazaŋga na məlĩ nok aziwik hã faɗə Maŋgəlva, zleŋge na təstəsə, ndəni zleŋgə nawzəm məlĩ noko.

Ibriɗe 1:8 ပူးပေါင်းရင်းမြစ်များ

2Samiyel 23:3

Maŋgəlva na Israyel dəpel suwa, milɓe na Israyel dəpeli: «Tay əzəm məlĩ aket ɗiy təstəsə, də geslne na Maŋgəlva adawzəm məlyã.

Gəlyaɗe 145:13

Əzəm məlĩ nok əzəm məlĩ an faɗi, əzəm məlĩ nok wasan aka sayit ɗiy va asan pakə. Daya aziwik ɓəlɓəl aka əpel nani, məwəlsãhã addəv wəza nan pakə.

Gəlyaɗe 72:7

Pay əzəm məlĩ nani, ɗəf təstəs wandufu, zazay wasan diyɗa, hã təla mbo'u!

Gəlyaɗe 99:4

Gbogboŋ na məlĩ na, əŋglu zəga də tiveni. Istə kəsɓan əssa təstəsə. Istə kəɗɗa ədaw sarra də təstəs a Israyel:

Isaya 45:25

Mə Israyelɗe pakə, wassoŋ təstəs aza Yawe wannekenin ziti.

Isaya 7:14

Vini kana, Daya zək nan wapsukum zəga narba azani: Awla waŋ ŋgbuɓɓo watəɗi daway, watəwə wiyna. Watəya iya nan na Emanuwel.

Yeremiya 38:15

Yaŋ Yeremiya azlan sən Sedekiya na: «An nənah sukuk na əbay kədabayu ɓa sa? Ya an nəsəɓ sukuko, kəprəm su na ɓa.»

Hose'a 1:7

Gəla na Yuda hara na, wanula sasãhni, wanəkõhgən də va Yawe Maŋgəlva nani; də bile yi nədawkõhgən ɓa, də masalam ɓa, wəlpa ɓa, dit pilseŋge ɓa, dit məŋkoroŋ pilseŋge ɓa.»

Zakarya 13:9

Wanətoŋgən taka naret hokuŋ dəka offo, wanəhəs va adawhəsaŋ təbəz babara, wanəsla va adawslaŋ meleŋge. Nan waya iya nawa, wanəprəm səni. Wanənah na: «Ɗiy nawəŋgə», net tam wanahaŋ na: «Yawe yi Maŋgəlva nawa.»

Zakarya 9:9

Anneken zuk diyɗa, waŋ na Siyon! Aɗɗəl nanneken zuko, waŋ na Yerusalem! Məlĩ nok yaŋ tay əzzan azoko; təstəsi yi gambaray, avoŋgənək kini, apeŋgik aka koro, aka wət koro.

Malakiya 3:1

Yaŋ in tat əslən maslən nawa. Wazaɓan tive abawa. Gurzik na watoŋ addəv gəla na Maŋgəlva, mərbəzəga an kədawkayanəni, maslay na wənmiyna an kəŋglaŋgi, yaŋ əzzani, Yawe Məzuɓappak anahə.

Matiye 1:23

Waŋ ŋgbuɓɓo watəɗi daway watəwə wiyna, kalvani na Emanuwel, va wənah na: Maŋgəlva tay də mənamə.

Luka 1:75

addəv salala gəm təstəs abani, addəv ənziya nam pakə.

Yohanna 10:30

In də Afəni taka mənani.

Yohanna 10:33

Mə Yudeɗ azlan sənənək na: Aka wən na wəza moggon mədaskuk ɓa, vi əpel mbərayən aka Maŋgəlva yi. Vi ɗəf kənani, is əɗɗa zuk va Maŋgəlva.

Yohanna 20:28

Tomas azlanka, aɓsən na: Daya nawa, Maŋgəlva nawa.

Roma 9:5

ndəɗaŋgə dəha məkuturkutur, məs Kristu agil səzet dəwəl sit mbeli. Tay aka zəga pakə, soko sən Maŋgəlva hã faɗə. Amin!

1Korintus 15:25

Vi adahək dəzəmgən məlyã, hã gap an avoŋgitik məzuzelin pak ammba təlni.

Əmsak aka Mahenziŋ 2:37

Dələv net mə Ammonɗe yi kaka' mərəŋgən ɓa: ma lolohõ na Yabok, walaŋgəleɗe gugriɗ naka mossorgo, gəm an məs Yawe Maŋgəlva nam aɗi wən nan pakə.

Əmsak aka Mahenziŋ 7:14

Wəzaɓ wasan akok daykiyit ɗiy pakə, ndarzlay asan na anokda ɓa, na ɗəf mizilin ɓa, nat guluk ɓa, may na zəga mamayã nok ɓa.

1Timote 3:16

An məsən sap yaŋka, məɗama na geslne na Maŋgəlva van metiŋgini: Ndən məs dərbə addəv gəɓa zə ɗəfa, məs Əmpəs arban na təstəsi, məs dərban zən azet maslayɗe, məs mətəlma aka wən nan aweleŋgit ɗiy-ɗarə, məs dəsan ka zəga nawtaf egge, məs məslan a disiŋ addəv gagdaka.

2Piyer 1:11

Vi vaski tive nawtoŋ addəv məlĩ an faɗ na Daya nam gəm na Məzukõhgəm Yesu Kristu adawsan sukum viŋgi.

1Yohanna 5:20

Məsənka Wətən Maŋgəlva adeke, apsəmək maɗɗula vi məsəngən Maŋgəlva an gesiŋ. Ya mənam tat addəv Maŋgəlva an gesiŋ, addəv Yesu Kristu Wətəni, ndəni Maŋgəlva an gesiŋ gəm zeŋgile an faɗə.