Ester 9:3 - Bible en Guidar

³ Ɗiy gugriɗ naka kivadələv temtem pakə, ɗiy naba məlyã, deyeɗe na kivadələv temtem dit məɗɗaŋ wəza naka dələv na məlĩ vet pak, ammbet mə Yudeɗ adawkaŋ wəna, vi tahəŋ əgeslne'eŋ sənən Mardokay diyɗa.

Ester 9:3 ပူးပေါင်းရင်းမြစ်များ

Ezra 2:2

Ɗiy en dəmilyoŋ dit may Zorobabel, Yosuwa, Nehemi, Seraya, Re'elaya, Mordokay, Bilsan, Mispar, Bigway, Rehum, Ba'ana. Iya net yaŋ də əŋɗa net mə Israyelɗe, məs dəsapaŋ ŋgbim-ŋgbimi.

Ezra 8:36

Sissiŋ agapgənən an məlĩ aynə sit ɗiy gugriɗ naba məlyã, sit guvernerɗe na dəggar ki Efrat, məs dərmanən vet ɗiy, də Gəla na Maŋgəlva.

Ester 3:12

Yaŋ Məye məzuvereŋ na məlĩ aka təla maddaabəŋ də əvoŋ kəlaw kiyən hoku nani. Yaŋ məverin səɗek va an məs Haman aɗi wən nan sit daya na bərzləŋ na kivadələv na məlyã may deyeɗe na kivadələv temtemi, gəm sit deyeɗe net ɗiy pakə. Sən kivadələv pak də zev əver nani, sən mahəlfa pak də ma nani. Məverin də iya na məlĩ Ahasuwerus, mərga ndama na məlĩ van akani.

Ester 8:17

Addəv kivadələv pak, may a walaŋgəla mawandi pak, təki əpel na məlĩ də mahenziŋ nan agap pak na, mekret mə Yudeɗ avoŋko, zit anneke, adaŋgək waynabaya may aɗɗaŋgək əzləra. Ɗiy diyɗa dəmanən zit ka mə Yudeɗi, vi geslne armek sit mə Yudeɗi.

Ester 8:5

təmna: «An neki aza məlyã, an nərahək mbəlembəle səvani, an məlĩ atafəka, dəver nawbay wən net ɗerewelɗe na Haman wət Hammedata mə Agag, məs aver vi kawzet mə Yudeɗ səka va na məlĩ pakəŋka.

Ester 8:9

Dəpaska'e məye məzuvereŋ na məlĩ aka təla mohoko'ən, təla na Siwan əvoŋ nan kaklaw sula kiyən hoku. Məverni pak va Mardokay aɗi wən nan sit mə Yudeɗi gəm sit deyeɗe na bərzləŋ na kivadəlva, sit deyeɗe na kivadəlva deyeɗe naka kivadəlva səkat də kaklaw sula kiyit buhuliŋki təŋ sə Indiya hã gap a Etiyopi. Kivadələv pak va aza əver nani, ɗiy pak va aza ma neti, gəm mə Yudeɗi va əver neti gəm va aza ma neti.

Daniyel 3:2

Yas məlĩ Nabukodonozor aslin maslənɗe vi kakkelet ɗiy na sləma, deyeɗe na bərzləŋna-kivadəlva, deyeɗe na kivadəlva, məzusəɓaŋgə, mərmaŋ deleɗi, məsənaŋ mahenziŋ, mətawaŋwəna gəm məɗɗaŋ wəza na kivadələv pakə, dəzzoŋgən vi wəzləra nawtəŋ əgagdakan zəgakamaŋgəlva məs məlĩ Nabukodonozor aziwgin naka.