Ester 7:4 - Bible en Guidar

⁴ Vi in dit ɗiy naw pak məvəlmi yi kawbaymə, kawzam kakãhə. Va ka belemɗe kaka' məvələm zel dit gil van na, kəta nəpel na ɓa. Vi tatwãh as dəgap gala nawyan məlĩ aka wən nan ɓa.»

Ester 7:4 ပူးပေါင်းရင်းမြစ်များ

Nehemi 5:5

Gəɓa zəm va net milmiŋgiɗmi yi; kirtiti va kirtiməŋgə. Yaŋkəŋ na, nam mənam kan əppet kirtəm mezeŋgleket dit muguluŋgit va belemɗe; tahəŋ dəkkpaŋgaŋ belemɗe səkay səret kirtəm muguluŋgiti, ya kuket tay avam ɓa, gulyeŋge nam dit megezlembirkeɗ nam pak akkpaŋgaŋgək net ɗiyi!»

Ester 3:13

Mipsiti ɗerewelɗe vet avet maslənɗe duɗeknin aka kivadələv na məlĩ pakə, vi kawzet mə Yudeɗ pakə, kawbeyit kəkãh aka pay taka təŋ səza gawla hã aza mazza, kirni, gili, də wəsɓəta makəlaw kiyən hoku na təla makəlaw kiyən sula, ana təla na Adar, kawnda araya neti.

Ester 3:9

An məlĩ atafək na, nawveri wən nawzeti. Wanəslə kilo gabal kaklaw hoku na təbəz babar kawziyən a maha na məlĩ sit ɗiy naka wəza.»

Ester 7:5

Məlĩ Ahasuwerus apelke, aɓsət ma'ãyək Ester na: «Nawãy di, ŋgay ɗəf məs dəɗi a makran naɗɗa zəga vaskəs kpak di?»

Ester 7:6

Ester təzlan na: «Ɗəf məs əseɓ də əzel van na, Haman iyi. Ɗəf mbəraynəska!» Geslne armak Haman aba məlĩ dət ma'ãykə.

Ester 8:11

An məverin addivit na, mə Yudeɗ na walaŋgəleɗe gugriɗe naka dələv na məlĩ pak, dəkkalaŋgən dəhãyaŋgən ammba ziti. Məpəl siti tive, dəzetingin ɗiy en məzuzeletini, dəssoŋ mədəgaŋ di zlaŋ en dədawakaŋ sitin pakə. Dəbeyningin dit gil neti, dit kirtiti, dəndannəngən arya neti'e,

Ester 8:6

Mbarmbar nədawɓəs nulagən əray dədawrih ɗiy naw di? Mbarmbar nədawɓəs nulagən əza na mahəlfa naw di?»

Ester 9:25

Səza wən nan agap aza məlyã, averik wən nan dəver na: Əɗɗum nan mbərayən aɗum aket mə Yudeɗiŋki dəkkpaŋ akani; ndəni kan məlawən dit kirtin aka wəlaŋga.

Daniyel 6:2

Dariyus awlak na lewi nawɗi guvernerɗe səkat də kaklaw sula, dəssoŋgən aka va na məlĩ nani.

Amos 2:6

An Yawe apel yaŋka: Aka əɓoŋ an Israyel aɓoŋ təl hoku gəm aka əɓoŋ poɗo, nəppan na wən an nəziwgin ɓa: vi avilinik ɗiy en təstəs ammbet koɓeɗi, məzuray tam ka hensek təl ɗəf taka.

Luka 12:45

Ya an gawla vanəs aɗɗumuk a makran na: Kakaŋ na daya naw aliyək dazzani, yaŋ atəŋ ərge məɗɗaŋ wəza, zel dit guli, tay əzəma, əsa gəm mbazla əbayən,

Əmsak aka Mahenziŋ 28:68

Yawe wamndogok dit bəlayɗe nok a Eziptə, kəlaka dələv məs nənah suk na: «Kula na ɗah əmpa ɓa naka!» Adak na wakəppanən ki zukum nawvəl dəvok dəvokum ka belemɗe mezeŋgleket dit muguluŋgit sit məzuzelɗe nokum, ya kərahaŋ na ɗəf nalbuhkum ɓa.

Yosuwa 9:23

Gəgaŋ na, məraygukum kənanaŋ, baymokum, kəffeteŋ na dasso belemɗe ɓa. Nokum seseme kədawkayaŋ, gəm əmbaɗ iŋkile sən gəla na Maŋgəlva nawa.»

1Samiyel 22:23

Asok də iyna, kəgeslne' ɓa. Vi məzukayaw nawbaywa wakayok nawbayko; zəga tay nawgəɗ suk sə maŋgavaw ɓa.»