Ester 3:2 - Bible en Guidar

² Məɗɗaŋ wəza a meŋgle na məlĩ pak na, əkdukoŋ, əppu'oŋ aba Haman, vi məlĩ dəɗi wən nan vas ammbani. Ya Mardokay na, agduk ɓa, appu' ɓa.

Ester 3:2 ပူးပေါင်းရင်းမြစ်များ

Va'Atəŋ 41:43

Apeŋgin aka masula mawta nani, yas adaŋzlaŋ vaŋvəl abani: «Kulanəngəni!» Vas Farawən aɗi aka dələv na Eziptə dəwənnani.

Ester 2:19

Gala məkkelet gorɗeŋge ŋgbuɓɓo ŋgbuɓɓo təl masula'ən, Mardokay tay ɗewwe a maddamba na məlyã.

Ester 2:21

Pay nan dəpas na, Mardokay tay ɗewwe a meŋgle na məlyã. Yaŋ gewleɗ na məlĩ sula səret en mətawaŋkoyom məzugaŋ maddamba, anet may Bigtan də Teres gədivit adə diyɗa, akayaŋ tive nawbay məlĩ Ahasuwerus.

Ester 2:5

Ɗəf mə Yuda tay a walaŋgəla-metiŋ na Susan vani dawyanən na: Mardokay, wətən Yayir, wət Simey, wət Kis, mahəlfa na Benyamin.

Ester 3:1

Dərɓeget alabaraɗeski, məlĩ Ahasuwerus aɓaygənək Haman wətən Hammedata, zev Agag aka wəza; apeŋgənəka, aɗiyək aket ɗiy gugriɗ məs dəssoŋ dəndən baymeti.

Ester 3:3

Ndəni gewleɗ na məlĩ en na meŋgle na məlĩ anəhaŋ sən Mardokay na: «Vimi kədaggar ki wən an məlĩ aɗi di?»

Ester 3:5

Haman awlak na, Mardokay agduk aban ɓa, appu' sən ɓa, gədəv Haman adək sawɓa.

Ester 5:9

Pay dəpas na, Haman agilik də zən neki, makran avoŋko. Adan Haman adawla Mardokay a meŋgle na məlĩ na, nan awsilyen ɓa may akker sən ɓa, Haman aknahək dit herɗe aka Mardokay.

Gəlyaɗe 15:4

Tay əzel məgəɗ mambraya: tay əɗi kiyit en məgeslne'eŋ sənən Yawe. Adder dirɓe səka an asway akan ɓa, kəta dəsan waki sən tatwãh zlaŋgə.

Əgilye 17:14

Yawe anah sən Moyis na: «Aver addəv ɗerewel naɗɗumoni, agapgən sən Yosuwa asləman na. Vi əvvuy nədavvuyon sləma Amalek, səka dəlva!»

Əgilye 17:16

yaŋ amna: «Adan va ɗəf dəsil aka mazaŋga na Yawe, wəgayi a walaŋ Yawe də Amalek hã faɗə!»

Daniyel 2:49

Daniyel attokonək məlyã, ka dəɗigin may Sadrak, Mesak gəm Abed-Nego dəssoŋgən məzədawgənən an dəsan aka va na Babilon. Daniyel tamə asanək a meŋgle ana məlĩ da.

Əmsak aka Mahenziŋ 25:19

Ya pay Yawe Maŋgəlva nok adapsuk əffet səbet məzuzelɗe dəssoŋ tərwəsl ki dələv məs Yawe Maŋgəlva nok adapsuk kəmõhgən ka nokəŋka, kəzetgən mə Amalekɗe kakãh səmmba dələv pakə. Kədazgət wən nan ɓa!

Filipi 2:10

Vi də iya na Yesu, ɗəf pak dukdukgən takpran abani na disiŋ, naka dəlva də nammba dələvafuŋ pakə.

1Samiyel 15:3

Kakaŋ na, dok əbey mə Amalekɗe, azet kakãhə də zəga net pakə, kədappa ɓa, zeli, gili, kirni, məzuwaɗaŋgə, wasliɗe, timeŋgiɗi gəm zlogomeɗ dit korɗe.»