Daniyel 9:24 - Bible en Guidar

²⁴ Mətaw siti lumu taka təl kaklaw buhul sit ɗiy noko də walaŋgəla-metiŋ nok salala, vi kawtak əggbak ma gəm kawziwgin mambraya, kavvuyon heslepe, təstəs dəsangən hã faɗə, vi ula də kəleŋ dəsoŋgən gesiŋ gəm kawpesl məwele an salala day.

Daniyel 9:24 ပူးပေါင်းရင်းမြစ်များ

2Alabaraɗe Də Mabərkiziti 29:24

Məsdəlveŋge atawən wəleti, aggbo'nin mbel net aka matuya ka əzaɓ-Maŋgəlva navvuyon mambray vi kavvuyon mambray səka Israyel pakə, vi ammba Israyel van baymani yi məlĩ aɗi wən naɗɗa əvəl nawzla kurmbuɗuk gəm əzaɓ-Maŋgəlva ammba mambraya.

Gəlyaɗe 2:6

«Naw nəɗiyək məlĩ naw aka Siyon mossorgo metiŋ salala nawa.»

Gəlyaɗe 45:7

Maŋgəlva, mazaŋga na məlĩ nok faɗi, zleŋ na məlĩ nok zleŋ təstəsi yi, na sete yi.

Isaya 42:4

Nan awzimbi ɓa, ayə na londor ɓa, hã gap ndən ziwgin təstəs aka dəlvafuŋgu, ɗiy-naguw diyɗa tahəŋ əganən əyak nani.

Isaya 51:6

Məslan horokum a disiŋ, gəm məwəl afuŋgu: Vi disiŋ wahhi va enene; gəm dələv waray va lukutu, ɗiy nakan wamtaŋ va birteŋge. Ya əkõh naw wasan faɗə, təstəs naw avvir na ɓa.

Isaya 51:8

Vi tava wazim va lukut, musuksləma wazim va zenze. Ya təstəs naw wasan hã faɗə wəkõh naw va sayit ɗiy amə' pakə.

Isaya 56:1

Vaŋki Yawe anahə: Mərma an dəslə, məgəɗ an təstəsə, vi wəkõh naw go'oy əzzani. Təstəs naw warbə.

Isaya 61:1

Əmpəs na Daya Yawe tay akawa, vi Yawe awelwək nawka alabara nenek sit məssehẽŋɗe, aslənwək əgip mekret ɗiy məs mekkret aɓohu; vi kawtəl ma sit ɗiy en məsimgit aka wən nappeti gəm sit məfərsəneɗi, aka wən nawpilti vi kawkol sit heret deŋgerɗe, vi kawkõhgit məzuzəmaŋ sahã;

Əɓuhma 4:22

Waŋ na Siyon, heslepe nok agraka, kazbani əkuk aka balam əmpa ɓa. Ya nok na waŋ Edom, atawək wən aka mambray noko. Wappasan ɗarɗar noko.

Ezekiyel 28:12

«Wətən ɗəfa, aɓap gəlya na əɓuhma aka məlĩ na Tir. Kənah səngən na: Vaŋ Daya Yawe anahə: Istə nawla azok gərakə, məsmaɗɗula diyɗa gəm lelew an gərakə.

Ezekiyel 4:5

Naw wanəpsuk əvoŋɗe gba nawsla də əzvaɗe na heslepe neti, tay səkat hoku də kaklaw vaytakə; wakəslan heslepe net ɗiy na Israyel.

Ezekiyel 4:6

An kəgrakək aska; kəvoŋgən dəka vok dəzəŋ əmpa, wakəslan heslepe net ɗiy na Yuda: əvoŋ kaklaw poɗo, əvoŋ taka gba əzva nəɗi suko.

Məsdəlveŋge 25:8

Kəŋgəɗgən pay naffet na lumu taka təl buhul na wəzva buhul, va ənah na əzva buhul təl buhul; ənziya na wəzva buhul təl buhuləs tay ərban wəzva kaklaw poɗo kiyən vaytakə.

Məsdəlveŋge 8:15

Moyis atawək wəlani, atef mbel; aɗi də van azet mohõ matuya vi kawpeslini; azlif mbel dəppaŋ nek aza gabba matuya apesl ka nawzaɓ-Maŋgəlva navvuyon mambray akani;

Zakarya 4:14

Yaŋ amna: «Ndəɗaŋgə ɗiy sula məpeslit də mẽl məs ziwziw aba Daya na dələv gboŋgu.»

Əŋɗa 14:34

Va kəvoŋgoŋ kaklaw poɗo aka əsəŋgləkan mammba dələv naka, wəsɓəta taka ammba wəzva taka kədaɗɗaŋ aka əslan tatwãh na heslepe nokumə, kəsənəngən an məzəɗɗa pay məzgawa.”

Matiye 1:21

watəwə wiyna, wakəlvan na Yesu. Vi wakõhgit ɗiy nan səka mbərayən neti.

Matiye 11:13

Vi məskəleŋ baymet gəm mahenziŋ aɗɗaŋgək kəleŋ hã gap aza Yohanna.

Matiye 4:5

Yaŋ Satan agəma, aka a walaŋgəla-metiŋ salala, aɗiy aka gəla na Maŋgəlva.

Markus 1:24

Tay ənah na: Mi aka walaŋgəm də is di Yesu mə Nazaret? Kəde na vi kawzam sa? Nəsənək nawa kənandi: Salala na Maŋgəlva.

Luka 1:35

Maslay azlani, aɓsət na: Zeŋgile Salala wade akoko, əɓap na Məsəɗəɗə wade əsərətuk də zeŋgile nani. Vi vaski wiyən məs kədawa wasan Salala, kawyani na Wətən Maŋgəlva.

Luka 21:22

Vi wasan pay namndan harat huloŋku kaknahan an məverin.

Yohanna 1:41

Ndən mbat ərəh Simoŋ məlmən anan daabəŋ aɓsən na: Mərəhək Mesiya va ənəh na Kristu.

Yohanna 3:34

Vi ɗəf an Maŋgəlva aslənə, əpel na Maŋgəlva adawpele vi apsənək Əmpəs nan meza meŋge ɓa.

Wəza net Masləŋɗe 3:14

Nokum kəzganənək ɗəf an salala məs təstəsə, yaŋ kəssohoŋ mbəlembəle sən ɗəf məbay gəbaya.

Wəza net Masləŋɗe 3:22

Moyis anahək na: Daya Maŋgəlva nokum waslən sukum, məskəleŋ va in sə weleŋgit milmiŋgiɗkum. Kəprəməngən mani aka an məs adawnah sukum pakə.

Wəza net Masləŋɗe 4:26

Milyẽŋge naka dələv wasilyoŋgu, ɗiy gugriɗ tahəŋ əsapən met aka Daya gəm aka mesiya nani.

Roma 5:10

Vi aka məsam məzuzelɗe na Maŋgəlva, məsleremi dəndən də əmta na Wətəni, sasak məsam məslerməŋ na, waməkõh addəv zeŋgileni.

1Korintus 1:30

Dendəni, nokum, kəssoŋ addəv Yesu Kristu, məs dəkkpaŋ maɗɗula dəde səza Maŋgəlva vimə, gəm əmpa təstəsə, salala gəm əbite.

Filipi 3:9

Vi nədawsaw aban də təstəs na kiyu məs dəde səza mahenziŋ ɓa, abbər an dəde səza ətaf Kristu, təstəs dəde səza Maŋgəlva dəziw aka ətafa.

Kolosi 1:20

Dəndən aŋgəl əsleren zəga pak də zək nani, səza aziwgin zazay dit mbel na məzliwrihe nani, dəssoŋ zəgeɗ naka dəlvafuŋ, dəssoŋ zəgeɗ na disiŋ zlaŋ.

Kolosi 2:14

Aŋgarək ɗerewel na dəmən məzuzəm kiyəm naka, yaŋ azan də əkkpa'ən aka məzliwrihe.

Ibriɗe 10:14

Vi də əzaɓ-Maŋgəlva təl taka kaka'i abbur ɗiy pakə, akkpaŋget təstəs hã faɗə.

Ibriɗe 2:17

Ndəni, aslək dəgilgən va milmiŋgiɗin addəv zəga pakə, vi dəsangən də ulasahã, daya net məsdəlveŋge də gegesiŋ addəv wəza nan aba Maŋgəlva pakə, vi kavvuyon mambray net ɗiyi.

Ibriɗe 7:26

Zev Daya net məsdəlveŋge aski dəslə səmə; salala, məza heslepe ɓa, məza haramba ɓa, awɗakək dit məs mambrayɗe, məslani a disiŋ ki disiŋ.

Ibriɗe 9:26

Vasna, kəta wazəmsãhã təl ɓaɓayə təŋ səza ətəŋ na dəlva. Vi təl taka kaka' arbə də əkgrak na paya vi kavvuyon mambray də əzaɓ-Maŋgəlva məs adə də zək nani.

2Piyer 1:1

Simeyoŋ Piyer balam gəm maslən na Yesu Kristu, sit ɗiy məs də ətaf məstaka də mənam addəv təstəs na Maŋgəlva namə gəm na Məzukõhgəm Yesu Kristu.

1Yohanna 3:8

Məgəɗ mambray pak səza Diyabəl ade, vi far də ətəŋ nani Diyabəl tay əɗɗa mambraya. Sən aski Wətən Maŋgəlva ade vi dəɓzliwgin wəzeɗe na Diyabəl.

Hənhən 14:6

Yaŋ nula maslay maɓɓan dawveŋ a disiŋ faraɗa, tay də alabara nenek an faɗ na Maŋgəlva avani vi kawtəl ma akan sit ɗiy naka dəlvafuŋ pakə: sit ɗiy-ɗar pakə, sən mahəlfa pakə, sən ma awandi pakə gəm sit ɗiy pakə.

Hənhən 3:7

Aver sən maslay na gəla na Maŋgəlva na Filadelfiya: Aŋki Ɗəf an Salala, an Gərrakə adawpele, ndən məs dərma lekile na Davit avani, an akoluko, ɗəf tay naɓap əmsan ɓa, an amsanəka ɗəf tay naɓap əkolən ɓa: