Daniyel 6:26 - Bible en Guidar

²⁶ Ndəni məlĩ Dariyus aver sit ɗiy pakə, dəlveŋge temtem gəm ma awandi naka dələv pak na: Zazay dəsan akokum!

Daniyel 6:26 ပူးပေါင်းရင်းမြစ်များ

Ezra 1:3

Sərokuməŋ na, naway naret ɗiy nan di? Maŋgəlva nan dəsan dəndəni, aslək dəlgən a Yerusalem na Yuda, ərka Gəla na Yawe, Maŋgəlva na Israyel, ndəni Maŋgəlva məs dəsan a Yerusalem!

Ezra 7:21

In məlĩ Artazerses, in tat əɗiwən nan sit məzaɓaŋ arya na dəggar ki Efrat pak, kəɗɗanəngən təstəs va məsdələv na Maŋgəlva Ezra məzuver na mahenziŋ na Maŋgəlva na disiŋ adassohokum.

Gəlyaɗe 119:120

Sluw zu tay əkker sən geslne noko, makraw tay əzlah sən ətawwən nok temtemi.

Gəlyaɗe 146:10

Yawe wazəm məlĩ hã faɗə. Maŋgəlva noki is Siyon aza va sayit ɗiy amə' pakə! Məɗi ki Yawe!

Gəlyaɗe 2:11

Məgəɗ sən wəza sən Yawe də geslne, mənneken zukum də wikkere;

Gəlyaɗe 29:10

Yawe azəmək məlĩ aka pay na buwən məvekeveke, Yawe asanək məlĩ ka na sete.

Gəlyaɗe 42:2

Va mune adaɗɗa haɓakhaɓak ammbet iŋkile na lolohõ, vaski mayuk adawduwa Maŋgəlva nawa.

Isaya 66:2

Yawe aɗiymani: Zəgeɗ kədawlaŋgəs pak vaw diɗɗe Intə nəɗɗe An haraw asan aket yeŋki: məssahãy, ɗəf naddəv tatwãha, gəm məzəprəm əpel nawa də əkkersənə.

Isaya 9:7

Daya azkanək əpel nan aka Yakob, yaŋ abət aka Israyel.

Yeremiya 10:10

Ya Yawe yi Maŋgəlva gegesiŋ, ndəni Maŋgəlva madarani, məlĩ an faɗə. An adək gədəva, dələv tay əkkere; ɗiy naket dəlveŋge awɓəsən ədagədəv nan ɓa.

Daniyel 2:44

Aka pay net milyeŋgeska, Maŋgəlva na disiŋ waɗi məlĩ mbərən məs azbərna ɓa, ɗiy mbirit agəmən na məlĩ sə van ɓa. Nani watekeɗ gəm wazet milyeŋges pakə, nan wasan faɗə,

Daniyel 3:29

Ya kakaŋ na nəɗiyək wən nani, vanday awandi pakə, dələv awandi awaniɓa məpel ma maɓɓani, an apelik mbərayən aka Maŋgəlva net may Sadrak, Mesak gəm Abed-Nego, kawbəlani, ya gəla nan tamə kaɓzluni, vi maŋgəlva tay mbərən nawkõhgən ɓa.

Daniyel 4:3

Nəɗiyək wən nan kawki məsmaɗɗulet naka dələv na Babilon pak abawa, vi dəboton suwəngən gabba əssine nawa.

Daniyel 4:34

Kakaŋ in, Nabukodonozor, nəɗiyək kini, nəkaɓgənəka, nəgagdakanək Məlĩ na disiŋ, vi wəza nan pak gesiŋgin, tive nan təstəsi, tay əɓe'git məɓaygənən kiziti.»

Daniyel 6:20

Məlĩ asilik pumu, al də kakara ama vov net Ɓooliɗi.

Daniyel 7:14

Məpsəni daya, gagdaka gəm məlyã: ɗiy pakə, dəlveŋge temtem gəm ma temtem pak aɗiyənək kini. Gagdak nan gagdak an faɗi, aggrak na ɓa, məlĩ tamə azəna ɓa.

Daniyel 7:27

Gagdak gəm mẽmẽtiŋ net milyeŋge naka dələv pak kapsiti sit ɗiy salala na Məsəɗəɗə. Gagdak na məlĩ nan gagdak nawsan faɗi yi; ɗiy gugriɗ naka dələv pak wagagdakanəni gəm waɓe'eŋ sənəni.

Malakiya 3:6

Vi in Yawe, nəddəɗ ɓa. Ya nokum, mənokum kirtin Yakob məgrakumi ɓa.

Matiye 6:13

Akõhgəm səddəv əraka. Ya agilgəm səddəv mbərayən. Vi məlĩ noki də gbogboŋgo də gagdaka, hã faɗə. Amen.

Luka 1:33

Wazəm məlĩ aka gəla na Yakob hã faɗə, əzəm məlĩ nan agrak na ɓa.

Luka 12:5

Wanərban sukum an kədawgeslne'eŋ sənəni: Məgeslne' sən an məs dərɓaga əbay gəɓa zə ɗəf na tay də gagdaka nazgan addəv offo məs amta ɓa. Vaski, in tat ənah sukum ndənəski kədawgeslne sənəni.

Wəza net Masləŋɗe 17:25

Wəray na va ɗəf tay aza wəza nan va kəɓəs na man tay aka zəga ɓa, vi ndəni dədapsən zeŋgile də əmpəs sən ɗəf pak gəm zəgeɗ pakə.

Roma 9:26

A təki məs adawnah sitin na: «Ɗiy naw kənanaŋ ɓa!» Adaki adawyenin na: Kirtin Maŋgəlva madarani.

Əmsak aka Mahenziŋ 5:26

Agəɗək ɗah aza ɗəf dəprəmgən wəla Maŋgəlva madaran əpel addəv offo ndən ɗew madaran sa?

1Tesaloniki 1:9

Vi ndəɗaŋ sən kiti apelinik wən nam va kətafməni, va kəkkpaŋgaŋ aza Maŋgəlva də əppet zəgeɗkamaŋgəlva, vi kawgəɗ sən wəza sən Maŋgəlva madaran gəm an gegesiŋ,

Ibriɗe 12:29

Vi Maŋgəlva nam offo məhhət zəga yi.

Yakob 1:17

Zəga moggon dədawrəhəm pakə gəm əvəl moggon pak sə disiŋ ade, səza Maŋgəlva, məs dəzəmiɗ əkasakɗe. Maŋgəlva nan addəɗ ɓa, akkpaŋ ɓa, guzli tay azan ɓa.

Hənhən 11:15

Maslay mabuhulet affon gozloro nani: Yaŋ wəlet ɗiy diyɗa ade sə disiŋ dawnəh na: Əzəm məlĩ naka dəlvafuŋ na Daya nami gəm na Kristu nani kakaŋka; wazəm məlĩ hã faɗə.

Hənhən 4:10

Ɗiy məsɓet kaklaw sula kiyit poɗo nek əppu'oŋ aba ɗəf məs dəsan aka mazaŋga na məlĩ naka, tahəŋ əgagdakanən ɗəf məs dəsan madaran hã faɗ naka. Tahəŋ əzganən mətərkiya net aba mazaŋga na məlĩ nak də ənah na:

Hənhən 5:14

Zəgeɗ memeyẽɗ poɗo nek əzlanən na: Amin. Ɗiy məsɓet əppu'oŋ afuŋ, əgagdakani.

1Samiyel 17:26

Davit assohẽt məzəlpaŋ en nazan go'o dawnəh na: «Miy nawgəɗ sən ɗəf an dədawbay mə Filistiŋ gəm dədawtor wil səra Israyeləŋ di? Naway kpak mə Filisti gayaŋ hara karma mama azet məzəlpaŋ na Maŋgəlva madaran di?»

1Samiyel 17:36

Də tive vaski nəbey ɓooliɗ də zəga darawən adawyaŋ Ursə. Ya vaski nədawgəɗ sən mə Filisti, ganyãska, adan aret məzəlpaŋ na Maŋgəlva madaranəŋka.