Daniyel 5:28 - Bible en Guidar

²⁸ Peres, Uɗaka: Məlĩ nok awɗakka, yas məpsit sit mə Medə gəm mə Persiyeɗe.

Daniyel 5:28 ပူးပေါင်းရင်းမြစ်များ

2Alabaraɗe Də Mabərkiziti 36:23

«Əpel na Sirus, məlĩ na Persiya yaŋka: Milyeŋge naka dəlvafuŋ pak, Yawe Maŋgəlva na disiŋ apsiwike. Ndən dəppansu wən narkəsən gəla a Yerusalem a Yuda. Nawãy a walaŋkum məs dəsan naret ɗiy na Yawe gərak di? Maŋgəlva nan dəsan dəndəni, dəpeŋ adaka.»

Isaya 13:17

Wanəsilgit mə Mediɗ aketi, məs asimin təbəz babar ɓa annekeŋ də meleŋge ɓeŋki, Yawe anahə.

Isaya 21:2

Maŋgəlva dərbet su zəgeɗ məgeslnegənən ɗəfa: Məzəm ki ɗəf tay əzəmən, məzan zəga tay əzani! Elam apeŋgi! Medə asərŋgəsla! Wanəɓətgən ənɗəs pakə.

Isaya 47:11

Tatwãh wade akoko, kəsən na pay nan ɓa; əza wade akoko kəkõh na səman ɓa gurzik na, əza wade akok məza is əsənən akok ɓa.

Yeremiya 25:13

An nəpel aka wən na dəlvəŋ pak wanəknahani, an məverin addəv ɗereweləŋ pak an Yeremiya apel na kəleŋ aka wən net ɗiy pakə.

Yeremiya 51:28

Məhheɗeɗ ɗiy-ɗar dəlpaŋgən dit mə Babilonɗe, milyeŋge na Mediya, deyeɗe na bərzləŋna-kivadəlva dit deyeɗe na kivadələv nan pakə gəm dələv na əzəm məlĩ nan pakə.

Daniyel 2:32

Ki zəgakamaŋgəlva məzaɓən vani, na meleŋge saksaki yi, makran gəm van na təbəz babara, gədəvən də metetileni na təbəz pepreŋge;

Daniyel 2:39

Sədəbər kiyuk na, məlĩ maɓɓan məza tay də gagdak va nok ɓa wasani; sədabər kiyən tamə məlĩ maɓɓan mohoko'ən wasani, nan na təbəz pepreŋgi, wasan məlĩ aka dəlvafuŋ pakə.

Daniyel 6:28

Ndəni məbit ɗəfa gəm məkõhgən ɗəfa; Ndəni məgəɗ seserge gəm sekeneɗ a disiŋ də aka dəlvafuŋ, Adan akõhgənək Daniyel sə met Ɓooliɗi.

Daniyel 6:8

Deyeɗe naka dələv nok pakə, deyeɗe na bərzləŋna-kivadəlva, ɗiy na sləma, məzusəɓaŋgə dit deyeɗe na kivadəlva, aslerinək met vi kawnah sən məlĩ dəziwgəngən wən an naɗɗa: Addəv wəvoŋ kaklaw hoku, ɗəf an dəkkaman maŋgəlva nani may ɗəf mbərəni, an anoki kaka ɓa na məlyã, nazgani addəv vov net Ɓooliɗi.

Daniyel 8:20

Ndargayã kəwəl də moho akan sulaŋka, məlĩ na Medə gəm na Persiya əŋgə.

Daniyel 9:1

Aka əzva maddaabəŋ na Dariyus wətən Ahasuwerus mə Medə, asan aka əzəm məlĩ aka dələv na Kaldiya,

Wəza net Masləŋɗe 2:9

Mənam mə Partəɗe, mə Mediɗi, mə Elamɗe, gəm ɗiy na Mesopotami na Yude na Kappados, na Pon gəm na Asiya,