Daniyel 3:29 - Bible en Guidar

²⁹ Ya kakaŋ na nəɗiyək wən nani, vanday awandi pakə, dələv awandi awaniɓa məpel ma maɓɓani, an apelik mbərayən aka Maŋgəlva net may Sadrak, Mesak gəm Abed-Nego, kawbəlani, ya gəla nan tamə kaɓzluni, vi maŋgəlva tay mbərən nawkõhgən ɓa.

Daniyel 3:29 ပူးပေါင်းရင်းမြစ်များ

2Milyeŋge 10:27

Yaŋ akrapnən serek na Ba'al naka, aɓzlunən gəla na Ba'al zəknani, arkaŋ manzləra, tay adak hã pay dəpaŋka.

Ezra 6:11

Wən naw an nəɗi aka ɗəf məs dəggar ki an nəpeləŋ yaŋka: kaptuwi dədəka na gəla nani, kakkpa'ən akan kawziwgəni; mbəksa asna, kakkpaŋgani gəla nan ka dagərgiya ɗigiti.

Gəlyaɗe 3:8

Asili Yawe akõhguwa, Maŋgəlva nawa! Vi kərgegin məzuzelɗe naw a tapasleyti, kəkkpãygən sleyit məsdarawɗe.

Gəlyaɗe 76:10

pay Maŋgəlva asil nawtawwəna, kawkõhgit məsər met naka dəlvafuŋ pakə. Əziwe

Daniyel 1:19

Məlĩ azgək meŋ dənɗaŋ pakə, ya səret pak na dərah ɗəf va Daniyel, Hananiya, Mikayel, gəm Azariya ɓa. Ndəni assoŋ aka wəza aba məlyã.

Daniyel 1:7

Daya net mətawaŋkoyom apsitik iya: sən Daniyel na Beltasar, Hananiya na Sadrak, na Mikayel na Mesak gəm sən Azariya tamə Abed-nego.

Daniyel 2:17

Daniyel ambatək eŋgil ananda, aboton wən nan sit may Hananiya, Mikayel gəm Azariya beyneŋgiɗin,

Daniyel 2:47

Məlĩ azlan sən Daniyel də wənah na: «Gesiŋ, Maŋgəlva nokumi Maŋgəlva net meŋgilveɗi, daya aket milyeŋge gəm məzərban an dəsan məɗamən adan kəɓap əboton su wən məɗamnəŋka.»

Daniyel 2:49

Daniyel attokonək məlyã, ka dəɗigin may Sadrak, Mesak gəm Abed-Nego dəssoŋgən məzədawgənən an dəsan aka va na Babilon. Daniyel tamə asanək a meŋgle ana məlĩ da.

Daniyel 2:5

Məlĩ azlan anah sit mə Kaldiyeɗ na: «Aŋki məs nəziwgən a makrawa: an kərban suwən əssine naw də əboton su məs aŋgəl kawnah ɓa na, kawbəlokumi, gəleɗe nokum wakkpaŋgaŋ va dagərgiya.

Daniyel 3:12

Mə Yudeɗ tahəŋ məs kəɗi dədawgənəngən an dəsan aka kivadələv na Babilon: Sadrak, Mesak gəm Abed-Nego. Ɗiyiski, məlyã, dulanən an kəpel va wən azet ɓa: aɓoŋgoŋgək də wəɗɗa wəza sit meŋgilvet noko ya dəgagdakanən zəgakamaŋgəlva na meleŋge məs kəziwgin nak ɓa.»

Daniyel 3:15

Ya kakaŋ na məsla zukum, an kəprəmənək ɓaɓəlma Mohõ, Pozloro, Gaŋgara, Gəzləŋtədəŋ, Gozloro, Gazaŋvəla gəm na zev zəga nasmay pak na, kəɓe'eŋgən əppu' aba zəgakamaŋgəlva məs nəzaɓ kawgagdakani. An kəppu'oŋ ɓa na, kazgokumi kakaŋ kakaŋ addəv movoro offo zilim zilimi. Zev maŋgəlva awani nawkogukum səvaw di?»

Daniyel 3:17

An Maŋgəlva nam mədawgagdakanəŋ tay na, waɓap wəkõhgəm səddəv movoro offo gəm səmmba voko, məlyã!

Daniyel 3:28

Məlĩ Nabukodonozor anahək na: Gagdak aza Maŋgəlva na Sadrak, Mesak gəm na Abed-Nego, aslənək maslay nan wəkõhgit məɗɗaŋ wəza nani vi aɗiyənək wəɗɗum net akani. Dəɓe'eŋ sənən əpel na məlĩ ɓa, atafənək əvəl kiziti, appu'oŋ na aba maŋgəlva maɓɓan an neti ɓa ɓa.

Daniyel 6:28

Ndəni məbit ɗəfa gəm məkõhgən ɗəfa; Ndəni məgəɗ seserge gəm sekeneɗ a disiŋ də aka dəlvafuŋ, Adan akõhgənək Daniyel sə met Ɓooliɗi.

Əmsak aka Mahenziŋ 32:31

Vi milɓe net məzuzelɗe nam, va Milɓe nam iyi ɓa, ndəɗaŋ sən kiyit watawnən wən nani.