Daniyel 3:28 - Bible en Guidar

²⁸ Məlĩ Nabukodonozor anahək na: Gagdak aza Maŋgəlva na Sadrak, Mesak gəm na Abed-Nego, aslənək maslay nan wəkõhgit məɗɗaŋ wəza nani vi aɗiyənək wəɗɗum net akani. Dəɓe'eŋ sənən əpel na məlĩ ɓa, atafənək əvəl kiziti, appu'oŋ na aba maŋgəlva maɓɓan an neti ɓa ɓa.

Daniyel 3:28 ပူးပေါင်းရင်းမြစ်များ

Va'Atəŋ 9:26

Yaŋ anah siske na: «Soko sən Yawe, Maŋgəlva na Sem, Kana'an dəsan balam na Sem!

1Alabaraɗe Də Mabərkiziti 5:20

Arahaŋgək wəbbaha, mə Hagriɗe abətaŋgək ammba veti, dit en dənɗaŋ pakə, vi pay əgayəs na, akkamanənək Maŋgəlva, aprəm sitike, vi aɗiyənən əɗɗum net akani.

2Alabaraɗe Də Mabərkiziti 20:20

Ɗiy asilyoŋguk pum addoŋ a kapta-muyã na Tekowa. Dawtoŋ na, Yosafat le'i, amna: «Əŋga məprəmuɗa, mənokum ɗiy na Yuda dit na Yerusalem! Məppan mokrokum sən Yawe, Maŋgəlva nokum, asna, zəga tay naska wəlokum ɓa! Məppan mokrokum sit məskəleŋɗe nani, asna, wadaw ambokum!»

2Alabaraɗe Də Mabərkiziti 32:21

Yawe aslən maslay abey məzəlpaŋ en guromɗe gəm deyeɗe dit ɗiy gugriɗ na dibirgidik na məlĩ na Asiri baymeti. Amndan aka dələv nan wil aran pa'ə. Adan atoŋ addəv gəla na maŋgəlva nani, kirtin na uwa nan tusso dəbaynən də masalam.

Ezra 1:3

Sərokuməŋ na, naway naret ɗiy nan di? Maŋgəlva nan dəsan dəndəni, aslək dəlgən a Yerusalem na Yuda, ərka Gəla na Yawe, Maŋgəlva na Israyel, ndəni Maŋgəlva məs dəsan a Yerusalem!

Ezra 6:11

Wən naw an nəɗi aka ɗəf məs dəggar ki an nəpeləŋ yaŋka: kaptuwi dədəka na gəla nani, kakkpa'ən akan kawziwgəni; mbəksa asna, kakkpaŋgani gəla nan ka dagərgiya ɗigiti.

Gəlyaɗe 103:20

Məsokon Yawe, mənokum maslayɗe nani, gbogboŋɗe muwelit naka wəza nawpel nani, məzəprəmən əpel nani.

Gəlyaɗe 147:11

Ya Yawe tay ulasahã aket məgeslne'eŋ sənəni, aket məzuganən moggon nani.

Gəlyaɗe 33:18

Hara Yawe yaŋ aket məgeslne'eŋ sənəni, aket məzuganən moggon nani,

Gəlyaɗe 33:21

Vi ənnek na makram səzani, aka iya nan salala yi məzi haramə.

Gəlyaɗe 34:22

Mambray wabay məsdaraw zamə, məzelenən ɗəf təstəs wassoŋ də wən aketi.

Gəlyaɗe 62:8

Aza Maŋgəlva yi əkõh də gagdak nawa. Milɓe naw an gboŋgboŋgu, təki nawɗam naw aza Maŋgəlva yi.

Əgilye 20:5

Kədappu' abet ɓa, kədawgəɗ sit wəza ɓa, vi intə Yawe Maŋgəlva noko, Maŋgəlva məskotorok məzəŋɗan mambray net efiŋgiɗit kirin en dəzelnən aket kirtit gap sayit hoku də poɗo

Isaya 12:2

Aŋki Maŋgəlva nawkõh nawa; ammbani nəbay vawa, zəga tay nawgeslnegu ɓa. Vi Yawe, Yawe yi gbogboŋ gəm gagdak nawa; ndəni məkõhguwa.

Isaya 37:36

Maslay na Yawe argak dibirgiɗik na Asiri, abeyik ɗiy gabal səkat də kaklaw dodopoɗo kiyit sle'i. Səza addaŋgə, ɗiy asilyoŋ na, təki pak kigəbayit ɗiy mimtiti.

Isaya 50:10

Naway suwalaŋkum məzugeslne sən Yawe di? Dəprəm ma gawla nani. Naway məs dədaw ara guzliyo, məza ndən gas təki we'we' ɓa di? Dəppan kiyən addəv iya Yawe dəges aza Maŋgəlva nani!

Daniyel 2:47

Məlĩ azlan sən Daniyel də wənah na: «Gesiŋ, Maŋgəlva nokumi Maŋgəlva net meŋgilveɗi, daya aket milyeŋge gəm məzərban an dəsan məɗamən adan kəɓap əboton su wən məɗamnəŋka.»

Daniyel 3:25

Yaŋ azlani, amna: In tat ula ɗiy poɗo əbbalaŋ addəv offo də meti, məza vaŋvi tay azet ɓa, ya mopoɗo'it tay va maslay.

Daniyel 4:34

Kakaŋ in, Nabukodonozor, nəɗiyək kini, nəkaɓgənəka, nəgagdakanək Məlĩ na disiŋ, vi wəza nan pak gesiŋgin, tive nan təstəsi, tay əɓe'git məɓaygənən kiziti.»

Daniyel 6:16

Ndəni ɗiy nek addoŋ də kakara aza məlyã anahaŋ sənən na: «Məlyã, kəsənən an dəsan addəv mahenziŋ net mə Medə gəm mə Persiɗi, an mətakən məlĩ aɗi wən nan pak na, addəɗ ɓa.»

Daniyel 6:26

Ndəni məlĩ Dariyus aver sit ɗiy pakə, dəlveŋge temtem gəm ma awandi naka dələv pak na: Zazay dəsan akokum!

Matiye 4:10

Yaŋ Yesu aɓsən na: Azar səzawa Satan. Məverni gesiŋ na: Daya Maŋgəlva noki yi kədawgeslne' səni, anan kədawgəɗ sən wəza.

Wəza net Masləŋɗe 4:19

Yaŋ Piyer də Yohanna azlanəni aɓsitin na: Moggoni aba Maŋgəlva məprəmgən mokum day ki Maŋgəlva sa? Mətaw wən nani.

Wəza net Masləŋɗe 5:19

Yaŋ də dəfəɗ na, maslay na Daya akol maddambeɗe na fərsəna, agilgiti, aɓsit na:

Roma 12:1

In tat əɓɓəlokum kana milmiŋgiɗwa, də ulasahã na Maŋgəlva kərahaŋgəŋ na, məpsən zukum ka əzaɓ-Maŋgəlva madarani, salala, məs dəslə sən Maŋgəlva. Aski əpəl nokum dəslə na əpalən.

1Korintus 13:3

An nuɗakək arya naw pakə, an nəppanək zu əzla vi kawrəh gagdaka, ya an in tat də əŋgla ɓa, də as pak, tay an adatəru ɓa.

Filipi 1:20

Vi va aza əŋgla naw gəm əga nawa, zəga tay nədarba wil akan ɓa, gesiŋ va pay pak gəm kakaŋka, kawɗiyni ki Kristu addəv gəɓa zuwa, addəv zeŋgilewa awaniɓa addəv əmta nawa.

Ibriɗe 1:14

Namna baymet pak əmpəsɗe en məzəɗɗaŋ wəza, məslinit aka wəza ammba moggon net ɗiy en nawrəhaŋ hara əkõh netiŋ ɓa sa?

Ibriɗe 11:37

məsketi dit gərmeŋge, mərsleti; amtaŋgək ama masalam; assoŋguk slorsloru, aguloŋguk lukut na gəba net timiŋgiɗi awaniɓa na deɓeke net gəlewi; məmohẽti, məsərni meti, məzəmgiti sãhã,

1Piyer 1:21

Dəzani kətafən Maŋgəlva məs dəsilgən səret ɗiy mimtiti, apsənək gagdaka, vi ətaf nokum də əga nokum dəsangən aka Maŋgəlva.

Hənhən 12:11

Ya milmiŋgiɗəm veti, askanənək wəlan dit mbel nat Ndagayãkə gəm də əpel məs apeleŋ akani. Dəŋgluwən ənziya egge net hã gala ndəɗaŋ nawgeslne' sən əmta ɓa.