Daniyel 3:12 - Bible en Guidar

¹² Mə Yudeɗ tahəŋ məs kəɗi dədawgənəngən an dəsan aka kivadələv na Babilon: Sadrak, Mesak gəm Abed-Nego. Ɗiyiski, məlyã, dulanən an kəpel va wən azet ɓa: aɓoŋgoŋgək də wəɗɗa wəza sit meŋgilvet noko ya dəgagdakanən zəgakamaŋgəlva na meleŋge məs kəziwgin nak ɓa.»

Daniyel 3:12 ပူးပေါင်းရင်းမြစ်များ

Ester 3:8

Haman aɓsən məlĩ Ahasuwerus na: «ɗiy tahəŋ net temmeŋ səzet ɗiyi, dətrayaŋ aret ɗiy aka kivadələv nokuŋ pakə. Mahenziŋ net temme səzan net ɗiy pakə. Azbanən mahenziŋ na Məlĩ ɓa. Dədah aza məlĩ dəppetigin effet ɓa!

Wənməkkpaŋga 27:4

Ədagədəv awbaya, herɗe tahəŋ va məlpa dəsulup mabuzgum; nawãy nawziw aba kotorok nan di?

Məsmaɗula 4:4

Naw nulak əzəmsahã na ɗəfa, ədaw na wəza moggon nan pak kotoroki a walaŋgən də meggeni. As pak zəga ɗari, əzban səmyãyi.

Daniyel 1:7

Daya net mətawaŋkoyom apsitik iya: sən Daniyel na Beltasar, Hananiya na Sadrak, na Mikayel na Mesak gəm sən Azariya tamə Abed-nego.

Daniyel 2:48

Ndəni məlĩ aɗi ki Daniyel, apsənək zəgeɗ na sləma diyɗa, aɗiyək daya aka kivadələv na Babilon pakə, gəm aɗiyək daya aket deyeɗe na bərzləŋna-kivadələv aket məsmaɗɗulet na Babilon pakə.

Daniyel 2:49

Daniyel attokonək məlyã, ka dəɗigin may Sadrak, Mesak gəm Abed-Nego dəssoŋgən məzədawgənən an dəsan aka va na Babilon. Daniyel tamə asanək a meŋgle ana məlĩ da.

Daniyel 3:11

ya an ɗəf aɓoŋko, dəppu' dəgagdakan ɓa, kazgani addəv movoro offo mərman zilim zilimi.

Daniyel 3:16

Sadrak, Mesak, gəm Abed-Nego azlanənək ama məlĩ Nabukodonozor aɓɗaŋ na: «Mam tay aka əzlan suk əpel aka wənəs ɓa.

Daniyel 3:29

Ya kakaŋ na nəɗiyək wən nani, vanday awandi pakə, dələv awandi awaniɓa məpel ma maɓɓani, an apelik mbərayən aka Maŋgəlva net may Sadrak, Mesak gəm Abed-Nego, kawbəlani, ya gəla nan tamə kaɓzluni, vi maŋgəlva tay mbərən nawkõhgən ɓa.

Daniyel 3:30

Yas məlĩ aɗi Sadrak, Mesak gem Abed-Nego a təki an gagdak day ki an lahəŋka addəv kivadələv na Babilon.

Daniyel 6:13

Yaŋ ambataŋ aba məlyã, apeleŋ aka an məlĩ atakə. Aɓɗaŋ na: «Afən dəlva, kəziwginək aka dələv noko, addəv əvoŋ kaklaw hoku na, ɗəf dəkkaman maŋgəlva nan may ɗəf maɓɓan pakə, an anok is məlĩ tə kaka ɓa na, nazgani addəv vov net Ɓooliɗi.» Ndəni məlĩ azlani, amna, tay va mahenziŋ net mə Medə gəm mə Persiɗi, addəɗ na ɓa.

Daniyel 6:14

Yaŋ agəmən əpel anahaŋ aba məlĩ na, «Daniyel, taka nemmbet məsimgit sə Yuda, dəɗiyuk azan va zəga ɓa məlyã, an mətakən kəɗi vok akan dəɗi azan va zəga ɓa. Tay əkkam təl hoku addəv wəsɓəta.»

Wəza net Masləŋɗe 17:7

Yason atefik ananda. Net tay əɗɗaŋ an məs dəslə də wən an Kaysara aziwgin ɓa, tay ənahaŋ na məlĩ maɓɓan tay, ndəni Yesu.

Wəza net Masləŋɗe 5:28

Aɓsit na: Məɗi sukum wən nan dəɗi na, kədawyegetin ɗiy də iya na ɗəfəŋ ɓa ɓa sa? Yaŋ kəknəhən Yerusalem də iyak nokum, mokum aka əki mbel na ɗəfəŋ akamə!