Daniyel 2:48 - Bible en Guidar

⁴⁸ Ndəni məlĩ aɗi ki Daniyel, apsənək zəgeɗ na sləma diyɗa, aɗiyək daya aka kivadələv na Babilon pakə, gəm aɗiyək daya aket deyeɗe na bərzləŋna-kivadələv aket məsmaɗɗulet na Babilon pakə.

Daniyel 2:48 ပူးပေါင်းရင်းမြစ်များ

2Samiyel 19:32

Barzillay na Rogelim mə Galad, adek aggar ki Yurden də məlyã, appan ama Yurden.

2Milyeŋge 5:1

Na'aman daya net məzəlpaŋ na məlĩ na Aram, daya nan aŋgluwək diyɗa, ɗəf gagdaki yi, vi dəndəni Yawe apsən əska wəla sən Aram. Ɗəf nan gambara nalpay hara ya məs məskokoloy yi.

Ɗerewel na Yob 1:3

Tay dit gilew gabal buhul, zlogomeɗ gabal hoku, wasliɗe mətoket səkat sle'i, korɗe muguluŋgit səkat sle, belemɗe anɗaŋ ɓa. Ɗəf nan adayək kiyit ɗiy nammba pay nampum pakə.

Yeremiya 5:5

Dəɗah naw nəmmbat azet ɗiy gugriɗe, əpel dənɗaŋgə: vi net asənnənək tive na Yawe, asənənək ətawwən na Maŋgəlva neti. Mbaraka net pak: Aŋzluwənək zuk na ma wəleti aɓuhunək helege an diyneti.

Daniyel 2:6

Ya, an kərbansuwənək əssine də əboton va aŋgəl kawnah na, wakərahan zəga na vokum səvawa, zəgeɗ na mekeleŋ gəm gagdak diyɗa. Məboton su kan va əssine van aŋgəl kawnahã.»

Daniyel 3:1

Məlĩ Nabukodonozor azaɓək zəgakamaŋgəlva na meleŋge: wəɓay nan tay metər kaklaw hoku, slosloprok nan, metər hoku. Aziwginik zəga van a təki məpəlayya na Dura, aka kivadələv na Babilon.

Daniyel 3:12

Mə Yudeɗ tahəŋ məs kəɗi dədawgənəngən an dəsan aka kivadələv na Babilon: Sadrak, Mesak gəm Abed-Nego. Ɗiyiski, məlyã, dulanən an kəpel va wən azet ɓa: aɓoŋgoŋgək də wəɗɗa wəza sit meŋgilvet noko ya dəgagdakanən zəgakamaŋgəlva na meleŋge məs kəziwgin nak ɓa.»

Daniyel 3:30

Yas məlĩ aɗi Sadrak, Mesak gem Abed-Nego a təki an gagdak day ki an lahəŋka addəv kivadələv na Babilon.

Daniyel 4:6

Nəɓsən na: Beltasar, daya net mulaŋ heligi, nəsənək na əmpəs na Maŋgəlva salala tay akoko, nok kaprəm gabba an dəsan məɗamən pakə. Aboton su gabba əssine nawa!

Daniyel 4:9

Gaslamban tay moggoni, uwa akan zlomsok zlomsoku: əzəm na zəga pak tay akani. Zəgeɗ memeyẽɗ nawra assoŋ ammba zeŋgile nani, aka kivan biŋgeɗ azaɓənək gəla neti, ndəni məzuzəmgən zəga məzəmpəs pakə.

Daniyel 5:11

Ɗəf tay aka dələv noko məs Zeŋgile salala na Maŋgəlva akani. Aka pay na afuk na, ɗəf van arbək na tay də wəsən moggon akani, də wəsən nawkoson gabba wəna, də maɗɗula akan va net meŋgilveɗi. Yas afuk, məlĩ Nabukodonozor, aɗi daya aket məskaŋ heligi, məɗɗaŋ tetele, mə Kaldiyeɗi, gem məkosonən wən net ŋgərzleɗi.

Daniyel 5:16

Naw nəprəmək akok na, nok wakəɓap wəbotet wənɗe gəm ətawwən na asənasəna. An kəŋɗanək an məverin, kənah suwək va aŋgəl kawnahã na, wakərah lukut məhəmən moggon pepreŋge, verzleɗ na meleŋge awloko, wakəsok mohoko'o də gagdak addəv məlĩ nawa.

Daniyel 5:29

Yaŋ Belsazar anah dəskansənəngən lukut məhəmən pepreŋ sən Daniyel gəm everzle na meleŋge awlani. Anahaŋ aka wən nan na dəsangən mohoko'o də gagdak aka dəlva.

Daniyel 5:7

Məlĩ aŋgəzlək vaŋvəl dayadaya vi kawye məɗɗaŋ tetele, mə Kaldiyeɗi, gəm məkosonən wən net ŋgərzleɗi. Məlĩ anah sitik məsmaɗɗulet na Babilon na: «Ɗəf an dəɓap wəŋɗan an məverniŋka, an aboton suwək gabbani, wagul lukut məhəmən pepreŋge, warah everzleɗ na meleŋge awlani, wasan mohoko'o də gagdak addəv əzəm məlyã.»

Daniyel 8:27

Nawa, in Daniyel, nəsawək londoru, nəvoŋgək gbəgba əvoŋ ɓaɓayə. Səza nəmbələ, nəgəmək wəza naw aba məlyã. Ya nəsawək gərəŋ sən ula vani, vi gabban aprəm ɓa.

Əŋɗa 24:11

Adan vaski na, go' arma tive dok anokda! Nənahək nawgagdokok kəta; ya yaŋ na, Yawe atakkuk dawrəh gagdak vani.»

1Samiyel 17:25

Mə Israyel pak ənah na: «Kulanənək va ɗəf adawgilyenəs sa? Vi karma mama aza Israyeli yi. Ɗəf dərah əbayən na, nan məlĩ waban də arya diyɗa, wapsənət wətəni gəm gəla na afən wasan na kini.»

1Samiyel 2:8

Tay əsilgit məddekit səka burɗuku gəm məssãhã səka moŋglo ɗigiti, kawɗiyit sap dit ɗiy na məlyã, waɗi aka mazaŋga na gagdaka. Vi dədəka na dəlvafuŋ ava Yawe yi, ndən dəziwgən dələv aketi.

1Samiyel 25:2

Ɗəf tay a Ma'on, arya nan a Karmel, sləman tay birre, tay dit timeŋgiɗ gabal hoku, gəm gilew zit gabalə. Tay ətaw zeŋze net timeŋgiɗ nan a Karmel.