Daniyel 2:27 - Bible en Guidar

²⁷ Daniyel azlansənək məlyã, amna: Wən məɗamən kəttokəŋ na məlyã, məskaŋ heligi, məɗɗaŋ tetele, məɗɗaŋ sekene gəm mə Kaldiyeɗ aɓapən na kawboton suk ɓa məlyã.

Daniyel 2:27 ပူးပေါင်းရင်းမြစ်များ

Va'Atəŋ 40:8

Azlan sənən na: «Missinik dəpaŋka, ya ɗəf tay nawboton səm wissine van ɓa.» Yosef aɓsit na: «Maŋgəlva yi nawboton ɓa sa? Mənah su ɗa.»

Va'Atəŋ 41:8

Təki addaŋ na, ki Farawən azlaɓka, aslən əye məs sesergeɗe də wən neti dit məsmaɗɗulet na Eziptə pakə. Farawən aboton sit wissine nani, ɗəf tay dəɓap ənah sən Farawən ɓa.

Isaya 19:3

Maɗɗuleɗ mə Eziptiɗ wazlzlaɓə, wanəzan keket neti. Waskaŋ heligi gəm waddoŋ azet ɗiy məyaŋ zeŋgilet ɗiy mimtiti, awaniɓa məɗɗaŋ tetele.

Isaya 44:25

Nəraygənək ula net məskaŋ heligi, Nəkkpaŋganək əɗɗum net məskaŋ helig dərwa, Nəmndegetik məsmaɗɗulet dirɓe, nəkkpaŋganək əsən net dərwa.

Yeremiya 10:7

Naway məs awgəslne suk ɓa is Daya məlĩ net ɗiy-ɗarəŋ di? As adahsukko. Adan səret məsmaɗɗulet net ɗiy-ɗar naka dəlva gəm nammba dələv pak na ɗəf tay va is ɓa.

Daniyel 1:20

Ya aka zəga an nakkpumon əɗɗum də an nawɗakan zəga pak na, an məlĩ attoketik na, ndən ərəhit na adayagək kiyit məsənaŋ zəga dit məɗɗaŋ sekene naka dələv nan pak gap təl kəlaw.

Daniyel 2:2

Məlĩ aɗiyək wən nan kakkelet məskaŋ heligi, məɗɗaŋ tetele, məɗɗaŋ sekene gəm məkosonən wən net ŋgərzleɗi, ka dəboton sənəngən əssine nani. Azzoŋko yas aziwəŋ aba məlyã.

Daniyel 4:7

Aka nəsaw aka zəga nafno nawa, an nəwəl addəv əssine naw yaŋka: wəlaŋga məɓayən diyɗa məmpan addak dəlva.