Daniyel 11:27 - Bible en Guidar

²⁷ Milyeŋge sula waziwginin a mekret kaɗɗa mbərayən, wawaŋ hiyaw aza ziti də adawzəmaŋ akki taka zlaŋgə. Ya wambat abe ɓa vi pay məs məɗiyən dəgap ɓa.

Daniyel 11:27 ပူးပေါင်းရင်းမြစ်များ

2Samiyel 13:26

Absalom amna: «Asna kamə məlmu Amnon dəmbat də mənamə.» Məlĩ aɓsən na: «Vimi dəlgən də is di?»

Gəlyaɗe 12:2

Ade atərwa Yawe! Vi Məɗɗaŋ moggon agrakaŋka; vi ɗiy en təstəs ahhiyaŋgək səweleŋgit ɗiyi;

Gəlyaɗe 52:1

Səza daya net məyaŋgəlya. Əpel-məmyã'ən na Davit.

Gəlyaɗe 58:2

Gesiŋ əssa ɓatɓati ətawwən sa? Mənokum ɗiyi, vaski ətawwən də tiven sa?

Gəlyaɗe 62:9

Məɗi əɗɗum nokum akan pay pakə, munokum ɗiyi; məkol mokrokum abani; Maŋgəlva təki nawɗam nami yi. Əziwe

Gəlyaɗe 64:6

Tahəŋ əsoknən zit aza əhẽw wəna, zit zaɓ inslin bizwil də haɗamma də wənahaŋ na naway nawlet di?

Wənməkkpaŋga 12:20

Tepelkeɗiŋgə a mekret miynaŋ wən mbərayən, ya məsəɓaŋ aka wən na zazay na, ənneki yi!

Wənməkkpaŋga 19:21

Əɗɗumɗe naɗɗa zəga diyɗaŋgə a makra ɗəfa! Ya an Yawe aŋgəl dədawziwe.

Wənməkkpaŋga 26:23

Va təbəz babar məbay gawla sən zəga mərkan də dəlva, vaski əpel moggon də makra mbərayən.

Ezekiyel 17:9

«Anah na: Vaŋ Daya Yawe anahə: watər sa? Gazla maddaabəŋ aptu na suwerin ɓa sa? Ataw na uwa nan dəŋkəlgən ɓa sa? Ataw na kiyvan an dənduf temtem ka gabban dəŋkəlgən ɓa sa? Vasna əpta nan asoh na də gbogboŋ na va ɗəf ɓa, may ɗiy ŋgboŋ ɓa!

Daniyel 10:1

Addəv wəzva mohokon na Sirus məlĩ na Persiya, əpel ade sənək Daniyel məs adawyaŋ na Beltasar, əpel van gegesiŋgi, əgay tay metiŋgin. Daniyel aprəmək əpel vani, dəddəv ula aprəm gabbani.

Daniyel 11:28

Məlĩ na kəla disiŋ wamndan aka dələv nan dit zəgeɗ səddəv wəgay diyɗa. Waɗɗum mbərayən a makran aka wənmiyna salala, waknahani, wamndan aka dələv nani.

Daniyel 11:29

An pay məɗiyən agapka, wawaksən dələv na dohoŋ əmpa, ya əbayman asan na va an maddaabəŋ ɓa.

Daniyel 11:35

Kawbayə səret məsmaɗɗuleti, əmta net wasan ka zəga nappay heslepe səzeti, nabburti, nakkpaŋget salala hã gap pay na wəggraka, vi pay məɗiyən van abe yi.

Daniyel 11:40

An pay nagrak agapka, məlĩ na dohoŋ wargisl dəndəni, məlĩ na kəla disiŋ waderze akan dit mawteɗ nawgaya, məŋkoroŋ pilseŋge gəm bəlayɗe diyɗa. Watoŋ addivit dəlveŋge diyɗa, wagule, va məlpa adawgul təkiya, watoŋgu.

Daniyel 8:17

Yas ade a maŋgavawa. Səza ade, geslne arməwək diyɗa, nəskotək ngomu. Yas anah su na: «Is wət ɗəf kəŋkə, aprəma, an kəwəl na, awəl sənək pay naggrak dəlva.»

Daniyel 8:19

Yaŋ amna: «In tat yaŋ ərban suk an dədawtoŋ səɓɓa ədagədəva, vi məziwgəni pay na wəgrak dəlva.

Habakuk 2:3

Ula maɓɓan əmpa aka pay an məziwgini. Siɗikke dəpəl dəgəɗgəni, wawə wən ɓa an aliyka, aga, vi sessel wade, aliy na ɓa.

Wəza net Masləŋɗe 1:7

Yas azlan sit na, wən nokum tay aza əsən əvoŋ nan də pay nan məs Afən aɗi də gagdak nan ɓa.

Wəza net Masləŋɗe 17:31

Vi aɗiyək pay nawtawwən aka dəlvafuŋ pak də təstəs, də ɗəf məs aweli, dədah nawtaf net ɗiy pakə, asilgənək səka əmta.

1Tesaloniki 5:1

Milmiŋgiɗwa, dəwəl sən paya gəm ənziya nan na, mənokum tat də wəray nawver sukum aka wən nan ɓa.