Daniyel 11:24 - Bible en Guidar

²⁴ Aka pay ɗiy tahəŋ kiyit foŋgo, watoŋ addəv kivadələv məs də ba'arə, wagəɗ zəga an efiŋgiɗin dit efiŋgiɗit efiŋgiɗin dəɗɗaŋ ɗah ɓa: wamõhon dəlva, wawɗak zəga nawrəh səma wəgay sit ɗiy nani, wakay keket nawmbat aket walaŋgəleɗe na korgu, ali na an siɗikkeyi ɓa ɓa.

Daniyel 11:24 ပူးပေါင်းရင်းမြစ်များ

Nehemi 9:25

Aziminik walaŋgəleɗe gugriɗe mərka kiyti də dələv an moggoni; amõhinik gəleɗe məknəhit də zəga nawrəha may vovɗe net iŋkile, may megezlembirkeɗi, heremeɗi, may wəleŋɗe ɗiyɗa nawzəma; Azəmaŋka, abaŋka, akəraŋka, assoŋguk addəv ənnek diyɗa vi moggon nok ɗiyɗa naka.

Wənməkkpaŋga 17:8

Zəga nawvəl dəndən tay va mihã na kinenek ara ɗəf an dəndəni; də təki akkpaŋ pak zəga ədaw ammbani.

Wənməkkpaŋga 19:6

Diyɗa dədawgagdakanən ɗəf an tektek vi kawmbəɗani. Nawaydi pak aŋgələk əsan bayna də məzuvəla.

Wənməkkpaŋga 23:7

vi tay va an aynan a makrani. Wanah suk na: «Azəmə, asə», ya makran tay azok ɓa!

Ezekiyel 34:14

Aka marbaza moggon nədawteɗti, kevile naket mossorgoɗe gugriɗ məɓeyit naka dələv na Israyel adawzəmaŋgə. A təki na marbaza moggon adavoŋgoŋ adaka, wataɗaŋ aka kevile silip silipi, aket mossorgoɗe gugriɗ na Israyel.

Ezekiyel 38:10

An Daya Yawe anah yaŋka: Pay nan na, wəpel wade a mokroko, wakəɗɗum əɗɗum mbərayni.

Daniyel 11:23

Dəka wəsler nan dit ɗiy mbirti, wagəɗ kekete, wasan gboŋgboŋ də ɗiy ammban siɗɗike.

Daniyel 7:25

Wapel mbərayən aka Məsəɗəɗə, wazəmgit sahã net ɗiy salala na Məsəɗəɗə, waynan a makran vi kaddəɗan əŋɗa na wəzva gəm mahenziŋ, kepsini ɗiy salala na Maŋgəlva ammba van addəv wəzva hoku də mani.

Əŋɗa 13:20

Kulanəngən an dələv van də ba'ariyi awaniɓa məmtəniyi, wəleŋɗe tahəŋ sa tahəŋ ɓa. Mərɓəh geslne kəkayaŋgən uwa net wəleŋɗe naka dələv vani.» Dasək van na, mawala net dadabiyeɗ net megezlembirkeɗi yi.

Matiye 9:4

Adan Yesu awla əɗɗum neti. Amna vimi kədaɗɗumoŋ mbərayən vas a mokrokum di?

Mətawaŋwəna 9:4

Yaŋ apsənən deleɗ gərmeŋge kaklaw buhul səddəv gəla na Ba'al-Berit, dinditi Abimelek afaɗ sit ɗiy məs awtəraŋ wəray dit məs taggbelemɗe dəzbanəngəni.