Əgilye 6:8 - Bible en Guidar

⁸ Wanəkukum aka dələv məs nəgəm wən nan vi kapsən Abraham, sən Isak gəm sən Yakob. Wanəpsukum ka nokum. Intə Yawe.»

Əgilye 6:8 ပူးပေါင်းရင်းမြစ်များ

Va'Atəŋ 14:22

Abram azlan sən məlĩ na Sodom na: «In tat əslan vaw kəlaza Yawe, Maŋgəlva Məsəɗəɗə məs dəzəməɗ disiŋ də dəlvafuŋ;

Va'Atəŋ 15:18

Pay nan dəpaska, Yawe aɗiyik wənmiyna də Abram vaŋka: «Sən mazlalwõki nədapsən dəlvəŋka, təŋ sə məlpa na Eziptə hã gap Efrat, məlpa metiŋgini

Va'Atəŋ 26:3

Asok aka dələv nani, wanəsaw də isi, wanəzaɓoko. Suko, gəm sən mazlalwõk nədapsukum dəlveŋgeŋki, wanəzban əsway naw nəsway sən Abraham afukəŋka.

Va'Atəŋ 28:13

Yawe yaŋ ziwwe a disiŋ kini amna: «Intə Yawe Maŋgəlva na afuk Abraham, Maŋgəlva na Isak. Dəlvafuŋ kəvoŋ akanəŋka, wanəpsuk də mazlalwõko.

Va'Atəŋ 35:12

Dələv nəpsən Abraham gəm sən Isak, nəpsukuko; wanəpsit dələv nan sit kirtuk dərɓogoko.»

Nehemi 9:15

Hã sə disiŋ kipsit way nawbay may neti, kəgilgit sit iŋkile səddəv milɓe vi kawbey sit meme neti. Yaŋ kənah sit dəzzoŋgən əmõh dələv məs kəslan vok napsiti.

Əgilye 13:5

Ya, pay Yawe adawkuk kəlaka dələv net mə Kana'anɗe, net Hittiɗe, net Amorɗe, net Hivviɗe gəm net Yebusɗe, məs asway sit afiŋgiɗkum napsuko, dələv məs moŋvo də amama adawdawaŋ akan lokloku. Wəzaŋka, aka təlaŋki kədaɗɗani:

Əgilye 32:13

Aɗɗumon Abraham, Isak gəm Israyel belemɗe nok məs kəsway sit sən kiyko. Kənah sitik na: wanuwan mazlalwõkum va ŋgərzleɗ na disiŋ, dələv nənahəŋ pak wanəpsit kirtukum, wasan ka net faɗə.»

Əgilye 6:2

Maŋgəlva anah sən Moyis na: Intə Yawe.

Əgilye 6:4

Də as pak na nəziwginik wənmiyna naw dənɗaŋgə, vi kapsit dələv na Kana'an, dələv məs assoŋ molhõyẽɗ addəvən.

Əgilye 6:6

Vini, anah sit mə Israyelɗe na: «Intə Yawe. Wanəgilgukum səka wəza na balam na Eziptə, wanəpəlkum səka balam neti, wanəkõhgukum də vaw gbogboŋgo gəm də wətawwən gədakə,

Ezekiyel 20:15

Intə əmpa nəslan vawa, nəsway sit a kapta-muyã na: Nətoŋgit na aka dələv məs nəpsit ɓa, dələv məzimu amama də moŋvoŋ məs moggon daykiyit dəlveŋge pak naka.

Ezekiyel 20:23

In naktə əmpa nəslan vawa, nəsway sitik a kapta-muyã: vi kawtəreygit aret ɗiy-ɗar kawzləɗet aket dəlveŋge.

Ezekiyel 20:28

Nəkek aka dələv məs nəslan vawa, nəsway sit napsiti. Awlaŋgək mossorgo məɓayən may wəleŋɗe hirik-hirik pakə; azaɓənək-Maŋgəlva net adaka, aɗɗaŋ əvəl net nawdan gədəvuw adaka, aɗiynənək tursan naffeten makret adaka, afloŋgunək mbazla nawpesl net adaka.

Ezekiyel 20:42

Wakəsənnən na intə Yawe, pay nədamndagokum aka dələv na Israyel, aka dələv məs nəslan vawa, nəsway napsit efiŋgiɗkum.

Ezekiyel 36:7

Vini, an Daya Yawe anah yaŋka: Naw nəslanək vawa: Sessel ɗiy-ɗar dəkaraŋ kiykum waslanən ərba wil net aketi.

Ezekiyel 47:14

Dəsangən ka nokum, dəsangən dakadaka, vi nəslanək vaw a disiŋ na, wanəpsit efiŋgiɗkum; dəlvəŋ wasan sukum ka nokum.

Əŋɗa 10:29

Moyis aɓsən Hobab wətən Re'uwel mə madiyan afət gon na: «Mənam tat əmbat a təki məs Yawe anah na: “In tat əpsukum naka.” Azbamə. Waməgəɗ suk moggoni, vi Yawe agəɗək moggon sən Israyel.»

Əŋɗa 11:12

Intə nəɗi daway net ɗiy vetiŋ pak sa? Awaniɓa intə nəwe ka kənah sugən na: aslet a mokrok va məzudəɗaŋgək tədawslan muzliya, nəkegən aka dələv məs kinan napsit afigiɗti sa?

Əŋɗa 14:30

Suway, kətoŋgoŋ na aka dələv məs nəsway nawɗikum adak də gəlaŋ an may Kaleb wətən Yefunne gəm Yosuwa wətən Nun əŋgə ɓaɓa!

Əŋɗa 23:19

Maŋgəlva ɗəfi ka ndən kawa wən ɓa, wətən Adam ka ndən kakkpaŋgan man ɓa, waynə wən məza əziw akan ɓa sa? Wapel məza kaɗɗan ɓa sa?

Əmsak aka Mahenziŋ 32:40

Wanəsilgin vaw a disiŋ, in tat ənəh maw taŋtaŋ na: madaraw nan hã faɗə!

Əmsak aka Mahenziŋ 4:31

Vi Yawe, Maŋgəlva noko, Maŋgəlva məwəl sasãh ɗəfi yi: azgok na firik ɓa, azok na ɓa, azgət na ki wənmiyna asway sit efiŋgiɗuk ɓa.

Yosuwa 24:13

Nəpsukumək dələv məs kəyanən zukum insen ɓa, walaŋgəleɗe gugriɗ məs vokum dərke ɓa, məs kəssoŋ addivit də gəla, megezlembirke də hereme məs mənokum kəmpenin ɓa, ya mənokum tat əzəm uwa neti!

Hənhən 10:6

yaŋ asway də iya na Maŋgəlva məs madaran hã faɗə, məs dəzəməɗ disiŋ də zəga naddəvən pakə, dəzəməɗ dəlvafuŋ də zəga naddəvən pakə, məs dəzəməɗ pehe də zəga naddəvən pakə. Yaŋ amna: Pay tay dəmbər əmpa ɓa.

1Samiyel 15:29

Əmpa na: «Məzuwwiɗ na Israyeləŋ awa wən ɓa, aɗi marava ɓa, vi ɗəfi yi dəɗigən marava ɓa.»