Əgilye 6:6 - Bible en Guidar

⁶ Vini, anah sit mə Israyelɗe na: «Intə Yawe. Wanəgilgukum səka wəza na balam na Eziptə, wanəpəlkum səka balam neti, wanəkõhgukum də vaw gbogboŋgo gəm də wətawwən gədakə,

Əgilye 6:6 ပူးပေါင်းရင်းမြစ်များ

1Milyeŋge 8:42

vi kaprəmi əpel aka iya nok metiŋgini, gbogboŋ noko gəm na vok mətələn, an azzoŋguk wəkkam addəv Gəlaŋka,

2Milyeŋge 17:36

Sən Yawe məs dəgilgukum səka dələv na Eziptə də wəɓap metiŋgin, gəm də van le'gəni, anan kədawgeslne'eŋ sənən kaka'ə, aban kədappu'oŋgu; anan kədawzaɓaŋ sənən Maŋgəlva.

1Alabaraɗe Də Mabərkiziti 17:21

May nawaŋ va ɗiy nok mə Israyel aka dəlvafuŋ məs Maŋgəlva al kawbitit, vi kawgilgin iya nan də əɗɗa zəgeɗ naggət aket gəm nawgeslne siti, karɓehet ɗiy səbet ɗiy nan məs abit sə Eziptəŋ di?

Nehemi 1:10

Məɗɗaŋ wəza nokəŋgə, ɗiy nok məs kəkõhgit də əɓap nok metiŋgini gəm də vok gbogboŋgo.

Gəlyaɗe 77:16

Də voki yi, kəkõhgit ɗiy noko, kirtin Yakob dit en na Yosef. Əziwe

Gəlyaɗe 81:11

Intə, Yawe Maŋgəlva noko, məs dəgilguk səka dələv na Eziptə. Ahã' moko, nəknəhgəni!

Gəlyaɗe 81:6

tive nazba aɗi sən Yosef gala agil əgay də dələv na Eziptə: In tat əprəm əpel məza nəsən ɓa;

Gəlyaɗe 81:7

niprikgənək zəga nawsla səkki vani, van atehgənək kekele.

Əgilye 1:11

Aɗiyaŋgək deyeɗe aketi vi dəzimgitingin sahã, dəɗɗaŋgən wəza na vavyakə, arkaŋgək walaŋgəleɗe nakkelet zəgeɗ sən Farawən addəvti, Pitom də Ramses.

Əgilye 12:41

Addəv wəzva səkat poɗo də kaklaw hokuŋka, pay nanəski dulaɗe nalpa na Yawe pak agilyoŋ səka dələv na Eziptə.

Əgilye 12:51

Pay nan dəpaski Yawe agilgit mə Israyelɗe səka dələv na Eziptə aza dula nalpa neti.

Əgilye 13:14

Pay an wətuk assohõk mazayən: Vimi aŋ di na? Asna kənah səngən na: Də gbogboŋ na vani Yawe agilgəm sə Eziptə, səddəv gəla na balam.

Əgilye 13:16

Wasan zəga nawsən azan aka vokum gəm a mirbizkum. Vi də gbogboŋ na vani Yawe agilgəm sə Eziptə.

Əgilye 13:3

Moyis, aɓsit ɗiy na: «Məɗɗumon payəŋ məs kəgilyoŋ sə Eziptə, səddəv gəla na balam, vi də gbogboŋ na van Yawe agilgukum sədaka. Kawzəmi zəga məhəsən ɓa.

Əgilye 15:13

Də moggon noko, Kədawgitik ɗiy məs kəmeti! Də gbogboŋ noko, kəkek addəv salala noko.

Əgilye 16:6

May Moyis də Aron anahaŋ sitin mə Israyelɗe pak na: «Moskoyəŋka, wakəsənən na, Yawe dəgilgukum səka dələv na Eziptə;

Əgilye 18:1

Yetro, məsdələv na Madiyan, dəhən Moyis, aprəmək an Maŋgəlva agəɗ pak vi Moyis gəm viyit ɗiy nan mə Israyelɗe: Yawe agilgitik mə Israyelɗe sə Eziptə!

Əgilye 2:11

Moyis agilik kəlazet milmiŋgiɗin, aka əvoŋ nan dasək na, aɓayək səkkay, awlak va adawzəmaŋ sahã aka wəza. Awla mə Eziptə məzərga mə Ibriɗ, taka naret milmiŋgiɗni.

Əgilye 3:17

nənahək na: wanəgilgukum səka wəzəmsahã na Eziptə, Kawkukum kəlaka dələv na Kana'an, na Hitti, na Amori, na Perzi, na Hivvi, gəm na Yebusi, aka dələv məs moŋvo də amama adawdawaŋ akan lokloku.

Əgilye 3:8

Nəprik na, vi kawkõhgit səvet mə Eziptiɗi, kawgilgit səka dəlvəŋ, kawket aka dələv moggon fədiy fədiyə, aka dələv məs moŋvo də amama adawdawaŋ akan lokloku, kəlaka təki net mə Kana'anɗe, na Hitti, na Amori, na Perzi, na Hivvi, gəm na Yebusi.

Əgilye 32:11

Moyis affetenək makra Yawe Maŋgəlva nani, yaŋ amna: «Yawe, vimi kədaŋgla əfə̃h ədagədəv nok aket ɗiy nok məs kəgilgit səka dələv na Eziptə də gbogboŋ nok gəm də va totokprok nok di?

Əgilye 6:2

Maŋgəlva anah sən Moyis na: Intə Yawe.

Əgilye 6:29

Yawe apel sən Moyis dawnəh na: «Intə Yawe, anah sən Farawən məlĩ na Eziptə an nənah sukuŋ pakə.»

Əgilye 6:8

Wanəkukum aka dələv məs nəgəm wən nan vi kapsən Abraham, sən Isak gəm sən Yakob. Wanəpsukum ka nokum. Intə Yawe.»

Əgilye 7:4

Farawən aprəmkum na ɓa. Wanəɗi vaw aka Eziptə ya wanəgilgit dulaɗe nalpa net ɗiy naw mə Israyelɗe, səka dələv na Eziptə də wətaw wən gədakə.

Əgilye 7:5

Vasna mə Eziptiɗ wasənən na, intə Yawe, pay nədappar vaw aka Eziptə; nədawgilgit mə Israyelɗe sə weleŋti.»

Isaya 9:12

Də as pak ɗiy dəmilyoŋ aza məzuvərit ɓa, dəkayanən Daya Məzuɓappak ɓa.

Isaya 9:17

Vi daraw arma offo va gedirge də tintif, məzərma offo əkan addivit wəleŋɗe ŋgərəɓə gəm kawpeŋgit enene tirliŋtirliŋ a disiŋ.

Yeremiya 21:5

In sən kiwa, wanəgay də mənokum də vaw gboŋgboŋ təlla gəm də ədagədəv makraw fuyõfuyõ diyɗa sit herɗe.

Yeremiya 27:5

Intə nəzəməɗ dəlvafuŋ, ɗəf titire gəm zəga mamayã naka dəlvafuŋ də əɓap naw metiŋgini gəm də vaw paparra, yaŋ nədepsin ɗəf an nəŋgələ.

Yeremiya 32:21

Kəgilgitik ɗiy nok mə Israyelɗe səka dələv na Eziptə də əɗɗa sekeneɗ dit sesergeɗe də va gbogboŋ nok gəm də vok təlla dəggbo' geslne metigini.

Ezekiyel 20:33

Va nəsaw madarawa, Daya Yawe aɗiymani: Sessel də vaw gbogboŋ təlla gəm də əggbo' herɗe naw nədawzəm məlĩ akokum.

Wəza net Masləŋɗe 13:17

Maŋgəlva net ɗiy mə Israyeləŋ awelik efiŋgiɗmə, aɓaygitik aka assoŋ aka dələv na Eziptə; yaŋ agilgit də van təlla sədaka.

Əmsak aka Mahenziŋ 11:2

Məsən dəpaŋ na, viyit kirtukum məs dəsənən ɓa may dulanən ɓaŋki ɓa. Sukum mənokum kulanən va Yawe Maŋgəlva arban mẽmẽtiŋ nan də gbogboŋ na vani, də van təlla.

Əmsak aka Mahenziŋ 15:15

Kəɗɗumongən na kəssokuk balam aka dələv na Eziptə yaŋ Yawe Maŋgəlva nok abitko. Vini yi, nədawɗi suk wən nan vas dəpaŋka.

Əmsak aka Mahenziŋ 26:8

Yawe agilgəmək sə Eziptə də gbogboŋ na vani, van təlla, də əɗɗa zəgeɗ nawgeslne sit diyɗa, də wəgilgin zəga narba zəga azani, dit sekeneɗi;

Əmsak aka Mahenziŋ 4:23

Məsla zukum kədazgətaŋ ki wənmiyna na Yawe Maŋgəlva nokum məs aynə də mənokum ɓa, ka kaɗɗa zəgakamaŋgəlva nokum aɗi sukum wən nan dawtakkum ɓa.

Əmsak aka Mahenziŋ 4:34

Awaniɓa, maŋgəlva tay dəde əyagan igim ɗiy səka dələv net ɗiy meɓɓet ka nan də ula an nazet dit zəgeɗ narban wəna, dit sekeneɗi, də wəlpaɗe, də gbogboŋ na vani, van təlla, də wəgeslne'git ɗiyi, va Yawe Maŋgəlva nokum agəɗ a Eziptə vikum ama horokum sa?

Əmsak aka Mahenziŋ 5:15

Kəɗɗumongən na, kəsokuk balam aka dələv na Eziptə, Yawe Maŋgəlva nok agilguk sədak də gbogboŋ na vani, van təlla. Vini Yawe Maŋgəlva nok aɗi suk wən nan kərmagən pay naffete.

Əmsak aka Mahenziŋ 6:12

asla zuko, vi kədazgət ki Yawe dəgilguk səka dələv na Eziptə səddəv gəla na balamə.

Əmsak aka Mahenziŋ 7:19

Kulak də horok gəbayɗe gugriɗe, sekeneɗi gəm zəgeɗ naggət aketi may van gbogboŋ atəl gala Yawe Maŋgəlva nok agilguko; vaski Yawe Maŋgəlva nok adawgəɗ sit ɗiy en kədawgeslne' sit pakə.

Əmsak aka Mahenziŋ 7:8

Vi Yawe aŋglukumko yas aziw aka əsway nan sit efiŋgiɗkum, ndəni Yawe akõhgukum gəm agilgukum də gbogboŋ na van səka balam, səva Farawən, məlĩ na Eziptə.

Əmsak aka Mahenziŋ 9:29

Ya ɗiy nokəŋ, nawray noko, məs kəgilgit də gbogboŋ nok metiŋgini gəm də vok paparə!»