Əgilye 3:13 - Bible en Guidar

¹³ Moyis aɓsən Maŋgəlva na: «Yaŋ in tat əddaw azet mə Israyelɗe, wanənah sit na: Maŋgəlva net afiŋgiɗkum dəslənu azokum. An anahaŋ suwənək na: mbari yi iya nan di na, mbar nədawneh sit di?»

Əgilye 3:13 ပူးပေါင်းရင်းမြစ်များ

Va'Atəŋ 32:29

Amna: «Kawyukiy əmpa na Yakob ɓa, Israyeli kana, vi kəzləbək də Maŋgəlva gəm ɗiy, kəskək wəla.»

Əgilye 15:3

Yawe məzəlpay. Yawe yi iya nani.

Əgilye 3:12

Maŋgəlva amna ha'aw: «IN TAT də isi. Awle, zəga an narban suk na, intə nəslunko: pay kədawgilgit ɗiy naw sə Eziptə, kəgagdakanəngən Maŋgəlva aka gərməŋka.»

Əgilye 3:14

Maŋgəlva aɓsən Moyis na: «IN TAT MƏS NƏSAWA.» Yas amna: «Kənah sitgin mə Israyelɗe vaska: IN TAT dəslənu azokum.»

Əgilye 3:15

Maŋgəlva anah sən Moyis əmpa na: «Yaŋ an kədawpel sit mə Israyelɗe: Yawe, Maŋgəlva net afiŋgiɗkum, na Abraham, Maŋgəlva na Isak, Maŋgəlva na Yakob, dəslənu azokum. Aski iya naw faɗə, vaski adakkamawən aza va sayit ɗiy asani.

Əgilye 7:16

Kənah səngən na: Yawe, Maŋgəlva net mə Ibriɗ, dəslənu ənah suk na: Appet ɗiy naw dəmbataŋ dəɗɗaŋ səwən wəza a kapta-muyã; yaŋ hã kakaŋka kəprəm ɓa.

Wənməkkpaŋga 30:4

Nawãy dəpeŋ a disiŋ dəprik sədak di? Nawãy dəkkal ɗah səmyã a dagrakay van di? Nawãy dətər ɗah iŋkile addəv lukut nan di? Nawãy dəziwgit meŋge na dəlvafuŋ pakəŋ di? Mbari iya nan di? Iya na wətən mbari di? An kəsənka.

Isaya 52:6

Vasna ɗiy naw wasənən iya nawa. Pay nan dəpaska wasənən na intə məs dədawnəh na: «In yakəŋkə!»

Isaya 7:14

Vini kana, Daya zək nan wapsukum zəga narba azani: Awla waŋ ŋgbuɓɓo watəɗi daway, watəwə wiyna. Watəya iya nan na Emanuwel.

Isaya 9:6

Waɓaygən gagdak na məlĩ nani, wapsən zazay gəm əzəm məlĩ məza əgrak ɓa sən Davit. Wasɓan aka məlĩ nani, watawwən net ɗiy təstəs aka tiveni, təŋ kakaŋka hã faɗə, aski an Daya Məzuɓappak adaɗɗa addəv əŋgla nani.

Yeremiya 23:6

Aka pay nani, Yuda wakõhu, Israyel wasan kiyən foŋgo. Iya an adawyanən yaŋka: Yawe yi təstəs namə.

Matiye 1:21

watəwə wiyna, wakəlvan na Yesu. Vi wakõhgit ɗiy nan səka mbərayən neti.

Matiye 1:23

Waŋ ŋgbuɓɓo watəɗi daway watəwə wiyna, kalvani na Emanuwel, va wənah na: Maŋgəlva tay də mənamə.

Wəza net Masləŋɗe 3:13

Maŋgəlva na Abraham, na Isak, na Yakob, Maŋgəlva net efiŋgiɗim agagdakanək gawla nan Yesu məs nokum kəppanəni, kəɓoŋgoŋ dawsənən aba Pilat, də aŋgəl nappan zlaŋ.

Mətawaŋwəna 13:17

Mano'ah aɓsən maslay na Yawe na: «Mbari iya nok di? An əpel nok agəɗək gesiŋ na, məgagdokokgəni.»

Mətawaŋwəna 13:6

Guluk nak mbat eŋgili tənah sən zilta, təmna: «Ɗəf na Maŋgəlva adek azawa; ulan na, dawla va maslay na Maŋgəlva, ezlezle tay azan sawɓa. Nəssõhon man na səŋgay di ɓa, ya dənah suw iya nan ɓa.