Əgilye 24:7 - Bible en Guidar

⁷ Agəmək ɗerewel na wənmiyna, aŋɗan sitik ɗiyi. Aɓɗaŋ na: «An Yawe anah səm pak waməɗɗa, waməprəm səni.»

Əgilye 24:7 ပူးပေါင်းရင်းမြစ်များ

1Milyeŋge 8:9

Akoti vani, zəga tay addəvən maɓɓan abbər ki kalaɓɗe sula en Moyis azi addəvən a Horeb pay Yawe aziwgin wənmiyna dit ɗiy na Israyel, dərɓaga əgilye net sə Eziptə ɓa.

2Alabaraɗe Də Mabərkiziti 15:14

Aynanənək met aba Yawe də gugoyo diyɗa, vaŋvəl na ənneke, dit gozloreɗ gəm mohoŋɗe.

Gəlyaɗe 50:5

«Məkkelet su ɗiy nawa, məs diynaŋ wənmiyna də in də əzaɓ-Maŋgəlva!»

Gəlyaɗe 78:36

Ya meti dədawrakani, hərzlumit tay əwə sən wəna;

Əgilye 19:8

Ɗiy pak azlanənək met taka, aɓɗaŋ na: «Waməɗɗa an Yawe anah pakə.» Yas Moyis aki əpel net ɗiy sən Yawe.

Yeremiya 34:13

An Yawe Maŋgəlva na Israyel anah yaŋka: Naw nəziwginik wənmiyna dit efiŋgiɗkum gala nəgilgit səka dələv na Eziptə səka balam dawnəh na:

Yeremiya 42:6

Dəsan moggoni, dəsan mbərayni, əpel na Yawe Maŋgəlva nam məs məslənuk azan mədaprəma, zəga pak wasan səm moggoni vi waməprəm ma Yawe Maŋgəlva namə.

Ezekiyel 16:8

Nətoŋguk go'o dəzoko, yaŋ nuluko; mbara kəgapək naŋgla ɗəfa. In lukut naw zlazlar akok haɗamgən zuk sirndiwweŋka; nəsway suko, nəziwgin wənmiyna də isi. Daya Yawe aɗiymani, naw kənani.

Malakiya 2:10

Afəm takay ɓa sa? Maŋgəlva taka dəzəməɗəm ɓa sa? Vimi mədazəm ki zəm əraygən wənmiyna net efiŋgiɗəm di?

Wəza net Masləŋɗe 13:15

Səza məŋɗan ɗerewel na mahenziŋ gəm net məskəleŋɗe na, ɗiy gugriɗ naddəv gəla nakkal net mə Yudeɗ slənaŋ azet dawnəh na: Məlmiŋgiɗmə, an mənokum tat də əpel a mokum nasɓet ɗiy na, məpele.

Kolosi 4:16

Pay məŋɗan ɗereweləŋ anokum da, məɗɗa ka dəŋɗanəngən addəv gəla na Maŋgəlva a Lawdikiya tamə, an dəde sə Lawdikiya tamə, məŋɗan anokum da.

1Tesaloniki 5:27

In tat əkkamokum də iya na Daya, məŋɗan letərəŋ a walaŋgit milmiŋgiɗəm baymeti.

Yosuwa 24:24

Ɗiy aɓsənən Yosuwa na: «Yawe Maŋgəlva nam mədawgəɗ sən wəza, man mədaprəma.»