Əgilye 23:7 - Bible en Guidar

⁷ Azar faraɗa səza əpel na uwawəna. Kədawbay ɗəf də mazlibezlibe na man may ɗəf təstəs ɓa, vi nənah na, ana ɗəf məs mambray na təstəs yi ɓa.

Əgilye 23:7 ပူးပေါင်းရင်းမြစ်များ

Efesus 4:25

Vi vaski məppan uwa wəna! Ɗəf pak dəpel gesiŋ aza meggeni, vi gəɓa zəm taka mənani.

Əmsak aka Mahenziŋ 27:25

«Wəray dəsan aka ɗəf an mərakan dit koɓeɗ vi kawbay ɗəf məs də mezlibezlibe na mani!» Ɗiy pak dəzlanəngən na: «Dəsan vaska!».

Əgilye 34:7

Tay ərma moggon nan azet sayit ɗiy gabalɗe, də əɓəs heslepe, əɓoŋgo gəm mambraya, appan na məs dəraygən wən ɓa hara wazək sləma aka heslepe net afiŋgiɗit kirin aket kirtiti, gəm aket kirtit kirtiti, aza sayit mahoko'o də mapoɗo'o.

Əgilye 23:1

Kədabbalan tepelke ɓa. Kədawaŋ wən kabbah sən ɗəf mbərayən ɓa.

1Tesaloniki 5:22

Məzar səza mambray zev awandi pakə.

Məsdəlveŋge 19:11

Kədawhalaŋ ɓa, kədawaŋ wən ɓa, ɗəf adawbəɗan meggen ɓa.

Roma 1:18

Vi ədagədəv na Maŋgəlva arbək hã sə disiŋ aka mambray də ɗarɗar net ɗiyi, məzubayən təstəs addəv ɗarɗarə.

Luka 3:14

Məzəlpaŋ tam assohõnənək dawnəh na: Nam tam awani dəslə azam naɗɗa di? Azlan sitik na: Kədawtafaŋ arya net ɗiy də gagay ɓa mãy ərma wən ɗar sən ɗəf ɓa, ya mənnek də əfaɗ na iya nokum.

Nahum 1:3

Yawe awda gədəv gu' ɓa, tay də wəɓap metiŋgini, appan na məgəɗ zəga ka məs man bartata ɓa. Tive na Yawe tay addəv buwən də səmyã gəm addəv barkataŋ; slaybuna, ndəni ologudum nammba təlni.

Isaya 33:15

Ɗəf məzədaw də wəɗɗa an təstəs gəm məzəpel sarara məzuzelən wən na vərum məzəɓoŋ dawtaf zəga na mekeleŋ məzəsuk sləman vi adaprəm wən na əbay gəbay ɓa məzəɗup haran vi adawla mambray ɓa.

Wənməkkpaŋga 17:15

Dəɗi ɗəf məs dəraygən wən ka ɗəf təstəsə gəm dəɗi ɗəf an təstəs ka məs dəraygən wəna, sulagən pak daryawi ara Yawe.

Ɗerewel na Yob 22:23

An kəmilik aza Məzuɓappak, wakəsil a gəloko, adahək kəzargənəgən ɗarɗar səza gəla nok faraɗa.

Əgilye 20:13

Kədawbay gəbay ɓa.

Va'Atəŋ 18:23

Abraham zar azani, amna: «Gesiŋ wakəzan ɗəf təstəs də an dəraygən sa?

Əgilye 20:16

Kədawa wən aka meggok ɓa.

Məsdəlveŋge 19:16

kədawraygən iya na məlmuk ɓa, kədataw wən nawbay məlmuk ɓa. Intə Yawe.

Əmsak aka Mahenziŋ 25:1

An ɗiy tahəŋ də wən a weleŋti, wazzoŋ aba ətaw wəna, mətawan wən wataw siti; asna karbani na, ɗəf an təstəs na təstəsi, ɗəf an dəraygəni, araygənəka.

Gəlyaɗe 94:21

Tay əkkalaŋ aka ɗəf an təstəsə, ɗəf an dəsən akan ɓa, ənəhaŋ na araygənka.

Gəlyaɗe 119:29

Azargən tive na əwa wən faraɗa səzawa, agəɗsu moggon va mahenziŋ nok anahə.

Wənməkkpaŋga 11:21

Tay va məsdaraw adawkõh səddəv əzga' ɓa, zəv ɗəf an təstəs na, nan wakõhu.

Isaya 5:20

Əray yi azet ɗiy en məzunahaŋ na an moggon na daryaw yi, ya an daryaw na moggoni! Məzəɗinən guzli ka əkeɗeɗe'e, əkeɗeɗe ka guzliyo, məzəkkpaŋganən zəga tatrah ka zəga gəgəŋɗəta, zəga gəgəŋɗət ka zəga tatrahã.