Əgilye 18:12 - Bible en Guidar

¹² Yetro, dəhən Moyis, aɗɗak əvəl nawzla kurmbuɗuk gəm əzaɓ-Maŋgəlva sən Maŋgəlva, yas Aron dit ɗiy məsɓet na Israyel azzoŋ pak kawzəm peŋ də dəhən Moyis aba Maŋgəlva.

Əgilye 18:12 ပူးပေါင်းရင်းမြစ်များ

Va'Atəŋ 12:7

Yawe arbanək zən aza Abram, amna: «Sən mazlalwõkiy nədapsən dəlvəŋka»; adak arkə təki nawzaɓ-Maŋgəlva sən Yawe dərban zən azanəŋka.

Va'Atəŋ 26:25

Yaŋ arkək təki nawzaɓ-Maŋgəlva adaka, akkaman Yawe də iya nani. Aherik gizlirke nan adaka, gewleɗ na Isak aso'oŋguk vov net iŋkile adaka.

Va'Atəŋ 26:30

Agəɗ sitik waynabaya; azəmaŋka, asaŋka,

Va'Atəŋ 31:54

Yakob azaɓək-Maŋgəlva aggərma. Ayek milmiŋgiɗin aka peŋ; azəmənək peŋ, ndəɗaŋ kim aggərəm adaka.

Va'Atəŋ 4:4

Abel tam akiyək uwa na məlviya net gilew nani gəm səlhã neti. Yawe awələk aza Abel də əvəl nani,

Va'Atəŋ 43:25

Azaɓanənək əvəl net nak dawga wəmilyẽ na Yosef də tətaŋ paya; vi aprəmənək na, adaki adawzəmaŋ waya.

Va'Atəŋ 8:20

Nuwe arkək təki nawzaɓ-Maŋgəlva naɗɗa əvəl nawzla kurmbuɗuk sən Yawe. Agəmək sə weleŋgit zəgeɗ memeyẽɗ en nawzəm pakə, səret biŋgeɗ en nawzəma, aɗɗak əvəl nawzla kurmbuɗuk aka təki nawzaɓ-Maŋgəlva naka.

2Samiyel 9:7

Davit aɓsən na: «Kəgeslne' ɓa, maw aka wəgəɗ suk moggon ammba wən na afuk Yonatan. Wanəmndeget suk gulyeŋge na dəhuk Sawlu pakə, is sən kiyuk anawda kədawzəm ɗayɗayə.»

2Alabaraɗe Də Mabərkiziti 30:22

Hizkiya apelik nawsokon mekret mə leviɗe məs dəssoŋ də əɗɗum moggon aka Yawe baymeti. Azəmaŋka, aɗɗaŋgək pay buhul va məɗiyən aka əzaɓ-Maŋgəlva nawrəh zazaya gəm əgəɗ sən soko sən Yawe Maŋgəlva net efiŋgiɗti.

Ɗerewel na Yob 1:5

An aɗɗaŋgək wəzləra aza ziti, Yob əyet vi kabbur heslepe səzeti. Ndən əsilyen də ba pummo əda əvəl nawzla kurmbuɗuk vi naway di pakə, vi Yob tay ənah na: «Awsən ɓa kuzuŋ kirtu aranənək Maŋgəlva addəv mekreti!» Vaski Yob adaɗɗan pay pakə.

Ɗerewel na Yob 42:11

Yas milmiŋgiɗin mezeŋgleket dit muguluŋgiti gəm ɗiy en dəsənnən farfar pak azzoŋ ulanəni, azəmaŋ way dəndən eŋgil ananda. Ahəmgənənka, affeten sənən makran vi tatwãh an Yawe aki akan pakə, naway pak apsənək təbəz babar taka, gəm ɗəf pak ndama na meleŋge taka.

Ɗerewel na Yob 42:8

Kakaŋ na, məkay medgeɗgeɗe buhul gəm ndergeyẽɗ buhulu, məddoŋ ərəh gawla naw Yob. Kədaŋ suwəngən əvəl nawzla kurmbuɗuk nawrah zazay nokum, Yob gawla naw dəkkamgən vikum. Wanəprəm əkkam nani, də kəpeleŋ wən təstəs akaw va gawla naw Yob ɓaŋ zlaŋgə, wanəɗɗa sukum va ətem nokum ɓa.

Əgilye 18:13

Vit pumpum nani, Moyis asanək kawtaw wən net ɗiyi, ɗiy aziweŋgik aba Moyis təŋ də mopumo hã moskoyo.

Əgilye 2:16

Məsdələv na Madiyan, tay dit kirin muguluŋgit buhulu. Azzoŋguk əmbaɗaŋ iŋkile, kaknəhiŋ horkotɗe gilew na afit dəsaŋgəni.

Əgilye 2:20

Anah sit kirtin muguluŋgit neki: «Ya, ŋgay di? Vimi kəppanən ɗəfəs adak di? Miya! Dəzəmgən peŋ!»

Əgilye 20:24

Noko, matuya na dələv kədarka, akani kədaɗɗa əvəl nawzla kurmbuɗuku, də əzaɓ-Maŋgəlva nawrah zazay dit gilew gəm wasliɗe noko. A təki nədarban iya nawa, wanəde azoko, wanəzaɓoko.

Əgilye 24:11

Ɗiy məsɓet na Israyelis, Maŋgəlva dəgəɗ sit zəga ɓa; asəŋgləkanənək Maŋgəlva, ndəɗaŋ namnamə, hərəh hərəhə.

Əgilye 24:5

Sissiŋ aslin gewleɗ na Israyel; akiyaŋgək əvəl nawzla kurmbuɗuku, gəm azaɓaŋgək-Maŋgəlva dit medgeɗgeɗe sən Yawe va əzaɓ-Maŋgəlva nawslere.

Əgilye 3:1

Moyis tay ətaɗ gilew na Yetro, afət goni, məsdələv na Madiyan. Akek gilew balsən kapta-muyã, agap aba gərəm na Maŋgəlva, a Horeb.

Əgilye 33:7

Moyis agəmək gizlirke al əmpan ɓuhho a mapoho na dibirgidiki, aya na: «Gizlirke nalma». Ɗəf dədawkayan Yawe pak na, ndən əgilyen kəlaza gizlirke nalma də Maŋgəlva na mapoho dibirgidiki.

Daniyel 10:3

Nəzəm əzəm moggon ɓa, sluwa gəm mbazla dətoŋgoŋ amaw ɓa, nəgəɗ tursan azaw ɓa hã gap pay buhul təl hoku nek toŋgoŋgu.

Əŋɗa 10:29

Moyis aɓsən Hobab wətən Re'uwel mə madiyan afət gon na: «Mənam tat əmbat a təki məs Yawe anah na: “In tat əpsukum naka.” Azbamə. Waməgəɗ suk moggoni, vi Yawe agəɗək moggon sən Israyel.»

Luka 14:1

Yesu atoŋguk eŋgil ana daya net Farisaɗe da pay naffet vi kawzəma, yaŋ adawsiviwini.

Luka 14:15

Yaŋ ɗəf taka səmmbet ɗiy məyet aprəm wənəska, aɓsən Yesu na: Əzaɓ aka ɗəf an nawzəm way addəv məlĩ na Maŋgəlva.

1Korintus 10:18

Mula mə Israyelɗe: Nam na məzəmaŋ slu na əzaɓ-maŋgəlva sən tuya na asapaŋgək də matuya ɓa sa?

1Korintus 10:21

Kəɓapən na əsa zəga addəvət huloŋ na Daya gəm addəvət huloŋ net tuyeŋge ɓa. Kəɓapən na əzəm way na Daya gəm an net tuyeŋɗe ɓa.

1Korintus 10:31

An əzəm kədawzəmaŋgə, an əsa kədawsaŋgə, zəga an kədaɗɗaŋ pak, məɗɗa vi gagdak na Maŋgəlva.

Əmsak aka Mahenziŋ 12:7

Kəzəmnəngən adak aba Yawe Maŋgəlva nokum, zukum dənnekgən də gəla nokum də zəga an kəɗɗaŋ pakə, vi Yawe Maŋgəlva nok azoɓokko.

Əmsak aka Mahenziŋ 27:7

Kəzaɓgən-Maŋgəlva nawrəh zazaya, kəzəmgən adaka, kənnekengən zuk aba Yawe Maŋgəlva noko.