Əgilye 1:20 - Bible en Guidar

²⁰ Maŋgəlva agəɗ sitik moggon sit muwaŋ gil neki, ɗiy awanənək kiyit diyɗa. Akkpaŋgaŋgək gboŋgboŋgu.

Əgilye 1:20 ပူးပေါင်းရင်းမြစ်များ

Gəlyaɗe 103:11

Va disiŋ asan aka dəlvafuŋgu, moggon nan adayək aket məgeslne'eŋ sənəni.

Gəlyaɗe 111:5

Apsitik əzəm sit məgeslne'eŋ sənəni, tay əɗɗumon wənmiyna nan pay pakə.

Gəlyaɗe 145:19

Tay əɗɗa əŋgla net məzugeslne'eŋ sənəni, tay əprəm əhəm neti, tay əkõhgiti.

Gəlyaɗe 61:5

Maw aka əsaw hã faɗ addəv gizlirke noko gəm nərahgən əɗam a perslekoko. Əziwe

Gəlyaɗe 85:9

In tat əprəm mi Maŋgəlva Yawe adawpel di, vi tay əpel wən na: «Zazay» sit ɗiy nani gəm sit en dətafnəni, ya adamndoŋ addəv dərwa ɓa!

Əgilye 1:12

Də adaŋzlu ma sleŋsleŋgit pak, mə Israyelɗe awanən kiyit hõyo'hõyo' diyɗa yas ageslne'eŋ sitinin mə Israyel.

Əgilye 1:19

Muwaŋ gil anahaŋ sənən Farawən na: «Vi gil net mə Ibriɗe, va gil net mə Eziptiɗeŋ ɓa; net guromɗeŋgə; tak muwə guluk tədawgap azet na, awaŋgək səkay.»

Əgilye 1:7

Mə Israyelɗe awaŋka, awanənək kiyit hõyo' hõyo'u, akkpaŋgaŋgək gboŋgboŋ diyɗa: dələv aknahək dəndəɗaŋgə.

Wənməkkpaŋga 11:18

Məsdaraw na, wəza na uwawən adaɗɗa; ɗəf məgəɗ təstəsə, zəga an gesiŋgesiŋ adawrəh na hanza nani.

Wənməkkpaŋga 19:17

Dəwəl sãhã aka məssãhã na, dəmən apsən Yawe, wapsən zəga navan.

Məsmaɗula 8:12

Kəta məs mambray dəɗɗa daraw nan təl səkatə gəm dəzzeken pay nan aka dələv zlaŋgə, nəsənək na, nenek tay viyit ɗiy məgeslne'eŋ sən Maŋgəlva, vi tay əgeslne'eŋ sənəni,

Isaya 3:10

Mənah na: dəɗah net ɗiy en təstəs vi wazəmən ətərwəray na wəza neti.

Matiye 10:42

Ɗəf an dəpsən iŋkile zazay dayday addəv huloŋguk sən taka səmmbet muzliyeɗ nawiŋki, vi asan gawla nawa, gesiŋ nədawnah sukum: Sessel azəna dawrəh zəga na van ɓa.

Matiye 25:40

Məlĩ wazlan wanah sit na: Gesiŋ nədawnah sukum, an məs kəɗɗaŋ sən taka nammbet milmiŋgiɗu en muzliyeɗiŋki, su kəɗɗanəni.

Luka 1:50

ulasahã nan tay əzban sayit ɗiy məzugeslne' sənən va amə'ə.

Ibriɗe 6:10

Maŋgəlva mbərayni ɓa, azgət na ki wəza nokum ɓa gəm əŋgla məs kərbanən aka iya nan kəbbahaŋ sit ɗiy salala lahəŋka hã gap kakaŋkəŋka.