Əɓuhma 2:9 - Bible en Guidar

⁹ Maddambeɗe nan pak atoŋgoŋguk afuŋ, areygitik təbzeŋge nawkəɗəslit petepete. Məlĩ nani dit ɗiy gugriɗ nan pak tahəŋ ammba vet ɗiy ɗarə, mahenziŋ tay ɓa, məskəleŋɗe nan dayday awrəhaŋ ula məs dəde səza Yawe ɓa.

Əɓuhma 2:9 ပူးပေါင်းရင်းမြစ်များ

2Milyeŋge 25:7

Mətaw wəlet kirtin Sedekiya ama harani. Nabukodonozor aɓəhək hara Sedekiya kpaŋgən daŋgarə, miynan dit ngiyamɗe na təbəz pepreŋ sula yas akanən a Babilon.

2Alabaraɗe Də Mabərkiziti 15:3

Anziyək diyɗa, mə Israyelɗe assoŋ məza Maŋgəlva an gesiŋ ɓa, məza məsdələv narban sit wən ɓa, məza mahenziŋ ɓaŋka.

Nehemi 1:3

Aɓsuwən na: «En dəppaŋ dəssoŋ akkiva adak vet tahəŋ addəv tatwãhã gəm ərba wil diyɗa. Zlava na Yerusalem foŋfoŋgi, offo azimik maddambeɗe nani.»

Gəlyaɗe 74:9

Mawla zəgeɗ-narban səmən ɓa, məskəleŋɗe tahəŋ əmpa ɓa, ɗəf tay səram dəsən hã ka dewey di ɓa!

Isaya 24:12

An dəpəl a walaŋgəla-metiŋgin na əray yi gəm əza, metive nan məbzluwni.

Yeremiya 14:14

Yawe azlan suwək na: Məskəleŋɗe wən adawaŋ də iya nawa. Nəslin ɓa, wən tay məs nəɗi sit naɗɗa ɓa. Nəpel sit ɓa. Wən ɗar adawlaŋgə, əpel mekeleŋgi, mekret dədawmbəɗet nawgəɗ sukum kəleŋ!

Yeremiya 23:16

An Yawe Məzuɓappak anah yaŋka: Kədaprəmən əpel net məskəleŋɗe ɓa en məzupeleŋ sukumən va məskəleŋɗeŋ na əza adawzokumuni, əɗɗum na mekret adawpeleŋgi səmaw in Yawe yi ɓa.

Yeremiya 39:2

Aka wəzva makəlaw kiyən taka na Sedekiya. Də wəvoŋ vaytak na təla mopoɗoni, məɓliwi zlava na walaŋgəla-metiŋ nak səzani.

Yeremiya 39:8

Mə Kaldiyeɗ aɗi sənənək offo sən gəla na məlyã gəm sit gəleɗe net ɗiyi; yas aɓzluwən zlava naka walaŋgəla na Yerusalem.

Yeremiya 51:30

Məs məkret nalpa na Babilon appanənək əgaya addivit korguɗe adassoŋgu. Mekret amtəka, akkpaŋgaŋgək va gili. Məslakataɗe na maddamba anzlaŋka, məɗiyə offo sit gəleɗe nani.

Yeremiya 52:14

Məzəlpaŋ net mə Kaldiyeɗ məs dəzbanən daya net məzugaŋ naka, aɓzluwənək zlava dətərwəsl Yerusalem pakə.

Əɓuhma 1:3

Duɓ əduɓ kiyən addəv ərba wili, məkani Yuda aka wəza na balamə. Aweleŋgit dilveŋge asani, ya awrəh təki naffet ɓa. Məzuzelɗe nan pak arufunək addəv əɓuhmani.

Əɓuhma 4:15

Mərɓehit dawnah na: Məmndoŋgu, ɗiy mbəreyti! Məmndoŋgu, kəgapaŋ aŋ ɓa! Vi na ənzo adanzoŋgu məza dəsənnən təki adaddoŋ ɓa. Ɗiy ɗar tahəŋ ənahaŋ na: adassoŋ faɗ anamda ɓa.

Əɓuhma 4:20

Armanən məgə əmpəs nam wẽk, ana məlĩ mesiya na Yawe, ndən məs mədawnah na: «Ara zeŋgileni waməsam madaram aweleŋgit ɗiy-ɗarə!» Yaŋ addəv bizwil neti.

Ezekiyel 12:13

Wanəppar mazzaɗ naw akani, warəm aka bizwil nawa, wanəki a Babilon dələv net mə Kaldiyeɗi; awla na ɓa wamtə adaka.

Ezekiyel 17:20

Wanəzlzlar zəva naw akani; warəm addəv bizwil nawa. Wanəka a Babilon, wanətawwən nan adak aka əggbak ma aggbak mawa.

Ezekiyel 7:26

Əray aka əray wade, alabara mbərayən aka alabara mbərayən wade; wakayaŋ məskəleŋ dəwəl sitgəni. Iyak wazə səza məsdəlva, may wəzga' səzet ɗiy məsɓeti.

Hose'a 11:6

Masalam wakəlvəɗ a walaŋgəleɗe gugriɗ nani, wazet məzuganəni, wazim aka an armaŋ a mekreti.

Hose'a 3:4

Vi mə Israyelɗe wassoŋ əzva diyɗa məza məlĩ ɓa, məza ɗəf daya ɓa, məza əzaɓ-Maŋgəlva ɓa, məza serek ɓa, məza lukut na wəza na daya net məsdəlveŋge ɓa may terafim ɓa.

Amos 1:5

Wanəŋzliw təbzeŋge nawkəɗəsl maddamba na Damas, wanəzan ɗəf dəsan də gəla a Bike'at-Awen, ana məzəm məlĩ a Bet-Eden. Ɗiy na Aram na, kawketi aka balam a Kir,» Yawe anahə.

Əmsak aka Mahenziŋ 28:36

Yawe wakuk isi də məlĩ nok pakə, aka dələv net ɗiy meɓɓeti, is dit efiŋgiɗuk kəsinin ɓa, adaka, wakəgəɗ wəza sit meŋgilveɗ meɓɓeti: na wəlaŋga gəm na gərma!

Əmsak aka Mahenziŋ 28:63

Vaski Yawe anneken zən nawgəɗ sukum moggon də uwokum hõyõ' hõyõ'u, vaski ye'e Yawe agəm wən nawzokum kakãhə, karɓahokumi səka dələv an kədawtoŋgoŋ addəvən kawmõhən ka nokuməŋka.

1Samiyel 28:6

Sawlu akkamanək Yawe, Yawe dəŋger əzlan sən addəv issine dayday ɓa, də Urim ɓa, may də met məskəleŋɗe ɓa.